Свет
Ерменија и Азербејџан на мировни преговори во САД
САД од вчера се домаќини на мировните преговорите меѓу Ерменија и Азербејџан, чија цел е смирување на неодамнешните тензии за спорната енклава Нагорно-Карабах, пренесува „Ал Арабија“.
Ерменија и Азербејџан двапати војуваа – во 1990 и во 2020 година – околу регионот, кој официјално е територија на Азербејџан, населен со мнозинско ерменско население, но конфликтот постојано се поттикнува.
Тензиите повторно се зголемија минатата недела кога Азербејџан постави контролен пункт на коридорот Лачин, единствената копнена врска меѓу Ерменија и спорниот регион Нагорно-Карабах, чекор што го разбесни Ереван и беше проследен со размена на оган од двете страни на границата.
Ерменија го смета овој потег на Азербејџан како прекршување на примирјето за кое се преговараше меѓу двете страни.
Американскиот државен секретар Антони Блинкен во неделата ги почна очекуваните четиридневни мировни преговори меѓу двете страни на вечера со министрите за надворешни работи на Ерменија и Азербејџан, Арарат Мирзојан и Џејхун Бајрамов во објект на Стејт департментот надвор од Вашингтон.
„Секретарот верува дека директниот дијалог е клучен за решавање на прашањата и постигнување траен мир“, рече портпаролот на Стејт департментот, Ведант Пател.
Блинкен во неделата разговараше и со претседателот на Азербејџан, Илхам Алиев, изразувајќи загриженост за контролниот пункт за кој рече дека ги поткопува напорите за воспоставување доверба во мировниот процес, се вели во соопштението на Стејт департментот.
Претходно во саботата, Блинкен разговараше и со премиерот на Ерменија, Никол Пашинјан, нагласувајќи ја важноста од мировните разговори и ветувајќи континуирана поддршка од САД.
„Не избиравме зборови за потребата од слободен проток на сообраќај и луѓе и трговија низ коридорот Лачин“, истакна Пател.
Според анонимен официјален американски претставник, разговорите се повеќе насочени кон договор за нормализација на односите отколку кон мировен договор. САД очекуваат двете страни да имаат директна и искрена дискусија за сите прашања.
Москва посредуваше за прекин на огнот меѓу Ереван и Баку по последниот судир во 2020 година и постави повеќе од 2.000 мировници по должината на коридорот Лачин во Нагорно-Карабах во ноември откога Ереван и Баку се договорија за мировен договор за ставање крај на повеќенеделните жестоки борби за спорниот регион.
Со оглед на тоа што Русија е заглавена во Украина и не сака да ги заостри врските со клучниот сојузник на Азербејџан, Турција, САД и ЕУ се обидуваат да го поттикнат затоплувањето на односите.
Блинкен веќе учествуваше на два трилатерални состанока со двата кавкаски ривала во ноември минатата година, а потоа повторно во февруари на маргините на меѓународната безбедносна конференција во Минхен, Германија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.