Свет
Шојгу: Украина загуби 430 тенка и 15.000 војници во април
Русија треба да го удвои производството на високопрецизно оружје што е можно побргу, изјави денеска рускиот министер за одбрана, Сергеј Шојгу.
Тој истакна дека украинските војници во април изгубиле 430 тенка и други оклопни возила, 277 беспилотни летала и осум авиони.
„Нашите војници уништија осум авиони, 277 беспилотни летала, 430 тенка и други оклопни борбени возила, 18 ракетни системи, 225 артилериски парчиња и минофрлачи“, рече Шојгу.
Рускиот министер ги процени загубите на вооружените сили на Украина за април на повеќе од 15.000 војници.
„Руските вооружени сили се активни по должината на целата линија на контакт. И покрај невидената воена помош од западните земји, непријателот трпи значителни загуби.
„Тие изгубија повеќе од 15.000 луѓе само во последниот месец“, рече Шојгу.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.