Македонија
Ќе се затвори македонскиот клуб „Никола Вапцаров“ во Благоевград, газдарицата не сакала да го продолжи договорот за наем
![](https://makfax.com.mk/wp-content/uploads/2023/05/Screenshot_6.jpg)
Ќе се затвори македонскиот клуб „Никола Вапцаров“ во бугарскиот град Благоевград. Клубот кој беше отворен пред шест месеци, по отворањето на слични бугарски клубови во Македонија, се затвора, соопшти претседателот на градскиот комитет на ОМО „Илинден“ од Благоевград, Атанас Кирјаков на социјалните мрежи.
„Денеска во телефонскиот разговор помеѓу Кирил Иванов (околиски претседател за Благоевградска околија и член на Координативното тело на Македонската народна организација ОМО „Илинден“) и Атанас Мазнев (претседател на клубот „Никола Вапцаров“ и копретседателот на забранената политичка партија ОМО ИЛИНДЕН – ПИРИН) добивме информација дека по шест месеци, клубот „Никола Вапцаров“ ќе биде затворен.
„Причината за затворањето на клубот е тоа што тој беше под кирија (наем) за рок од шест месеци, но сега газдарицата на приватната просторија во која беше сместен, не сака нов договор за наем со сегашните наематели на просторијата“, објави Кирјаков на Фејсбук.
„Иако замислата беше Клубот да биде гнездо за сите Македонци, членови на ОМО „Илинден“, не беа допуштени во Клубот. Од раководството на Клубот сакаа мито по 150 лева (75 евра ) на месец како кирија од членовите на ОМО „ИЛИНДЕН“, иако целиот наем за Клубот беше платен од македонската дијаспора“, напиша Кирјаков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Зголемена е фреквенцијата на сите гранични премини за влез во земјава
![](https://makfax.com.mk/wp-content/uploads/2022/08/tabanovce-900x600-1.jpg)
Зголемена е фреквенцијата на сите гранични премини за влез во земјава, информираат од АМСМ.
Најголем интензитет на сообраќај има на Граничниот премин „Табановце“, каде се чека околу два часа, додека на останатите гранични премини од АМСМ велат дека се чека по околу еден час.
Од АМСМ нагласуваат дека зголемен е интензитетот на сообраќај на патните правци надвор од градските средини. Препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Лажен оглас за бесплатен курс по Англиски јазик од Владата кружи на социјалните мрежи
![](https://makfax.com.mk/wp-content/uploads/2024/06/kurs.jpg)
На извесна страница на Фејсбук Family service е злоупотребено името на Владата на Македонија дека наводно нуди бесплатни часови по англиски јазик. Станува збор за измама, какви што деновиве кружат по Фејсбук.
На огласот на кој има грб, на лош македонски јазик пишува дека „Владата на Северна Македонија нуди бесплатни курсеви по англиски јазик за лица од 18 до 65 години“, почнувајќи од јуни 2024 година. Во огласот се наведува дека Владата ќе им додели бесплатен таблет и сертификат во рок од 4 недели.
Некои граѓани поверувале дека огласот е вистински, што се гледа од коментарите под постот. „Почнаа со популистички мерки“, „Нема каде да се аплицира“, се дел од коментарите на граѓаните.
Погледнете како изгледа лажниот оглас и најважно, не го отворајте!
Македонија
Уште еден хеликоптер на МВР се вклучи во борбата со големиот пожар кај Сушево и Злеово
![](https://makfax.com.mk/wp-content/uploads/2024/06/helikopter-lllllll.jpg)
Поради сериозноста и ризикот од пожарот кај с.Сушево и с. Злеово на гаснењето се приклучи и втор хеликоптер на МВР, информираат попладнево од Центарот за управување со кризи.
Пожарот на отворено, кој вчера попладне започна на територијата на општина Василево се уште е активен, се разгорува и се приближи во непосредна близина на село Сушево, а се шири и кон село Злеово поради што за гаснење беше вклучен еден полициски хеликоптер.
Хеликоптерот на МВР „МИ-171“ полни вода од малата брана, ископ за песок до Акумулација „Турија“ и носи брзо вода кон опасниот крак на пожарот што се доближи дој селото Сушево, Струмичко..
Полнењето вода и дејствувањето по пожарот храбрите пилоти на МВР го извршуваат во интервал од три до пет минути, информираа од Центарот за управување со кризи.
На терен се екипи на струмичката Територијална противпожарна единица.