Свет
Лав уби шестгодишно момче во зоолошка градина во Палестина
Полицијата во Палестина објави дека лав убил шестгодишно момче во зоолошка градина во Појасот Газа.
Информират дека 6-годишниот Хамад Иктиет се качил на оградата на зоолошката градина во градот Кан Јунис и стигнал до отворот во кафезот пред да биде нападнат од лавот, пренесува „The Times of Israel“.
Семејството на момчето ги негираше полициските наводи, тврдејќи дека момчето кое со мајка си и другите членови на семејството ја посетувало зоолошката градина стигнало само до надворешната ограда. Тие нагласија како лавот кој стоел покрај таа ограда го нападнал момчето.
Ова е прв познат случај животно да убие човек во една од приватните зоолошки градини на пренаселената и сиромашна палестинска територија, пишуваат агенциите. Според написите, Газа има неколку мали приватни зоолошки градини каде животните се чуваат во очајни услови.
Истите анализираат дека животните таму живеат во екстремно лоши услови поради негрижа, глад, недостаток на медицинска нега и постојани конфликти меѓу Израел и Хамас. Меѓународните групи за заштита на животните спроведоа неколку мисии за евакуација на животните, особено лавовите, во безбедни засолништа во Јордан и Африка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Либанскиот министер: Лидерот на Хезболах се согласи на прекин на огнот, после тоа бил убиен
Високи либански официјални лица соопштија дека лидерот на Хезболах, Хасан Насралах е убиен набргу откако се согласил на привремен прекин на огнот со Израел. Примирје од 21 ден беше предложено од САД, Франција и другите сојузници.
„Тие ни рекоа дека г-дин Нетанјаху се согласил на тоа и така ние исто така добивме согласност од Хезболах за тоа и знаете што се случи оттогаш“, изјави либанскиот министер за надворешни работи Абдалах Бу Хабиб за Си-Ен-Ен.
„Хезболах ја потпиша оваа заедничка изјава што беше објавена во која се повикува на 21-дневен прекин на огнот и веднаш откако почна да бара дипломатско решение според резолуцијата на Советот за безбедност“, изјави амбасадорот Рами Мортада за Би-Би-Си.
„Бевме на вистинскиот пат обидувајќи се да зборуваме за дипломатска алтернатива на сегашниот ќорсокак, но вжештените глави во Израел избраа поинаков пат“, додава тој, пренесува медиумот.
Свет
Зеленски: Фронтот мора да се зајакне, НАТО ги разбира потребите на Украина
Претседателот на Украина, Володимир Зеленски, денеска разговараше со новиот генерален секретар на НАТО, Марк Рута, што е негова прва странска посета откако е назначен на функцијата генерален секретар на Алијансата.
„Денеска, новиот шеф на НАТО, Марк Руте, за прв пат го посети Киев – веднаш по добивањето на овластувањата на генералниот секретар на Алијансата. Јасно е колку е важно целосно да се спроведе секој од нашите договори за одбранбената поддршка. Треба да се стави крај на оваа војна, рече Зеленски по разговорот со Рута, пренесе Укринформ.
Претседателот на Украина додаде дека воздушната одбрана е важна за Украина.
„Гледаме дека една од главните причини за недостатокот на безбедност на небото на Украина, а особено во близина на границите на НАТО, е отсуството на одлуки за заедничка работа и одбрана. Она што функционира на небото на Блискиот Исток и им помага на одбраната на Израел, може да работи и на небото во нашиот дел од Европа“, рече Зеленски.
Тој нагласи дека Украина ќе продолжи да ги убедува своите партнери да воведат средства за ефикасна заштита на небото.
Зеленски додаде дека „прашањето за покана на Украина во НАТО е постојано на преговарачка маса“.
Според него, денеска со Руте разговарал за деталите за влезот на Украина во Алијансата, пренесува Танјуг.
Свет
Словачкиот премиер: На ЕУ и е потребна Русија, а на Москва и е потребна ЕУ
Европската комисија врши притисок со цел да го запре транзитот на нафта и гас од исток кон запад, изјави словачкиот премиер Роберт Фицо.
„Се мачиме со тоа што има огромен притисок од Европската комисија ништо да не оди од исток кон запад и никому да не му е гајле што имаме некакво „Општество“, некакви гасоводи““, рече Фицо на прес-конференција, пренесува Спутник.
Тој посочи и дека е подготвен да вложи напори за обновување на односите со Русија, бидејќи Москва и Брисел си имаат потреба еден од друг.
„Доколку војната заврши за време на мандатот на оваа влада, ќе направам се, за да ги вратам економските и нормалните односи со Русија. Ќе направам се, бидејќи на Европската унија и е потребна Русија, а на Москва, се разбира, и е потребна ЕУ“, рече Фицо.
Тој истакна и дека неговата изјава дека нема воено решение за украинскиот конфликт се потврдува со текот на времето.
„Фактот дека нема воено решение за украинскиот конфликт го потврдуваат зборовите на многу политичари кои веќе зборуваат за компромиси, за тоа дека Украина треба да се подготви за некаков компромис“, подвлече словачкиот премиер.
Претходно словачкиот премиер најави дека на 7 октомври со својот украински колега ќе разговара за можноста за продолжување на транзитот на нафта и гас низ Украина.
Според него, Словачка е исклучително заинтересирана да се осигура дека нема прекини во транзитот на нафта и гас низ Украина, пренесува Спутник.