Спорт
(Видео) Нов „потоп“ за Лампард и Челси – Арсенал останува во трката за титулата
Катастрофалната форма на Челси и на нивниот менаџер Френк Лампард полека станува трагикомична, откако „сините“ беа декласирани од градскиот ривал Арсенал со 3:1, примајќи три гола во првите 30-тина минути игра на „Емирати“, за четврт пораз во низа во Премиерлигата за клубот кој потроши над 500 милиони фунти во последните два преодни рока.
Челси остануваат на 12. место на табелата со 39 поени, и сите шеги за можното испаѓање од лигата полека треба да ги загрижуваат навивачите на лондонскиот клуб, бидејќи се на 9 поени од место кое води во Чемпионшип. Од друга страна, Арсенал има неверојатни 39 поени повеќе – 78, со што се први на табелата со два поени пред Манчестер сити, но со меч повеќе од нив.
Судбината на „сините“ ја запечати капитенот на „топчиите“, Мартин Одегард, кој стрелаше во 18. и 31. минута за 2:0, за само три минути подоцна и Габриел Жесус да погоди за дел од навивачите на Челси да си заминат дома. Во второто полувреме, младиот напаѓач Нони Мадуеке го постигна првиот гол во Премиерлигата во 65. минута за да намали на 3:1, но тоа беше се што направија Челси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Гасперини ќе остане во Аталанта
Тренер на Аталанта, Џанпјеро Гасперини изјави дека ја одбил понудата да го преземе Наполи на крајот од сезоната, пренесуваат италијанските медиуми.
Гасперини минатата недела со Аталанта ја освои Лига Европа. Клубот од Бергамо го победи Баер Леверкузен со 3:0 во финалето минатата среда во Даблин.
Гасперини објави дека ја одбил понудата на Наполи, бидејќи и следната сезона ќе биде тренер на Аталанта.
„Наполи ќе избере што е најдобро за него, јас сум приврзан за Аталанта и ќе останам тука. Сигурен сум дека Наполитанците ќе направат одличен тим, особено што веќе имаат силна база. Сепак, јас сум лојален на мојот клуб. Никогаш не сум кажал ништо друго, ниту сум отворил простор за некои дебати“, изјави Гасперини, кој има договор со Аталанта до 30 јуни 2025 година.
Аталанта веќе се пласираше во Лигата на шампионите. Клубот од Бергамо во неделата на домашен терен го победи Торино со 3:0 во натпреварот од последното, 38. коло во Серија А.
Спорт
Де ла Фуенте го објави списокот на Шпанија за ЕП
Шпанскиот селектор Луис де ла Фуенте објави спискот со 29 имиња, од нив 26. ќе ја претставуваат Шпанија на Европското првенство во Германија.
На списокот доминираат младите играчи на Барселона, тинеџерите Ламине Јамал, Пау Кубарси, Фермнин Лопез и малку повозрасните Феран Торес и Педри.
Шампионот Реал во националниот тим е застапен со тројца искусни фудбалери: Начо, Дани Карвахал и Хоселу.
Де ла Фуенте не го повика Марко Асенсио, кој сезонава имаше проблеми со повредите.
Најголемо внимание привлекува Хесус Навас 38-годишниот капитен на Севилја за кого ова ќе бде убава можност да се прости од националниот тим. Навас на крајт од оваа година ќе ја заврши кариерата.
Шпанија на ЕУРО 2024, во првата фаза ќе игра против Хрватска, Албанија и Италија.
Спиското на Шпанија за Европското првенство:
Голмани: Унаи Симон (Атлетик Билбао), Давид Раја (Арсенал), Алекс Ремиро (Реал Сосиедад)
Одбрана: Хесус Навас (Севилја), Дани Карвахал (Реал Мадрид), Робин Ле Норман (Реал Сосиедад), Ајмерик Лапорте (Ал Наср), Начо Фернандез (Реал Мадрид), Дани Вивијан (Атлетико Билбао), Пау Кубарси (Барселона), Алехандро Грималдо ( Баер Леверкузен), Марк Кукуреља (Челзи)
Среден ред: Мартин Зубименди (Реал Сосиедад), Родри (Манчестер сити), Микел Мерино (Реал Сосиедад), Фабијан Руиз (Пари Сен Жермен), Педри (Барселона), Маркос Љоренте (Атлетико Мадрид), Фермин Лопез (Барселона), Алеиш Гарсија ( Џирона), Алекс Баена (Виљареал)
Напад: Ламин Јамал (Барселона), Феран Торес (Барселона), Дани Олмо (Лајпциг), Нико Вилијамс (Атлетико Билбао), Ајозе Перез (Бетис), Алваро Мората (Атлетико Мадрид), Хоселу (Реал Мадрид), Микел Ојарзабал (Реал Сосиедад).
Спорт
Фонсека ќе биде новиот тренер на Милан
Пауло Фонсека (51) ќе стане нов тренер на Милан, објавија овој понеделник бројни италијански медиуми.
За Португалецот тоа ќе биде 11. клуб тренерска кариера и секако најголем, и покрај тоа што во минатото имал можност да ги предводи Порто и Рома.
Тој доаѓа на „Сан Сиро“ да го замени Стефано Пиоли откако претходно забележа извонредни резултати во две сезони со Лил и ја заврши Лига 1 како петти и четврти на табелата.
Фонсека ќе ги преземе Росонерите по убедливо најдолгиот период во кој еден тренер работел континуирано од заминувањето на Масимилијано Алегри во 2014 година по три и пол сезони во клубот.
Помеѓу него и Пиоли работеа дури пет тренери и никој не успеа да врзе цела сезона: Кларенс Сидорф, Филипо Инзаги, Синиша Михајловиќ, Кристијано Броки и Винченцо Монтела.
Пиоли му се приклучи на Милан во октомври 2019 година и помина речиси пет сезони во клубот. Освои една шампионска титула.
Се очекува Милан наскоро да ја официјализира соработката со стручњакот кој е роден во Мозамбик.
Медиумите на Апенините пишуваат дека доаѓањето на Фонсека во Милан е знак дека Антонио Конте ќе го преземе Наполи, со оглед на тоа што поранешниот селектор на Италија беше еден од кандидатите за наследник на Пиоли.