Регион
„Сите плачеме, се тресеме“, вработените во Итната помош во Белград не можеле да се приберат од емоции
![](https://makfax.com.mk/wp-content/uploads/2023/05/itna.jpg)
При првото јавување во итната помош било кажано дека се повредени 20 лица.
„Кога дојдовме на терен, затекнавме осум повредени, чуварот беше мртов. На Итната помош се примени четири деца, кои се во операциона сала, едно лице е во животна опасност. Цела Итна помош плаче, се тресеме“, изјавија за „Блиц“ од Итната помош.
Четиринаесетгодишниот ученик Коста Кецмановиќ беше уапсен откога уби осум ученици и чуварот во училиштето.
Како што пишуваат српските медиуми, Кецмановиќ бил одличен ученик со сите петки и бил револтиран од тоа што добил единица по историја иако, официјално, причината за масакрот засега останува непозната.
Наставничката што била писутна во училницата се бори за живот, пишуваат српските медиуми.
Син на познат радиолог, ученик со сите петки – Кој е Коста, кој пукаше во училиштето во Белград?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Две тела пронајдени во запален стан во Нови Сад
![](https://makfax.com.mk/wp-content/uploads/2024/07/fgdg.jpg)
Телата на двајца неидентификувани мажи се пронајдени во запален стан во Нови Сад, на улицата Лаза Телечко, потврди за Танјуг Зоран Круљ, портпарол на Новосадската итна помош.
Пожарникарите го примиле повикот во 9 часот и 10 минути и на терен излегле три возила, а пожарот набрзо бил локализиран.
Се уште не е познато дали мажите се задушиле од чадот или смртта настапила пред пожарот што избувнал на поткровјето на зградата, а неговата причина се уште не е утврдена.
Регион
Вучиќ објави фотографија со синот: рекоа ќе го посипат со ураниум
![](https://makfax.com.mk/wp-content/uploads/2024/07/dfds.jpg)
Претседателот на Србија, Александар Вучиќ, зборуваше за интервјуто на опозиционерот Срѓан Шкоро, во кое тој го коментира и син му Данило Вучиќ и порача дека нема да дозволи напади врз неговиот син, но и врз ничие дете. Вучиќ зборуваше за монструозните закани упатени кон син му, а дел од нив гласеле дека тој ќе биде посипан со ураниум.
„Со години ги кажуваат најлошите и најтешки зборови. Јавноста молчи, Обвинителството, полицијата, судовите молчат. Денеска рекоа дека ќе го посипат син ми со ураниум. Тој веќе не е дете, туку тој секогаш ќе биде мој син. А јас нема и нема да дозволам да го правите тоа за ничие дете во Србија. Ќе се бориме за нормална Србија“, напиша Вучиќ на инстаграм-профилот.
Со оваа објава стави и фотографија со синот Данило.
Регион
Грција во пламен: дури 50 пожари низ земјата во последните 24 часа, издадено е важно предупредување
![](https://makfax.com.mk/wp-content/uploads/2024/07/Screenshot-2024-07-07-190708.jpg)
Бројот на агрошумски пожари што избувнаа во последните 24 часа низ Грција достигна 50, соопшти Противпожарната служба.
Според локалните медиуми, 41 пожар се санирани веднаш, во почетна фаза, додека противпожарната служба се уште ги решава останатите 9.
Локалните истражни служби, како и одделенијата за превенција од подметнување пожари (Д.А.Е.Е.) ги истражуваат причините за пожарот.
Противпожарната служба на Грција ги повикува сите граѓани да бидат особено внимателни и во случај на пожар, заради сопствена безбедност, да ги следат упатствата на надлежните органи.