Регион
Сведоштва за пукањето во училиштето во Србија: првин пукаше во учителката, децата се криеја под клупите
![](https://makfax.com.mk/wp-content/uploads/2023/05/uchilishte-srbija.jpg)
Таткото на девојчето, кое за време на пукањето во Белград истрчало од училницата, вели дека таа му рекла оти убиецот бил одличен ученик, кој со ладен израз на лицето влегол во училницата и пукал.
„Ќерка ми беше во тој клас, беше во училницата во која тоа момче ги испука првите истрели кон учителката, а потоа почна да пука во децата, кои беа под клупите, а моето дете истрча надвор“, изјави таткото „Н1“.
Тој рече дека во тоа време имале час по историја.
Како што рече, кога дошол пред училиштето, имало многу полиција, наставници, родители.
„Никој не знае ништо да каже, сите беа во шок, дојдоа многу полицајци, пукал во чуварите на училиштето“, вели таткото.
Претходно, едно од децата во училницата раскажа дека лежело врз мртвите тела на своите соученици и се преправало дека е мртво за да не настрада.
Некои од соучениците сведочат дека ученикот го вперил пиштолот кон сите во ходникот, кога настанала општа паника. Потоа влегол во училница.
„Слушнав пукање, некои ученици веднаш излегоа во ходникот за да видат што се случува. Отпрвин мислев дека нешто се слуша надвор. Сите почнаа да врескаат, настана општа паника, сите почнаа да трчаат, кога излегов, го видов, дојде и впери пиштол во сите нас“, низ солзи раскажува за „Блиц“ еден од шокираните ученици.
Засега е потврдена смртта на шест ученици, а неколкумина се хоспитализирани. Убиен е и членот на обезбедувањето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Две тела пронајдени во запален стан во Нови Сад
![](https://makfax.com.mk/wp-content/uploads/2024/07/fgdg.jpg)
Телата на двајца неидентификувани мажи се пронајдени во запален стан во Нови Сад, на улицата Лаза Телечко, потврди за „Танјуг“, Зоран Круљ, портпарол на новосадската итна помош.
Пожарникарите го примиле повикот во 9.10 часот и на терен излегле три возила, а пожарот набргу бил локализиран.
Сè уште не е познато дали мажите се задушиле од чадот или смртта настапила пред пожарот што избувнал на потпокривот на зградата, а неговата причина сè уште не е утврдена.
Регион
Вучиќ објави фотографија со синот: рекоа ќе го посипат со ураниум
![](https://makfax.com.mk/wp-content/uploads/2024/07/dfds.jpg)
Претседателот на Србија, Александар Вучиќ, зборуваше за интервјуто на опозиционерот Срѓан Шкоро, во кое тој го коментира и син му Данило Вучиќ и порача дека нема да дозволи напади врз неговиот син, но и врз ничие дете. Вучиќ зборуваше за монструозните закани упатени кон син му, а дел од нив гласеле дека тој ќе биде посипан со ураниум.
„Со години ги кажуваат најлошите и најтешки зборови. Јавноста молчи, Обвинителството, полицијата, судовите молчат. Денеска рекоа дека ќе го посипат син ми со ураниум. Тој веќе не е дете, туку тој секогаш ќе биде мој син. А јас нема и нема да дозволам да го правите тоа за ничие дете во Србија. Ќе се бориме за нормална Србија“, напиша Вучиќ на инстаграм-профилот.
Со оваа објава стави и фотографија со синот Данило.
Регион
Грција во пламен: дури 50 пожари низ земјата во последните 24 часа, издадено е важно предупредување
![](https://makfax.com.mk/wp-content/uploads/2024/07/Screenshot-2024-07-07-190708.jpg)
Бројот на агрошумски пожари што избувнаа во последните 24 часа низ Грција достигна 50, соопшти Противпожарната служба.
Според локалните медиуми, 41 пожар се санирани веднаш, во почетна фаза, додека противпожарната служба се уште ги решава останатите 9.
Локалните истражни служби, како и одделенијата за превенција од подметнување пожари (Д.А.Е.Е.) ги истражуваат причините за пожарот.
Противпожарната служба на Грција ги повикува сите граѓани да бидат особено внимателни и во случај на пожар, заради сопствена безбедност, да ги следат упатствата на надлежните органи.