Аргентина ја победи Гватемала со 4:1 во пријателски натпревар пред стартот на Копа Америка. Натпреварот го обележа Лионел Меси кој поради повреда пропушти два натпревари и одигра само половина час на претходниот дуел против Еквадор.

Лионел Меси од ноември минатата година се најде во стартниот соства на Аргентина. Меси го предводеше тимот со два гола, асистенција и изборен пенал.

Откако Гватемала поведе по само четири минути игра со авто-голот на Лисандро Мартинез. Меси изедначи осум минути подоцна, потоа два гола постигна Лаутаро Мартинез, а точка на натпреварот стави Меси.

Голманот на фудбалската репрезентација на Црна Гора, Матија Шаркиќ (26), почина утринава околу 6:30 часот во Будва, каде што беше на одмор. Како што дознава „Вијести“, му се слошило во станот во кој престојувал, по што починал.

Матија Шаркиќ пред неколку дена бранеше на пријателскиот натпревар против Белгија во Брисел, но после тоа го пропушти натпреварот против Грузија во Подгорица. По натпреварот против Белгија, шпанска „Марка“ пишуваше за брилијантната партија на 26-годишникот.

Шаркиќ е роден во Гринзби, а кариерата ја започна во Андерлехт. Играше за Виган, Астон Вила, Ливингстон, Вулверхемптон, Шрусбери, Бирмингем, Милвол и Стоук.

За репрезентацијата на Црна Гора одигра девет натпревари, а дебитираше против Белорусија во пријателски натпревар во 2019 година.

Американецот Ајзеа Кенан од наредната сезона ќе го носи дресот на Црвена звезда. Информацијата дека Кенан црвено-белиот дрес на Олимпијакос ќе го замени со оној на Црвена звезда ја објави специјализираниот кошаркарски портал „Јурохупс“.

Кенан е поранешен НБА играч, член на Хјустон, Филаделфија, Чикаго, Хјустон, Феникс и Милвоки, во Европа прво играше за УНИКС Казњ, а потоа пристигна во Олимпијакос.

Од 2022 година со Олимпијакос играше два пати на завршните турнири во Евролигата.

Сезонава одигра дури 41 натпревар во Евролигата, со просек од 11,1 поен за 23 минути по натпревар, со одлични 42,5 проценти шут за три поени.

Шампионот на АБА на тој начин продолжи да го комплетира составот за следната сезона, а Кенан е вториот кој потпиша договор по Урош Плавшиќ од Мега.

„Јурохупс“ тврди дека 33-годишниот Кенан, со Црвена звезда потпишал две годинишен договор, според кој по сезона ќе заработува 1.300.000 евра.

Црвено-белите во меѓувреме ја продолжија соработката со Милош Теодосиќ, Рокас Гедраитис, Џоел Боломој и Бранко Лазиќ.