Регион
Момче од Бихаќ се заканува со масакр во училиштето: „Ќе биде незаборавно, се колнам во животoт“
Младо момче со иницијали А. З. од Бихаќ на „Инстаграм“ се закани дека ќе изврши масакр сличен на оној што вчера се случи во основното училиште „Владислав Рибникар“ во Белград, пренесуваат медиумите во регионот.
Тој на својот инстаграм-профил напиша дека ќе ги убие учениците и наставните работници во економското училиште.
„Тоа момче што уби осум деца за мене е крал! Долго време подготвував такво нешто за економското училиште во Бихаќ. Ќе биде незаборавен масакр на Бихаќ, ви се колнам со мојот живот“, напиша тој.
— Arsil (@arsagarson) May 4, 2023
Додаде: „Кога веќе сите знаете дека ме осудувате и избегнувате, тоа би било терор“.
Според написите, полицијата ја потврдува информацијата.
„Имаме информации. Информирано е и Обвинителството. Се работи за лице што ѝ е познато на полицијата. Не знаеме колку години има. Мислам дека е малолетник. Не знаеме дали некој го пријавил. Тоа го видовме на социјалните мрежи и потоа го проверуваме по службена должност“, изјави Бахрудин Џелалагиќ, портпарол на МУП на УСК, за порталот „Аваз“.
Поради заканата, се огласија и од мешовитата гимназија во Бихаќ.
Како што е соопштено, нема потреба од паника, а надлежните органи реагирале навреме.
Инаку, во средата околу 8.40 часот се случи напад во белградското основно училиште „Владислав Рибникар“ кога ученик од седмо одделение уби осум деца и еден обезбедувач.
Ранети се уште шест ученици, како и професорка по историја. Две деца во моментот се во тешка состојба, а момчето, по сослушувањето, е префрлено на специјално одделение за невропсихијатрија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Словенија го повика на разговор израелскиот амбасадор: „Израел го ескалира насилството“
Словенечкото Министерство за надворешни работи денеска го повика на разговор израелскиот амбасадор поради нападите во Либан кои веќе однесоа повеќе од 500 животи, изјави министерката за надворешни работи Тања Фајон на маргините на Генералното собрание на Обединетите Нации во Њујорк.
Според извори во словенечкото Министерство за надворешни работи, разговорот е закажан за утре, пренесува агенцијата СТА.
Како што рече министерката Фајон, се чини дека Либан станува новата Газа, а ситуацијата ја оцени како загрижувачка. Таа рече дека Израел го „ескалира насилството“ во Либан, Газа и Западниот Брег.
„Словенија ќе направи се што е во нејзина моќ, истовремено почитувајќи го меѓународното право и, се разбира, Повелбата на Обединетите нации“, најави таа.
Таа, исто така, најави дека наскоро ќе се сретне со либанскиот министер за надворешни работи за да разговара што друго може да се направи.
Франција, постојана членка на Советот за безбедност на ОН, побара итен состанок на тоа тело денеска откако Израел го започна најсилниот бран воздушни напади против Хезболах во Либан во последните децении, во кои загинаа стотици луѓе, меѓу кои и деца.
Регион
Се преврте воен камион во БиХ, сообраќајот во прекин
Се превртел камион на вооружените сили на Босна и Херцеговина.
„Во несреќата учествувало едно тешко моторно возило. Сообраќајот е целосно во прекин, а едно лице е пренесено за укажување лекарска помош“, изјавија од полицијата.
Повредениот е пренесен во Здравствниот дом „Олово“, а засега не се знае степенот на повредите.
Со оглед на тоа што сообраќајот е целосно во прекин, како што јавуваат читателите на „Кликс.ба“, километарски колони возила се формирани на релација Олово – Сараево.
Регион
Министрите на ЕУ го поддржаа проширувањето со Западен Балкан
Министрите за европски прашања на земјите членки на ЕУ, денеска, на седницата на Советот за општи работи на ЕУ, посветена на приоритетите на унгарското претседателство, го поддржаа процесот на проширување на ЕУ заснован на заслуги, вклучително и за Западен Балкан.
Унгарскиот министер за европски прашања, Јанош Бока, на седницата, на која ги презентира приоритетите на унгарското претседателство, меѓу кои и конзистентна политика на проширување заснована на заслуги, рече дека проширувањето е една од најуспешните политики на ЕУ.
„Треба да го одржиме овој успех за да се осигураме дека тоа е засновано на заслуги, балансирано и веродостојно. Набргу доаѓа пакетот за проширување. Ги разгледавме земјите од Западен Балкан и изгледите за членство во ЕУ во овој поглед. Без ова, европската заедница не може да биде комплетна“, рече тој.