Спорт
Атлетико го престигна Реал, Чоло им испрати порака на критичарите
Фудбалерите на Атлетико Мадрид во средата го декласираа Кадиз (5:1) и со нови три бода се искачија на второто место на табелата во шпанското првенство. Диего Симеоне, најплатениот тренер во Европа, кој беше мета на бројни критики од шпанската јавност на стартот од сезоната, по натпреварот зборуваше за медиумите.
За „Јорганџиите“, головите во убедливата победа ги постигнаа Антоан Гризман (двапати), Алваро Мората, Јаник Караско и Науел Молина.
По натпреварот, новинарите го прашаа Чоло како се чувствува поради тоа што во поредокот го престигна Реал Мадрид, актуелниот европски шампион.
„Тоа не ми значи многу. Честопати во минатото завршувавме сезони пред Реал и тоа не е случајно. Со години покажуваме дека работиме напорно, а сега треба да се обидеме да одиме што подалеку“, изјави Диего Симеоне, кој на клупата на Атлетико е од 2011 година.
Аргентинецот се осврна и на критиките од стартот на сезоната.
„Иднината ќе покаже дали биле во право. Нема да заборавиме дека многумина престанаа да веруваат во нас. Многумина не ни веруваа. Фудбалот е променлив и не треба да зборуваме прерано. Фудбалот е она што се случува на крајот од сезоната, а не во текот на неа. Знам што барам, знам на што работам и не ми е гајле што мислат другите. Знаев дека нашиот тим ќе понуди одговор“, изјави 53.годишниот стручњак од Буенос Аирес.
Атлетико игра во одлична форма од почетокот на годината. Тимот на Симеоне на последните 17 натпревари од можните 51 освои 42 бода, забележа 13 победи, доживеа само еден пораз, неодамна од Барселона.
Атлетико на табелата има 13 поени помалку од лидерот Барселона, а во следното 34. коло од Примера ќе му гостува на Елче кој и теоретски испадна во Сегунда.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Борусија има договор со компанија која произведува оружје
Борусија Дортмунд потпиша тригодишен спонзорски договор со Рајнметал, производител на оружје.
Логото на компанијата ќе биде испечатено на лиценцираните производи на Борусија веќе за финалето од Лигата на шампионите против Реал (сабота, 21 часот), ќе биде истакнато на билбордите на стадионот како и на прес-конференциите, но нема да биде на дресовите.
Така Борусија стана првиот германски клуб кој има спонзорски договор со компанија која произведува оружје.
Компанијата е со седиште во Дизелдорф, на околу 70 километри од Дортмунд, и е најголем производител на муниција во Европа, а се занимава и со производство на бројни борбени возила и беспилотни летала.
„Одбраната и безбедноста се основата на секоја демократија. Особено во денешно време кога гледаме како слободата мора да се брани во Европа. Мора да се справиме со оваа нова нормалност“, изјави Ханс-Јоаким Вацке, првиот човек на Борусија.
Официјалната навивачка група на Борусија истакна дека разговарале на оваа тема со клубот, но дека изразиле загриженост и противење на овој договор, а демантираат и одредени написи дека оваа одлука всушност била изгласана.
Германското здружение за мир, група пацифисти на чело со Михаел Шулц фон Глазер, кој е навивач на Дортмунд, побара клубот веднаш да го раскине овој договор.
Спорт
Одложен мечот меѓу Тајсон и инфлуенсерот Пол
Борбата меѓу Мајк Тајсон и Џејк Пол е одложена на неодредено време поради здравствени проблеми на легендарниот американски боксер.
На Тајсон неодамна му се слошило додека се качувал на лет од Мајами за Лос Анџелес, а ситуацијата се влошила во воздухот.
Ситуацијата стана доста драматична и беше неопходно итната медицинска помош да го чека веднаш по слетувањето. Американските медиуми објавија дека се работи за чир на желудникот, што е проблем кој Тајсон го има подолго време.
„Сакам да им се заблагодарам на моите фанови ширум светот за поддршката и разбирањето во овој период. За жал, мојот лекар ме советуваше да го намалам тренингот на неколку недели за да се одморам и закрепнам. Моето тело е во подобра состојба отколку што беше од 1990-тите и наскоро ќе се вратам на целосниот распоред за тренинзи. Џејк Пол ова можеби ти купи малку време, но сепак ќе бидеш нокаутиран. Благодарен сум за вашето трпение и едвај чекам да ви приредам незаборавен настап подоцна оваа година“, рече Тајсон.
Засега не е познато кога ќе се одржи спектаклот првично закажан за 20 јули на стадионот „AT&T“ во Тексас.
Кога тоа ќе се случи, тие ќе боксираат во осум рунди во траење од по две минути, а прогнозите се такви што Пол има поголема предност пред Мајк Тајсон.
Спорт
(Видео) Карабатиќ ја заврши клупската кариера и Ѓоковиќ го гледаше неговиот последен натпревар за ПСЖ
За многумина најдобриот во историјата на ракометот, Никола Карабатиќ, стави крај на клупската кариера. Во пензија ќе замине по завршувањето на Олимпискиот турнир во Париз.
Пред 15.000 гледачи во „Берси“, ПСЖ го победи Екс со 39:36 и ја освои шампионската титула. ПСЖ мораше да победи бидејќи во последното коло влезе со само бод повеќе од Нант.
Dve legende na istom mestu. Novak Đoković gledao je iz prvih redova kraj terena dvorane Bersi poslednji Karabatićev meč u klupskoj karijeri pic.twitter.com/xKyaFfG882
— zeljko mutavdzic (@zex_78) May 31, 2024
На прошталниот натпревар, Карабатиќ одигра 12 минути и 18 секунди, постигна еден гол.
Многу познати личности го следеа натпреварот, меѓу нив беше и најдобриот светски тенисер, Новак Ѓоковиќ со сопругата.
Nikola Karabatić i Novak Đoković pic.twitter.com/OMxMvMg9h7
— zeljko mutavdzic (@zex_78) May 31, 2024
Карабатиќ има 40 години. Минатото лето тој објави дека ова е последна сезона во неговата кариера. Големиот ас освои се со француската репрезентација и тоа го направи неколку пати, а европски првак беше со три различни клуба Монпелје, Кил и Барселона.
За девет сезони во дресот на ПСЖ сепак не успеа да го освои највредниот пехар на Стариот континент кој со години им бега на ракометарите но и на фудбалерите.
Le #PSG Hand fête son titre de Champion de France !
C’était également la dernière de Nikola Karabatic pic.twitter.com/Y3QgUVv8tQ
— Le Meilleur du PSG (@LMDPSG) May 31, 2024