Регион
Коста е на психијатрија, лекарите не знаат што да прават со него: „Никогаш не сме се сретнале со ваков случај“
![](https://makfax.com.mk/wp-content/uploads/2023/05/ѕи.jpg)
Момчето Коста К., кое е осомничено за крвопролевањето во белградското основно училиште во кое учел, во јули ќе наполни 14 години, што значи дека во моментот детето не може да биде уапсено, приведено или притворено бидејќи нема да биде суден или осуден. Доколку се утврди дека има потреба од лекување, во првиот момент ќе биде хоспитализиран, а потоа, најверојатно, барем привремено сместен во установа за социјална грижа.
Каква ќе биде судбината на Коста К. ќе се знае откога ќе бидат извршени вештачењата, а бидејќи во Србија не е евидентирано вакво или слично кривично дело извршено од малолетник, неизвесно е како Коста ќе биде казнет или изолиран, со оглед на тоа дека не е кривично одговорен, пишува „Блиц“.
Според експертите, каква и да е дијагнозата, момчето ќе се лекува и ќе се следи неговата состојба, но никој не може да каже колку долго ќе трае лекувањето, а со тоа и изолацијата од општеството. Како што велат, случајот е неспоредлив бидејќи ниту едно дете досега не извршило масакр со толку голем број загинати и ранети.
Радмила Вулиќ-Бојовиќ, психолог и психотерапевт, за „Блиц“ вели дека ова е уникатен случај и дека во овој момент е тешко да се каже нешто. Она што е сигурно е дека момчето е сместено на невропсихијатрија, на специјално одделение и дека со него ќе разговараат судски вештаци, психијатриски и психолошки стручњаци, а потоа информациите ќе бидат попрецизни.
„Вакви случаи досега немавме, имаше малолетни престапници, но ова е интензивен, драстичен чин на насилство до таа мерка што навестува некоја посериозна патологија. Навистина не би шпекулирала, тоа зависи од експертите, но мое мислење е дека тој нема да може долго да биде член на ниту една заедница. Не знам како би можел да биде член на која било заедница. Незгодно е и деликатно бидејќи ова не е какво било кривично дело, овде имаме дете што изврши масовно убиство“, вели Вулиќ-Бојовиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Туристите и граѓаните на Грција добија итни СМС предупредувања: Се приближува силно невреме, град и грмежи
![](https://makfax.com.mk/wp-content/uploads/2024/07/fds-2.jpg)
Граѓаните и туристите во Солун, Лариса и други области на северна Грција добија предупредување во форма на итна СМС порака поради невремето кое се очекува во текот на денот.
Во пораката се наведува дека од раните утрински часови до пладне се очекува лошо време, како град и грмотевици, пренесува Катимерини.
„Избегнувајте преминување на порои и потоци, пеш или со возило, при невреме и врнежи, работа и активности на отворено. Треба да избегнувате да поминувате под големи дрвја и поставени знаци. Не држете ги вклучените електрични уреди или телефони, бидејќи молњата може да помине низ жиците. Избегнувајте допирање на водоводни цевки (кујна, бања), бидејќи тие се спроводници на струја“, се наведува во предупредувањето.
Исто така, се додава дека ако некој е на отворено за време на невреме, советот е да се држи подалеку од метални предмети, како што се автомобили, велосипеди или опрема за кампување и дека ако некој е во морето, веднаш да излезе.
Регион
Силни молњи предизвикаа пожари на Тасос
![](https://makfax.com.mk/wp-content/uploads/2023/05/grom-na-Rodos.jpg)
Силни молњи вчера предизвикаа два пожари на грчкиот остров Тасос, еден ден откако пожарникарите се справија со шумските пожари поттикнати од силните ветрови на два други острови.
Повеќе од 32 пожарникари со помош на 13 противпожарни возила, едно летало и два хеликоптери се обидуваат да го изгаснат пламенот што го проголтува шумското земјиште на два фронта на островот во северното Егејско Море на 306 километри северно од Атина, соопшти противпожарната бригада.
Шумските пожари станаа почести и деструктивни во Грција во последните години поради климатските промени, а грчката служба за цивилна заштита предупреди на понестабилно време во среда и четврток, наведувајќи дека се очекуваат невреме со голема фреквенција на грмежи и град.
Регион
На Фејсбук е објавено лажно видео од премиерот Вучевиќ, реагираат надлежните органи
![](https://makfax.com.mk/wp-content/uploads/2024/07/fgd.jpg)
На социјалната мрежа Фејсбук се појави лажен видео клип, или непостоечка изјава на премиерот на Србија Милош Вучевиќ, соопштија од Кабинетот на премиерот.
Како што беше најавено, вештачката интелигенција креирала непостоечка изјава на премиерот Милош Вучевиќ на сметката „Corvus01“ во која е злоупотребена неговата слика, додека со генериран глас се објавуваат податоци за непостоечки владини проекти.
Министерството за внатрешни работи, односно полициските службеници на техничката управа на СБПВТК, контактирале со компанијата Мета за да ги отстранат споменатите објави и да дадат информации за администраторот на сметката.