Македонија
Се проверува и храната со која се хранела жирафата Каспер, а се чека и на обдукцискиот наод за да се утврди од што пцовиса
Се уште се чекаат наодите од обдукцијата на жирафата Каспер, која пцовиса во скопската Зоолошка градина. „Макфакс“ дознава дека постојат сомневања дека причината е храната, поради што, земени се и примероци од истата, за да се добијат точните податоци дали Каспер е правилно хранет согласно протоколите.
Николче Бабовски, директор на Агенција за храна и ветеринарство, за „Макфакс“ вели дека по извештајот ќе одлучат како ќе постапуваат понатаму.
„Наш инспектор беше таму. Но наодите од обдукцијата, како и за храната, чекаме известување од Факултетот за ветеринарна медицина. Ние чекаме како и од нив. Земени се примероци од храна и самиот обдукционен протокол за кој примероци имаат земено од нивниот тим – тоа го работат тие. Потоа ние добиваме извештај по кој постапуваме понатаму, ако има потреба“, вели Бабовски.
Жирафата Каспер пцовиса пред три дена. Тој имаше 12 години, а во Скопје ЗОО беше жител од 2012 година. Ова е втора жирафа која пцовисува, откако претходната почина во 2014 година на три и пол години. Животниот век им изнесува 25 години.
Зоолошката сега останува со една жирафа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Безобразно е СДС да бара покачување на платите на наставниците, а не оставија буџет ниту за исплата на основните плати
Срамно е СДС да зборува за покачување на платите на наставниците и да се поставува во улога на нивен заштитник, кога во буџетот не оставија средства за исплата ниту на основните плати до крајот на календарската година, реагира ВМРО-ДПМНЕ преку допис до медиумите.
„Манипулираат со податоци за покачувања на плати, кои патем, инфлацијата што самите ја создадоа, целосно ги анулираше и како и сите други граѓани, така ги доведе и наставниците во исклучително тешка економска положба.
СДС и нивниот коалиционен партнер ДУИ буџетот за образование за 2024 година го потрошија во првите 6 месеци од годината. Новото раководство на министерството наследи буџетски дефицит од 5 милијарди денари. Немаше пари ниту за исплата на основните плати на наставниците, а не пак за нивно покачување. Иако во СДСМ се свесни дека наставниците го знаат ова, немаат проблем да се претставуваат како нивни поддржувачи.
Новата Влада предводена од ВМРО – ДПМНЕ со ребалансот на буџетот обезбеди средства во износ од 900 милиони денари за да можат наставниците да добиваат плата до крајот на тековната година. Во новиот буџет веќе се предвидени и средства за нивно зголемување следната година.
Освен на подобрувањето на материјалниот статус на наставниците, програмата на Владата предвидува и повеќе можности за кариерен и професионален развој, значително подобрување на условите за работа, како враќање на општествената вредност и почит кон наставничката професија“, се вели во соопштението на ВМРО-ДПМНЕ.
Македонија
Меџити: Ги стопиравме штетните дозволи кои претходната Влада на ДУИ и СДСМ ги додели на он-лајн коцкарници
Првиот Вицепремиер Изет Меџити изјави дека на денешната седница на Владата се донесе одлука за реализација на толкувањето од Собранието за престанок на важноста на нелегалните лиценци за он-лајн коцкарници издадени од Владата на ДУИ, а со тоа и запирање на он-лајн коцкањето во државата.
„Ги стопиравме штетните дозволи кои претходната Влада на ДУИ и СДСМ ги доделија на српски фирми, црногорски и други. Стопиравме можност нашите деца да имаат коцкарници на своите телефони, во своите компјутери од дома и од училиште. Ветувањето пред изборите, денес станува реалност. Остануваме луѓе од збор. Нема да дозволиме личното богатење на поединци од претходната Влада да биде причина за илјадници осиромашени семејства на наши сограѓани“, рече Меџити.
Како што додаде, врвен приоритет на владата е заштитата на граѓаните, а посебно на младите луѓе.
„Да ги заштитиме од долгови, банкрот, зависност од коцкање, последователно да ги заштитиме од социјални и фамилијарни потешкотии, да ги заштитиме од судир со законот и нелегални активности кои секогаш се последица на коцкањето“, изјави Меџити.
Според него, отсуството на јасна процедура, претходната Влада свесно ја користела за создавање на нови и нови компании за он-лајн и интернет коцкање, а интерес имале поединци од врвот на ДУИ и претходната Влада, додека штетата била на илјадници наши сограѓани.
„Ветивме дека ќе се бориме против ова зло, денес покажуваме на дело. Нема да запреме додека не создадеме услови за пристоен живот”, рече Меџити.
Македонија
СДСМ: ВМРО-ДПМНЕ изгласа нов закон заедно со дестабилизаторите од ДУИ
Од опозициската партија оценуваат дека коалицијата на ВМРО-ДПМНЕ со ДУИ си функционира.
„Во Собранието денеска токму со гласовите на ДУИ власта обезбеди двотретинско мнозинство и беа усвоени измените на Законот за локална самоуправа.
Додека во јавност Мицкоски демек ги напаѓа во Собрание си ги реализираат диловите.
ВМРО-ДПМНЕ реализираше уште еден од договорите на коалицијата ДПМНЕ-ДУИ.
Пред околу 1 месеци ДПМНЕ и ДУИ исто така со заеднички гласови формираа тело за следење на правична застапеност на заедниците.
ВМРО-ДПМНЕ заедно со ДУИ и ЗНАМ на седница го заштитија Гаши од одговорност за сите скандали.
Значи наутро Мицкоски вели дека ДУИ ќе ја дестабилизира државата и дека се криминалци а попладне во Собрание неговите пратеници гласаат заеднички дилови со ДУИ“, реагираат од СДСМ.
Договарања под маса, манипулации и лажните јавни конфликти меѓу двете партии, според нив, се методи кои се видени во минатото и веќе не поминуваат.