Спорт
Ферстапен стартуваше деветти, па го помина Перез за триумф во Мајами
Двократниот светски шампион, Макс Ферстапен стигна до маестрална победа на Мајами ГП трката, иако стартуваше само како деветти на уличната патека, покажувајќи дека е подготвен да се бори за трета светска титула.
Болидот на Ред бул повторно беше во своја класа, доминантен пред целата конкуренција, и Ферстапен успеа од деветтото место на стартот до 16. круг да се искачи веднаш зад освојувачот на пол-позицијата, неговиот колега, Серхио Перез. По ова, тој долго време беше на првото место додека Перез влезе во боксот. Ферстапен остана на патеката до 46. круг, а потоа излезе зад Мексиканецот, но на посвежи (и помеки) гуми успеа да го помине во 47. круг, а потоа и рутински да ја запечати победата.
Фернандо Алонсо во Астон Мартин, повторно, беше на третото место, одбивајќи ги сите напади од ривалите од Мерцедес и Ферари. Џорџ Расел го освои четвртото место за Мерцедес, пред Карлос Саинс во Ферари, Луис Хамилтон во вториот Мерцедес и Шарл Леклер во второто Ферари. Во поени беа и двојката на Алпин, Пјер Гасли и Естебан Окон, како и Кевин Магнусене во Хас на 10. место.
LAP 47/57
WHEEL-TO-WHEEL!
Verstappen seizes the lead from team mate Perez at Turn 1 ⚔️#MiamiGP #F1 pic.twitter.com/ENxOTFa8L9
— Formula 1 (@F1) May 7, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Солскјер: Не можевме да го пуштиме Роналдо во Сити
Оле Гунар Солскјер призна дека Манчестер Јунајтед направил грешка кога го вратил португалскиот напаѓач Кристијано Роналдо од Јувентус на Олд Трафорд во 2021 година, но откри и дека клубот го направил тоа за да го спречи одличниот стрелец да замине во Манчестер Сити.
Роналдо го отслужи првиот мандат во Јунајтед од 2003 до 2009 година, кога беше продаден на Реал за тогаш рекордна сума од 94 милиони евра. Во втората во првата сезона постигна 24 гола, а потоа во втората по критиките од клубот поради статусот во тимот остана без договор. Прво го менаџира Оле Гунар Солскјер, кој набрзо доби отказ, а по привременото решение на Ралф Рангник, во клубот пристигна и Ерик тен Хаг.
„Тој е еден од најдобрите фудбалери во светот во последните 15 години. Играв со него. Играше за Јунајтед. Тој има историја со овој клуб. Тој го напушта Јувентус и не можеме да му дозволиме да замине во Манчестер Сити. Тој веројатно би постигнал повеќе голови таму, отколку што ќе даде гол денес.
Роналдо за Јунајтед одигра вкупно 346 натпревари со учинок од 145 гола и 64 асистенции. Халанд неодамна го постигна својот 100-ти гол за Сити. Му беа потребни 105 натпревари.
Спорт
НБА Трејд: Таунс се сели во Њујорк
Рано во петокот наутро по средноевропско време, одекна „бомбата“ на НБА – Њујорк Никс и Минесота Тимбервулвс склучија трејд со центар на Карл-Ентони Таунс и Џулиус Рендл.
Рендл и Донте ДиВинченцо одат во Минесота, која лани играше во финалето на Западот, а Таунс ќе стане новиот центар на Никс. Минесота ќе добие и 13 заштитен избор на драфтот следното лето.
Третиот тим во трејдот е Шарлот Хорнетс, кој помогна да помине трејдот финансиски и за нивните напори ќе добијат пикови на драфтот, се уште не се знае точно кои.
Разговорите меѓу Никс и Волвс траат цело лето, а како што пренесува ESPN, Таунс воопшто не очекувал трејд. Тој порасна во Њу Џерси и ќе биде стартниот центар за Никс, особено што Мичел Робинсон е повреден.
Минатата сезона Таунс имаше просек од 21,8 поени и 8,3 скока, а сега повторно ќе работи со тренерот Том Тибодо, кој ги предводеше Волвс од 2016-2019 година.
Рендл, кој во декември наполни 30 години, имаше просек од 24,2 поени, 9 скока и 5 асистенции во 46 натпревари пред да го повреди рамото на крајот на јануари. Се очекува тој да биде подготвен за почетокот на тренинг кампот.
НБА сезоната започнува на 22 октомври.
Спорт
Гвардиола потврди дека сезоната за Родри е завршена
Менаџерот на Манчестер сити, Пеп Гвардиола потврди дека Родри ќе го пропушти остатокот од сезоната поради повреда на предните вкрстени лигаменти.
„Тој денеска беше опериран, мислам дека го повреди и менискусот. Тој ќе се врати следната сезона. Оваа сезона заврши. За жал, ги добивме најлошите вести. Понекогаш, за жал, тоа се случува. Тука сме да го поддржиме и да му помогнеме да се опорави добро, чекор по чекор“, изјави Гвардиола на прес-конференција пред натпреварот со Њукасл.
28-годишниот шпански фудбалер се повреди минатата недела на дербито против Арсенал (2:2), кога се судри со противничкиот играч Томас Парти.
Родри е еден од најважните играчи на Сити. Минатата сезона тимот ја освои рекордната четврта последователна титула во Премиер лигата. Минатата сезона во првенството Сити доживеа три порази, сите кога во тимот го немаше Родри.
Родри во пресрет на повредата го критикуваше проширениот натпреварувачки календар и рече дека играчите биле блиску до одлука за штрајк поради премногу работа.
„Тоа што ни го дава, немаме сличен играч, но сите други играчи заедно можат да го заменат она што Родри ни го даде откако дојде. Ќе мораме да го направиме тоа како тим и да најдеме начин да играме многу натпревари без важен играч за нас“, додаде Гвардиола.
Родри е еден од нкандидатите за „Златната топка“ оваа година, бидејќи освен добрите настапи во Сити, и помогна на Шпанија да го освои Европското првенство летово. Беше прогласен за МВП на Европското првенство.