Регион
Другар на Коста откри грозоморни детали: „Ќе добиете подарок в среда на училиште“
Другар на Коста зборува за него како оделе на фудбалски натпревари и се дружеле и дека тој му кажувал колку се забавува на стрелиштето.
Убиецот бил и на роденденска забава на 1 мај кога му рекол на славеникот дека ќе му го донесе подарокот на училиште в среда, 3 мај, денот кога момчето избрало да го спроведе својот смртоносен план.
Со оружјето на својот татко уби осуммина врсници и чуварот на основното училиште „Владислав Рибникар“.
Еден негов другар, кој виде и слушна сè, но успеа да се спаси, положи цвеќе пред училиштето, кое за неколку минути стана сцена на најнеочекуваниот криминален момент.
„Беше крај на првиот час, околу 8.35 часот. Слушнавме истрели, но првин помисливме дека масите се превртеле бидејќи беше погласно од петарди. Сè се случи бргу, сфативме дури кога еден од нашите професори влезе со викање во училницата: „Пукаат, бегај, бегај!!! Нашиот учител нè спаси. Додека си одев, погледнав низ прозорецот и го видов Коста во дворот. Тогаш не сфатив дека е убиец, дознав подоцна“, рекол школскиот другар на Коста, цитиран од францускиот весник „Ле Соар“.
Тој раскажа за врската со Коста К.
„Ние сме долго време пријатели. Се гледавме и надвор од училиштето. Со часови игравме видеоигри, особено Fortnite, но игравме и фудбал во паркот ‘Ташмајдан’“, објаснува тој.
Коста го опиша дека бил мирен, љубезен и малку интровертен.
„Тој е човек што ги чува своите работи за себе. Дури и кога ќе го натерате да игра фудбал, тој се држи настрана. Има многу малку пријатели“, објасни другарот.
Како што вели, децата му велеле дека е бубалица, но тврди дека масакрот не е поврзан со лоша оценка во училиште.
„Никогаш не добива лоши оценки“, вели тој.
Понатаму, наведува дека Коста пукал и во својот другар кому не му донел роденденски подарок два дена пред масакрот.
„Му рече: Ќе добиеш подарок в среда на училиште“, вели тој.
Меѓутоа, како што раскажува пријателот на Коста, момчето успеало да се спаси скокајќи од прозорецот.
Коста К. (13) на 3 мај изврши невиден масакр во основното училиште „Владислав Рибникар“ кога вооружен со пиштолот на својот татко влезе во училиштето и уби осум ученици и училишниот чувар и рани уште шест ученици и наставничката по историја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Чамец со туристи потона во Бледското езеро во Словенија
На езерото Блед во Словенија, кое секоја година го посетуваат голем број посетители од просторот на поранешна Југославија и околните земји, вчера за малку ќе се случеше трагедија кога, според словенечките медиуми, потона чамец со четворица туристи.
За среќа, тие биле спасени од смрт со брзата реакција на пожарникарите и нуркачите.
„Во 11 часот и 20 минути потона туристички чамец со четворица туристи на Бледското езеро кај вилата Златорог во Блед“, соопшти полицијата на Горење, а јави познатиот словенечки портал siol.net.
Регион
„Ќе поведеме соодветни мерки“ – српското министерство за смртта на осомничениот за убиството на малата Данка
Министерството за внатрешни работи на Србија се огласи за наводите повзарни со смртта на осомничениот во случајот со убиството на малата Данка, а во објавеното соопштение наведуваат како полицајците се однесувале кон него.
„Припадниците на Министерството за внатрешни работи, Сектор за внатрешна контрола, по наредба на Вишото јавно обвинителство прибираат информации и ги утврдуваат фактите и околностите под кои во Полициската управа во Бор почина Д.Д. осомничен во случајот со убиството на малата Данка. Полициските службеници за време на постапката, постапуваат во целосност и во согласност со законите и своите овластувања“, се наведува во соопштението.
Тие исто така забележуваат дека секој што придонел за смртта на осомничениот ќе биде кривично гонет.
„Доколку се утврди дека имало злоупотреби и пречекорувања на овластувањата при постапување со починатиот Д.Д., Секторот за внатрешна контрола ќе поведе соодветни законски мерки против лицата кои го прекршиле законот и полициската етика, а за тоа јавноста ќе биде информирана навремено“, се додава.
Осомничениот Далибор Драгијевиќ (40) од Бор, кому му беше одреден притвор до 48 часа поради сомнение дека му помагал на Дејан Драгијевиќ (50), осомничен за тешкото убиство на двегодишната Данка Илиќ по криминал, почина на 7 април во Полициското одделение во Бор.
Според официјалното полициско соопштение, Далибор починал во притвор како последица на срцев удар.
Далибор Драгијевиќ беше уапсен на 6 април, заедно со неговиот татко Радослав, под сомнение дека му помагале на својот брат Дејан да го премести телото на убиената Данка Илиќ.
Далибор пред смртта признал дека му помогнал на својот брат Дејан да се ослободи од телото на Данка Илиќ. Тој ја водеше полицијата на неколку локации, но телото на Данка Илиќ не беше пронајдено на ниту една од нив.
Ненадејната смрт на братот на убиецот може да влијае на истрагата, бидејќи тој беше еден од трите клучни луѓе кои можеа да и помогнат на полицијата во потрагата по телото на Данка.
Регион
Србија испраќа хуманитарна помош за Палестинците: Денеска и утре летаат авиони со стока наменета за загрозените во Појасот Газа
Владата на Србија соопшти дека го усвоила Заклучокот за испраќање хуманитарна помош во стока за Палестина, како форма на помош за ранливото население поради критичната хуманитарна ситуација во Појасот Газа.
Хуманитарната помош се дава во вид на храна, вода, медицинска опрема, како и шатори за сместување на семејствата, а вкупната вредност на робата е близу три милиони евра, со тежина од околу 900 тони.
Едниот авион денеска ќе ја земе помошта, а другиот утре, се наведува во соопштението и се додава дека „никој не може да процени“ кога оваа стока ќе стигне до жителите на Газа, со оглед на сложеноста на ситуацијата. Остатокот од хуманитарната помош во неколку наврати ќе биде транспортиран со бродови.
Владата се согласи со предлогот на Министерството за надворешни работи да одговори на повикот на специјализираната агенција на Обединетите нации за образование, наука и култура (УНЕСКО) за обезбедување финансиска поддршка на Програмата за итна помош на Газа, со уплата на средства во износ од 10.000 евра.