Спорт
Меси под еден услов ја прифатил понудата од Ал Хилал
![](https://makfax.com.mk/wp-content/uploads/2023/05/040223.jpg)
Лионел Меси наводно ја прифатил понудата од Саудиска Арабија, пренесува популарната шпанска фудбалска телевизија „Ел Чирингито“.
Според овој извор, од следната сезона, Аргентинецот својата кариера ќе ја продолжи во Ал Хилал. Се шпекулира дека од клубот добил понуда вредна 300 милиони евра.
Ал Хилал најтрофејниот саудиски клуб со дури 65 трофеи, од кои 18 се шампионски титули. Ал Хилал со четири континетални титули е најторфејниот азиски клуб.
Шпанската телевизија пренесува дека во Ал Хилал ќе му се приклучат поранешните соиграчи од Барселона, Серхио Бускетс и Џорди Алба.
Меси е подготвен да ја заврши европската кариера и да замине во Ал Хилал само во случај да пропаднат преговорите за негово враќање во Барселона.
Аргентинецот не сакаше ниту да го напушти клубот во кој ја мина целата своја сениорска кариера, но лошите потези на клупското раководство го доведоа тимот на работ на банкрот и мораше да си замине. По речиси две години поминати во Париз, очигледно му е доста од нефункционалноста во тој клуб и реши да го напушти ПСЖ.
Дали следната дестинација ќе биде Барселона или Ал Хилал се чини дека зависи само од Каталонците. Досега договорија голем број трансфери, но прашање е дали ќе можат да ги финансираат и дали нивните финансиски книги ќе можат да ги поминат инспекциите на Ла Лига и УЕФА со оглед на огромните инвестиции во последната година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(ВИДЕО) Холандија во полуфинале, заврши турската бајка!
![](https://makfax.com.mk/wp-content/uploads/2024/07/holand.jpg)
Фудбалерите на Холандија во четврт-финалето на Европското првенство ја совладаа селекцијата на Турција со резултат 2:1 и се пласираа во полуфиналето.
Холанѓаните создадоа шанса уште на отворањето на натпреварот. Во 1. минута Депај се најде во добра позиција во шеснаесетникот, но лошо ја зафати топката.
Истиот играч се обиде и во 7. минута, но топката кон голот беше преслаба и немаше проблем за голманот Гунок.
После тоа немаше повеќе шанси за гол до 29. минута кога Турција се закани од прекин.
Чалханоглу нафрли и го пронајде Бардакчи, кој не упати вистински удар. Сепак, тоа беше добра најава за она што следеше. Седум минути подоцна Ѓулер испрати одличен центаршут до подалечната статива од левата страна до Акајдин кој со глава упати удар за водство на Турците!
Ништо значајно не се случи во првото полувреме, а на паузата беше 1:0.
Првата шанса во вториот дел повторно им припадна на Холанѓаните. Нејтан Аке испрати центаршут од левата страна до Вегхорст кој со глава ја упати топката до подалечната статива.
Таму втрча Депај, но беше краток и не ја пренасочи топката кон голот.
Турција имаше слободен удар од 26 метри од голот на Холандија. Ѓулер шутираше и го бараше голманскиот агол, а со силен удар ја погоди стативата!
Во 65. минута Турција имаше слободен удар од позиција за центаршут, а топката се одби до работ на шеснаесетникот од каде Јилдиз се намести за удар.
Вербруген до последен момент не можеше да ја види топката поради гужвата која се насобра пред него, но успеа да спаси.
Пет минути потоа Холанѓаните постигнаа гол. Најпрвин Вегерст шутираше по центаршутот на Депај, но Гунок одбрани, а Холандија доби корнер.
По кратката комбинација од корнер, Депај повторно нафрли, а Де Вриј погоди со глава.
Видовме одлична игра по израмнувачкиот гол на Холанѓаните, кои тргнаа на уште еден гол и многу брзо стигнаа до него.
Во 76. минута нападот на Холандија се одвиваше преку Дамфрис по десната страна, следеше центаршут, а прв до топката беше Гакпо, кој од 3 метри ја смести топката во голот за пресврт.
Одлична прилика пропуштија Турците во 85. минута, по центаршут од левата страна, прилика имаше Челик, кој шутираше на празен гол, но одбраната на Холанѓаните двапати ги блокираше ударите.
Последната голема шанса за Турција дојде во втората минута од судиското надополнување. Бардакчи нафрли од левата страна, Семих Килицој со глава од седум метри упати удар, но истиот го одбрани голманот на Холандија.
За повеќе од тоа немаше време, а Холандија по големиот пресврт се пласираше во полуфиналето каде ќе се соочи со Англија.
Спорт
Новак Ѓоковиќ го победи Австралиецот Алексеј Попирин
![](https://makfax.com.mk/wp-content/uploads/2024/07/novak-1.jpg)
Српскиот тенисер Новак Ѓоковиќ го победи Австралиецот Алексеј Попирин со 3:1, по сетови 4:6, 6:3, 6:4 и 7:6 (7:3) и се пласираше во осминафиналето на Вимблдон.
Попирин му пружи одличен отпор на Ѓоковиќ, но тој не успеа да го загрози пласманот на вториот светски тенисер во следната фаза, иако го доби првиот сет и сервираше на високо ниво во текот на целиот меч.
Двајцата тенисери одлично сервираат на почетокот на мечот кој го одбележаа кратки размени и брзи игри.
Попирин се трудеше да не влезе во долги размени со Ѓоковиќ во кои немаше шанси и се потпираше на неговиот сервис – убедливо најдобриот дел од неговата игра.
Така се играше до седмиот гем, кога Попирин го искористи падот на концентрацијата на Ѓоковиќ и ја искористи првата брејк топка.
Тој ја одржуваше предноста до крајот на сетот и поведе во сетовите непосредно пред почетокот на дождот, поради што мораше да се затвори покривот на паузата меѓу сетови.
После тоа Попирин имаше шанса во третиот гем од вториот сет да стигне до нов брејк, но Ѓоковиќ избега со асови, по што го одигра натпреварот без грешка.
Веќе во следниот гем му го одзеде сервисот на противникот, и до крајот на вториот сет но и на мечот не му даде можност да се врати.
Спорт
Шишето на Пикфорд ќе влезе во историјата на ЕП
![](https://makfax.com.mk/wp-content/uploads/2024/07/pik.jpg)
Англичаните не дозволија историјата да се повтори, а овојпат успеаа да го совладаат противникот во пенал рулетот.
Сите пет играчи на Англија успешно ги изведоа пенали, а заслугата за влез во полуфиналето ја превзема Пикфорд, одбранувајќи го ударот на Аканџи.
На овој начин беше елиминирана Швајцарија, а беше забележан интересен детал на шишето од кое англискиот голман пиеше вода.
На него имаше список на играчите од Швајцарија со забелешка на која страна ќе се шутира пеналот.
За Аканџи пишуваше дека ќе шутира по левата страна од својот гол.