Свет
Гутереш: Враќањето на Сирија во Арапската лига може да ја запре граѓанската војна

Враќањето на Сирија во Арапската лига и нејзиниот ангажман со регионалните држави може да помогне во ставањето крај на 13-годишната граѓанска војна во земјата, изјави вчера генералниот секретар на ОН, Антонио Гутереш.
Блокот од 22 нации во неделата гласаше за враќање на Сирија во рамките на организацијата по 12-годишната суспензија. Сирискиот претседател Башар ал-Асад треба да присуствува на самитот на лигата на 19 мај, но западните санкции ќе продолжат да ги блокираат фондовите за реконструкција на Сирија.
Гутереш верува оти регионот има витална улога обидот да му се стави крај на конфликтот што почна со бунт против владеењето на Ал Асад во 2011 година што беше насилно задушен, а во војната што следуваше убиени се речиси половина Сиријци, а половина од 23 милиони Сиријци се раселени.
Коментарите на Гутереш ги поттикнаа регионалните играчи да преземат водечка улога во обидот да ги натераат на преговори сириската влада и опозицијата, нешто што не им успеа на неколку пратеници на ОН. Сегашниот специјален пратеник за Сирија, Геир Петерсон, ќе продолжи тесно да соработува со сите клучни актери во процесот.
Во исто време, сириската програма за хемиско оружје останува сериозно и спорно прашање. Неколку нации и Организацијата за забрана на хемиското оружје (ОПЦВ) го обвинија Дамаск дека ги крие своите активности со хемиското оружје, но Русија ги брани активностите на својот близок соработник Ал Асад.
Сирија се вклучи во ОПЦВ во 2013 година по заканите со американски воздушни напади како одговор на хемискиот напад на периферијата на Дамаск. Во гласањето без преседан во април 2021 година членките на ОПЦВ ѝ го суспендираа гласачкото право на Сирија како казна за повеќекратната употреба на токсичен гас.
Истрагите на ОПЦВ двапати ги обвинија сириските владини сили за хемиски напади и открија разумна основа да се верува дека е одговорна за друг напад.
На месечниот состанок на Советот за безбедност на ОН за сириското хемиско оружје во понеделникот, потсекретарот на ОН за разоружување, Изуми Накамицу, го обвини Дамаск не успеал да се справи со идентификуваните празнини, недоследности и несогласувања во првичната декларација за својата хемиска програма.
Заменик-амбасадорот на Русија во ОН, Дмитриј Полјански, ја обвини ОПЦВ дека е инструмент на Западот и дека манипулира со своите истраги за да ја обвини Сирија.
Американскиот заменик-амбасадор во ОН, Роберт Вуд, го критикува неуспехот на Сирија да одговори на прашањата на ОПЦВ и бесрамната заштита на пркосното однесување на Сирија од страна на Русија, која наместо да ја поддржи резолуцијата, „избра да го нападне кредибилитетот и професионализмот на ОПЦВ поткопувајќи ја Повелбата на ОН во процесот“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Во експлозија на фабрика во Русија загинаа три жени

Три жени загинаа во експлозија што се случи вчера во фабриката „Авангард“ во градот Стерлитамак во Република Башкортостан во југозападна Русија, изјави денеска гувернерот Радиј Хабиров.
-За жал, загинаа три лица, сите жени. Меѓу нив беше и млада жена родена во 2002 година. Две жени оставија зад себе деца. Компанијата ќе ја обезбеди потребната поддршка, а ќе биде исплатена и отштета. Изразувам искрено сочувство до семејствата на жртвите, објави Хабиров на социјалните мрежи.
Уште пет лица се хоспитализирани – две со сериозни повреди и три со умерени, но гувернерот потврди дека нивните животи не се во опасност.
Хабиров рече дека една од зградите е уништена во експлозијата и потврди дека немало напад со дрон.
Свет
Зеленски: Им веруваме на САД, веруваме дека претседателот Доналд Трамп сака да ја заврши војната

Им веруваме на САД, веруваме дека претседателот Доналд Трамп сака да ја заврши војната, изјави украинскиот претседател Володимир Зеленски на прес-конференција по средбата со американскиот шеф на државата во Белата куќа.
Зеленски ја опиша средбата со Трамп како продуктивна.
Украинскиот лидер одби да даде каква било изјава во врска со потенцијалната испорака на ракети „Томахавк“ од САД во Украина.
„Разговаравме и за ракети со долг дострел и нема да давам никакви изјави за ова прашање. Решивме да не зборуваме за ова бидејќи САД не сакаат ескалација“, објасни Зеленски.
Кога беше прашан дали има оптимизам во врска со добивањето на ракети „Томахавк“, Зеленски одговори дека гледа на работите реално. Украинскиот лидер го изрази своето мислење дека Русија се плаши од ракетите „Томахавк“ бидејќи знае што можат да постигнат со нив, во комбинација со другите системи за оружје на Украина.
Украинскиот претседател рече дека тој и Трамп разговарале за прашања поврзани со системите за воздушна одбрана. Зеленски посочи дека не разговарал со Трамп за украинските напади врз руските енергетски објекти.
Зеленски, исто така, рече дека по средбата со Трамп, разговарал со стратешките партнери на Украина.
Украинските медиуми објавија дека по средбата со Трамп, украинскиот претседател разговарал со европските лидери.
Регион
Тројца загинати и седум лица во тешка состојба по превртување на автобус кај Сремска Митровица

Состојбата на повредените во тешката сообраќајна несреќа што се случи кај Сремска Митровица, во која животот го загубија три лица, и понатаму е сериозна, изјави денеска директорот на Општата болница во Сремска Митровица, д-р Војислав Мирниќ.
„Хоспитализирани се 39 пациенти. Од нив, седум се со потешки повреди и се наоѓаат на одделенијата за интензивна нега, додека 15 пациенти се подготвени за отпуст,“ рече Мирниќ.
Тој прецизираше дека 13 пациенти од Одделението за општа хирургија и двајца од Одделението за ортопедија се во стабилна состојба и наскоро ќе бидат пуштени дома.
„Се врши дополнителна дијагностика за сите пациенти, а во наредните 48 часа очекуваме уште дел од нив да бидат подготвени за отпуст. Посетите во болницата се дозволени од 14 до 16 часот,“ додаде Мирниќ.
Во несреќата, која се случила на патот меѓу Сремска Митровица и селото Јарак, загинале три лица – две на самото место и едно во болница, од последици на тешките повреди.
Вкупно 61 патник бил прегледан во митровачката болница, а 39 лица биле задржани на лекување. Осуммина се на интензивна нега, дваесетмина на општа хирургија, а единаесетмина на ортопедија.
Еден пациент е префрлен во Ургентниот центар во Нови Сад, а друг во Белград на понатамошно лекување.
Автобусот на превозникот „Сирмиум бус“, кој превезувал работници, под засега непознати околности излетал од патот и се превртел. Возачот на автобусот, Д. К. (1955), е уапсен поради сомнение дека ја предизвикал несреќата во која загинаа три лица. Нему му е одредено задржување до 48 часа, по што ќе биде изведен пред надлежното обвинителство со кривична пријава.