Свет
Ким Џонг-ун го поддржа Путин: Русија ќе ги победи империјалистите
Севернокорејскиот лидер Ким Џонг-ун изјави дека Русија ќе победи во борбата против, како што рече, империјалистите.
Северна Кореја воспостави блиски врски со Кремљ и ја поддржа Москва по нападот на Украина минатата година, вклучително и признавањето на анектираните делови на Украина, потег што повеќето членки на Обединетите нации го нарекоа незаконски.
„Народе на Русија, ви испраќаме топли поздрави до вас, како и до руската армија и граѓаните што се борат за своето свето право да го одржуваат мирот во светот“, се вели во писмото на Ким до рускиот претседател Владимир Путин.
Ким исто така на Путин му го честита Денот на победата во Втората светска војна велејќи дека Русија ќе продолжи да ги штити својата автономија и регионалната стабилност.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Центарот на Будва под вода, Хрватска воведе итни мерки поради поплавите, во Подгорица автомобили едвај поминуваат низ вода
Според началникот на пожарникарската жупанија Дино Козлевац, противпожарните единици низ Истра имале 32 интервенции во изминатите 24 часа поради поплави. Пожарникарите интервенирале 13 пати само на подрачјето на Порече, додека девет интервенции имале на подрачјето на Пула, шест на подрачјето на Пазин и по една во Ровињ, Умаг, Лабин и Бузет.
-Пожарникарите најмногу интервенираа и излегоа на терен за да ги отстранат дрвјата што паднаа на коловозите поради силниот ветер, но имаа и пар интервенции за испумпување на водата. Во тие настани нема загинати, но причинета е материјална штета. Се на се, состојбата во моментов е поволна – рече Козлевац.
Во Карловац во седум часот утринава надминат е водостојот од 750 сантиметри и влезе во фаза на вонредни мерки за одбрана од поплави, а се зголемува за околу 10 сантиметри на час. Како што е најавено, нивото на водата ќе се зголемува до попладневните часови за кога се најавува врвот на водениот бран кој треба да надмине 800 сантиметри.
– Поради водата, затворени се патиштата во Бродарци, покрај Купа, Селац, Кобилиќ и Броѓани – соопштија локалните власти.
Поплави и во Подгорица
Силниот дожд што наврна синоќа во Подгорица предизвика поплави на неколку улици.
Најлошо е во Забјело, а на социјалните мрежи се објавени видеа од автомобили како едвај поминуваат низ поплавените улици.
Во Спуз се поплавени дворови на куќи, а низ целата земја е запален црвен метео аларм.
View this post on Instagram
Свет
Хамас: Не планиравме да киднапираме и убиваме жени и деца, но моравме
Највисокиот лидер на Хамас надвор од Газа изјави за Би-Би-Си дека кризата што неговата организација ја предизвика на Блискиот Исток, која доведе до илјадници смртни случаи низ целиот регион во изминатата година, е оправдана.
На прашањето на меѓународниот уредник на Би-Би-Си, Халил ал-Хаја, заменик-лидерот на Хамас, негираше дека борците на Хамас целеле на цивили за време на нападот на 7 октомври минатата година.
Околу 1.200 луѓе, главно израелски цивили, беа убиени, а повеќе од 250 однесени во Газа како заложници. Велика Британија и други влади го прогласија Хамас како терористичка организација, пренесува медиумот.
Ал-Хаџа рече дека нападите на 7 октомври минатата година биле неопходни за да се врати прашањето за палестинската државност на глобалната агенда. Без тоа, рече тој, циклусот на насилство на Блискиот Исток нема да заврши.
„Бараме луѓе. Моравме да направиме нешто за да му кажеме на светот дека има луѓе кои се под окупација со децении“, рече Ал-Хаја.
На прашањето на новинарите зошто во нападот загинаа цивили, вклучително и деца, Ал-Хаџа одговори: „Им наредивме на нашите борци на отпорот да не таргетираат цивили, жени и деца. Целта беа окупационите војници кои секогаш ја убиваа и уништуваа Газа. Ние не поддржуваме нанесување штета на цивилите. Имаше лични грешки и акции на теренот. Борците можеби чувствувале дека нивните животи се во опасност“.
Тој кажа и дека борците јаделе и пиеле по куќите на семејствата, за жените и децата да не се плашат од нив. На прашање на новинарот зошто било потребно да се киднапираат 250 луѓе од Газа, главно цивили, меѓу кои и жени и деца, тој одговорил:
„Една од целите на 7 октомври беше да се киднапира мала група израелски војници кои ќе бидат разменети за палестински затвореници. Не беше наш план да заробуваме цивили, жени и деца“, рече тој.
Тој додал дека тоа е начин да се натера израелскиот премиер Бенјамин Нетанјаху да ја заврши војната со Палестинците.
„Прашањето е кога Нетанјаху ќе одлучи да ја прекине војната. Кога светот ќе го принуди да ја прекине војната? Одлуката е на Нетанјаху да ја запре војната. Како можат луѓето кои се спротивставуваат на окупацијата да се предадат? Луѓето кои пружаат отпор на окупацијата не се откажуваат“, рече тој и додаде:
„Доколку светот ни ги даде нашите легитимни права, овој циклус на насилство ќе престане. Но, Израел не го сака тоа“.
Интервјуто, како што пишува медиумот, беше одржано во Доха, каде што се наоѓа најголемиот дел од политичкото раководство на Хамас. Иран го нападна Израел со балистички ракети околу еден час по снимањето на интервјуто.
Свет
Орбан: ЕУ започна економска студена војна со Кина
Унгарскиот премиер Виктор Орбан верува дека ЕУ започнала „економска студена војна“ со Кина, додека лидерите на Унијата се подготвуваат за клучно гласање за воведување царини за увоз на електрични автомобили од кинеско производство.
Орбан изјави за унгарското државно радио дека она што сега Брисел ги принудува своите членови да го прават против Кина е „економска студена војна“.
Унгарскиот премиер, кој го предводеше притисокот да се донесат кинески фабрики за електрични автомобили и батерии во земјата, рече дека Унгарија не сака да биде ограничена од ниту еден блок, туку сака да ја продолжи трговијата со двете страни.