Регион
Директорката на училиштето „Владислав Рибникар“: Немав време да се занимавам со невистини
![](https://makfax.com.mk/wp-content/uploads/2023/05/т-1.jpg)
Снежана Кнежевиќ, директорката на основното училиште „Владислав Рибникар“, каде што се случи масовното убиство, проговори за „Телеграф.рс“.
„Знам дека должност на секој што е на чело на јавна институција е да комуницира со медиумите, а особено сега. Да им се обрати, но ние сме во ситуација во која досега никој не бил“, изјави Кнежевиќ.
Директорката на ОУ „Владислав Рибникар“ за „Телеграф.рс“ објасни дека како и досега се води од моралот и дека сака достоинствено да завршат сите процеси во оваа посебна ситуација.
Сакала да ги испрати сите починати деца во вечното почивалиште, како и чуварот на тоа училиште, но и да ја следи состојбата на другите ученици и на наставничката, кои беа ранети во овој масакр.
„По ваквите настани, немав време да се занимавам со невистините што се појавија во медиумите“, истакнува таа и додава дека најмногу се занимавала со процесот во кој сите во училиштето се обидуваат да најдат решение на најдобар можен начин за децата.
Уште еднаш побара трпение и порача дека навремено ќе одговори на сите прашања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Грција во пламен: дури 50 пожари низ земјата во последните 24 часа, издадено е важно предупредување
![](https://makfax.com.mk/wp-content/uploads/2024/07/Screenshot-2024-07-07-190708.jpg)
Бројот на агрошумски пожари што избувнаа во последните 24 часа низ Грција достигна 50, соопшти Противпожарната служба.
Според локалните медиуми, 41 пожар се санирани веднаш, во почетна фаза, додека противпожарната служба се уште ги решава останатите 9.
Локалните истражни служби, како и одделенијата за превенција од подметнување пожари (Д.А.Е.Е.) ги истражуваат причините за пожарот.
Противпожарната служба на Грција ги повикува сите граѓани да бидат особено внимателни и во случај на пожар, заради сопствена безбедност, да ги следат упатствата на надлежните органи.
Регион
(Видео) Страшно невреме во Словенија: силен град, ветер и дожд носеа се’ пред себе
![](https://makfax.com.mk/wp-content/uploads/2024/07/Screenshot-2024-07-07-185925.jpg)
Над Словенија во попладневните часови се развиле две силни бури. Суперќелијата што патуваше низ централна Словенија донесе силен град, силни налети на ветер и дожд.
Во некои делови на Словенија невремето го нарушува сообраќајот и ја намалува видливоста. Од сообраќајниот информативен центар предупредуваат дека на коловозите можно е да има повеќе вода.
На возачите им се препорачува да возат внимателно и да не застануваат под надвозници или во тунели.
Според прогнозите на Агенцијата за животна средина на Република Словенија, ќе продолжи да има врнежи или невреме, особено во северната половина од земјата. На север и северозапад во вечерните и ноќните часови се уште е можно невреме, јавува Метеоинфо.
Западните и северните делови на Љубљана и околината беа зафатени од силно невреме со град и ветер. Потоа невремето се префрли над Домжал во североисточен правец.
Како што пренесуваат медиумите, некои возачи засолниште од невремето побарале под надвозникот, што е многу опасно кога има невреме, предупредува полицијата.
– За жал, при невреме на автопатот, некои неодговорни возачи сè уште ги запираат возилата во тунели, на паркинг ленти, се вртат или дури излегуваат од возилото итн. Со тоа се загрозуваат себе си и другите учесници во сообраќајот бидејќи може да дојде до застој во сообраќајот или опасни судири и сообраќајни незгоди – предупредува полицијата на несфатливото и премногу вообичаено однесување на возачите на нашите патишта.
Регион
Нов силен земјотрес во Грција
![](https://makfax.com.mk/wp-content/uploads/2024/07/Screenshot-2024-07-07-175740.jpg)
Земјотрес со јачина од 4,7 степени според Рихтеровата скала е регистриран денеска попладне во близина на Патра, во јужниот дел на Грција.
Како што е наведено на веб-страницата на Европскиот медитерански сеизмолошки институт (EMSC), земјотресот бил измерен на длабочина од 13 километри, додека епицентарот бил на 9 километри југозападно од градот Гастун, односно 70 километри јужно од одморалиштето Патра.
#Earthquake (#σεισμός) possibly felt 23 sec ago in #Greece. Felt it? Tell us via:
📱https://t.co/IbUfG7TFOL
🌐https://t.co/AXvOM7I4Th
🖥https://t.co/wPtMW5ND1t
⚠ Automatic crowdsourced detection, not seismically verified yet. More info soon! pic.twitter.com/CFmyNPkaZK— EMSC (@LastQuake) July 7, 2024
Засега нема информации за евентуална штета.
Потсетуваме, синоќа земјотрес со јачина од 4,9 степени според Рихтеровата скала е измерен во градот Килина на Пелопонез, поточно 28 километри североисточно од островот Закинтос.