Македонија
(Видео) Стоилковски: Молкот на Ковачевски и бегањето од дебата е потврда на штетите во договорот
Министер задолжен за евроинтеграции признава дека го крши и злоупотребува европското знаменце. Штетни противуставни закони протнуваат како реформски е европски! Има ли поголем парадокс за бандитизмот на оваа Влада? Спремни се да кршат закони, да злоупотребуваат знаменца, за да туркаат криминал, истакна портпаролот на ВМРО-ДПМНЕ, Наум Стоилковски.
Затоа, додава тој, Ковачевски бега од дебата и се крие по две покани за ТВ-дуел од претседателот на ВМРО-ДПМНЕ, Христијан Мицкоски.
„Двапати лидерот Мицкоски го повика Ковачевски јавно да дебатираат за договорот за градба на делови од коридорот 8 и коридорот 10 д, со кој Македонија јасно се става во подредена позиција. Да не е така, Ковачевски би прифатил! Молкот не е одговор! Молкот на Ковачевски и бегањето од дебата е потврда на штетите внатре во договорот. Потврда дека Ковачевски прифатил да плаќа стотици милиони евра за аванси и пенали на приватна компанија што ја договори без тендер и во 4 очи, прифатил работници да работат повеќе часови за да се полнат џебовите на надзорот, легалните и дивите објекти исто и еднакво да се обесштетуваат“, додава тој.
Прифатил, како што вели, законите од правниот систем по кој тој работи да се суспендираат.
„Димитар Ковачевски, излези од глувчешката дупка и јавно соочи ги фактите за штетниот договор. Излези, Ковачевски, од кукавичиното гнездо на телевизиски дуел со Христијан Мицкоски! Доколку Ковачевски не знае што да каже пред фактите, Мицкоски му понуди и опција – нека го земе со себе и вистинскиот премиер Али Ахмети, нека ги земе сите министри на кои Груби ќе им дозволи да зборуваат, само нека се појават пред јавноста на дуел. Христијан Мицкоски ќе дојде сам да ги соочи со фактите. Важно е Ковачевски да се појави на дебата за да види народот кој што крие и кој е во право, за да види целата јавност како се краде Македонија и каков срам и тешка судбина им носат на сите во Македонија“, потенцира портпаролот на ВМРО-ДПМНЕ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Меџити-Вал: заедничка цел зајакнување на правната држава, борбата против корупцијата
Првиот вицепремиер и министер за животна средина и просторно планирање Изет Меџити денеска беше домаќин на работна средба со амбасадорот на Мисијата на ОБСЕ во Република Северна Македонија, Килиан Вал.
Меџити и Вал разговараа за можностите за соработка во континуирано партнерство со цел унапредување на приоритетните реформи во согласност со заложбите на ОБСЕ.
Двајцата соговорници се согласија дека имаат за цел зајакнување на правната држава, борбата против корупцијата, родовата еднаквост и зајакнувањето на младите, додека промовирањето на транспарентноста, човековите права и одржливиот развој за доброто на сите граѓани остануваат заедничка цел.
Меџити повтори дека е максимално посветен на напредокот на интеграциската агенда на земјата кон зачленување во Европската унија, како единствено решение и со масовна поддршка од граѓаните.
Македонија
(Видео) Во Прилеп утре Ден на жалост, по трагичната несреќа во која загинаа три медицински лица
Во Прилеп, утрешниот ден се прогласува за Ден на жалост поради трагично загинатите медицински лица, кои утрово ги загубија животите во тешка сообраќајна несреќа на магистралниот пат Прилеп-Битола.
Одлуката беше донесена од страна на Советот на Општина Прилеп на вонредна седница.
Прилепскиот градоначалник Борче Јовчевски во своето обраќање рече: „Како градоначалник, како лекар, но пред се како човек утрово со тага ја примив веста за прераната смрт на нашите сограѓани, на еден прекрасен тим на специјалисти и медицински кадар. Еден тим кој животот го посвети во давање на помош и спасување на животи. Дури и на тој пат одеа да спасат животи. Прилеп и Македонија губат врвни луѓе, посветени на својата професија“, нагласи тој.
Несреќата се случила утрово при судир на автомобил во кое биле медицинските лица и товарен камион.
Македонија
Ковачки: Работите во судството се катастрофално лоши, потребни се оставки во судски совет, генерален ремонт и реизбор
„Работите во судството ни се лоши, катастрофално лоши и тоа е оценка на сите од надвор и од внатре“, истакна пратеникот од ВМРО-ДПМНЕ Драган Ковачки на денешната собраниска Комисија за политички систем и односи меѓу заедниците.
Тој посочи дека поради нула ажурност на судовите резултатите се катастрофални.
„Резултатите се катастрофални со ажурност нула на судовите. Од одредени судови се праќаат по други, од едни апелациони подрачја во други се праќаат на испомош затоа што нема судии“, вели Ковачки.
Правдата генерално во Република Македонија, според него ја нема, судство, обвинителство, како што вели, „таа спрега е скапана и тука ние не може да направиме исчекор без генерален ремонт. Мора да имаме генерален ремонт и реизбор“, потенцираше Ковачки.
Тој е дециден дека сите во судскиот совет треба да си дадат оставки.
„Судски совет како што сега е поставен треба да си дадат оставки затоа што доведоа до тие 2% доверба“, укажа Ковачки.