Спорт
Реал во реваншот ќе игра и против традицијата
![](https://makfax.com.mk/wp-content/uploads/2023/05/47a3009.jpg)
Без победник (1:1) заврши првиот полуфинален натпревар во Лигата на шампионите помеѓу Реал и Манчестер Сити. Наредната среда на програмата е реваншот во Манчестер, по кој ќе биде познато кој ќе патува на финалето во Истанбул.
Реал на „Итихад“, ќе брка резултат, а токму Бензема и соиграчите се најопасни во вториот мандат на Карло Анчелоти. Минатата сезона, Реал со неверојатни пресврти ги елиминираше Челси и Манчестер сити. Разликата е само во тоа, што лани реваншот Реал ги играше на домашен терен.
Што вели традицијата? Како поминува Реал кога ремизираат 1:1 на „Сантијаго Бернабеу“ во првиот натпревар. Реал пред овој двомеч шест пати бил во таква ситуација, само еднаш успеа да направи позитивен резултат на гостински терен.
Тоа се случи во сезоната 2012/13. кога одигра 1:1 против Манчестер Јунајтед во Мадрид во првиот осминафинален натпревар. Во реваншот на „Олд Трафорд“ беше 2:1 за Реал и тие поминаа во следната фаза. Последен пат во ваква ситуација Реал се најде во сезоната 2020/21.
Тогаш во оваа фаза Реал се најде против, како и сега, клуб од Премиер лигата. Челзи предводен од Томас Тухел успеа да избори 1:1 на „Сантијаго Бернабеу“, а во реваншот на „Стемфорд Бриџ“ беше 2:0 за сините, кои потоа ја освоија титулата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Ферстапен победи во Шпанија пред Норис и Хамилтон
![](https://makfax.com.mk/wp-content/uploads/2024/06/12320773.jpg)
Возачот на Ред Бул, Макс Ферстапен победи на Шпанското ГП. Второто место го зазеде Ландо Норис за Мекларен, додека трет заврши асот на Мерцедес Луис Хамилтон.
Стартот на Големата награда на Шпанија беше највозбудиот дел од трката. Трката со брилијантен потег ја отвори возачот на Мерцедес Џорџ Расел – стартуваше од четвртото место, но веќе во првиот свиок се проби на челната позиција.
Сепак, водството на Расел беше краткотрајно, бидејќи Ферстапен го стигна и го престигна на почетокот на третиот круг.
Од тој момент, актуелниот шампион го диктираше темпото и беше во водство, освен кога менуваше гуми.
Норис, влезе во борба со пилотите на Мерцедес, стигна до втрото место, но не успеа да му се доближи на Ферстапен.
Зад најдобрите тројца се пласираа Џорџ Расел од Мерцедес, двоецот на Ферари Шарл Леклер и Карлос Саинц, Оскар Пјастри (Мекларен), Серхио Перез (Ред Бул), а во Топ 10 беа и полотите на Алпин Пјер Гасли и Естебан Окон.
Спорт
УЕФА одлучи: Два меча суспензија за Даку по навредите за Македонците и Србите на Европското првенство
![](https://makfax.com.mk/wp-content/uploads/2024/06/daku-2.jpg)
Албанската фудбалска федерација соопшти дека УЕФА му ja изрекла забраната на албанскиот репрезентативец, Мирлинд Даку. Тој доби два меча суспензија откако ги наведе навивачите на националистички скандирања, пренесе „Асошиејтед прес“.
Даку зеде мегафон по ремито 2-2 на Албанија со Хрватска во средата во Хамбург и извика:„Е*и ги Македонците…, е*и ги Србите…“
Албанската федерација, исто така, соопшти дека УЕФА изрекла казни во вкупна вредност од 47.250 евра (50.500 американски долари) за инцидентите на натпреварот, кога албанските и хрватските навивачи извикуваа антисрпски пароли.
Српската фудбалска федерација по инцидентите објави дека ќе го напушти турнирот доколку УЕФА не казнува.
Албанија ќе го игра решавачкиот натпревар од групната фаза во понеделник против Шпанија.
Спорт
Марej се повлече од Вимблдон
![](https://makfax.com.mk/wp-content/uploads/2024/06/m.jpg)
Енди Мареј, некогашниот тенисер број еден во светот, сепак нема да игра на Вимблдон.
Тој во саботата мораше да оди на операција на циста и тоа е причината да не биде на третиот Грен слем сезонава.
Мареј играше оваа недела на турнир во Квинс, но мораше да му отстапи меч од второто коло на Џордан Томпсон.
Според првите информации, тој ќе има пауза од шест недели, па под знак прашалник е и неговото учество на Олимписките игри во Париз.
“По операцијата на цистата на ‘рбетот, за жал, Енди Мареј нема да биде на Вимблдон. Заздрави и одмори се Енди, на сите ќе ни недостигаш таму”, изјавија организаторите на турнирот.