Забава
Шакира, конечно, се враќа во живот: пред Ф1-трката со Том Круз, а потоа со Луис Хамилтон
Се чини дека Шакира е многу активна во потрагата по забава или по нов партнер откога, дефинитивно, ја остави 12-годишната врска со Жерар Пике зад себе, коментираат таблоидите.
Колумбиската пејачка ги вкрсти патиштата со легендата на Формула 1, Луис Хамилтон, на вечера во Мајами во вторникот среде шпекулации дека таа веќе го привлекла вниманието на Том Круз.
Папараците ја сликаа Шакира во луксузен ресторан со плејбој-возачот, како што многумина го нарекуваат, откако пред само неколку дена беше во друштво на Том Круз.
Видеото од ресторанот секако предизвика прилично чудење и крена многу веѓи на социјалните мрежи.
Таа наводно самата му пришла на Хамилтон додека седел со пријателите.
„И неизбежно ги сврте погледите кон себе кога влезе во популарниот италијански ресторан ‘Ципријани’ во Мајами, каде што гран при асот Хамилтон (38) вечераше со група пријатели“, објавија неколку шоу-биз медиуми.
Пред неколку дена Ф1-универзумот беше сведок на вистински мастер-клас на Макс Верстапен. Сепак, вниманието на многуте фанови постојано беше ма насочено кон „лонџ“-зоната, каде што Шакира навидум добро се забавуваше со Том Круз. Додека тие двајца уживаа во своето време заедно, на тркачката патека беа забележани уште многу големи имиња.
Илон Маск, Вин Дизел и Џеф Безос беа некои од познатите, кои исто така беа присутни на гран прито во Мајами. Подоцна истата вечер Шакира отиде на вечера со секогаш славниот Луис Хамилтон.
Иако неговите перформанси во Ф1 малку опаднаа, тркачот, дефинитивно, вечерта ја заврши со насмевка на лицето, а според некои таблоиди, ова се должи на дружбата со Шакира и неколку негови пријатели во популарниот италијански ресторан.
Ова, веројатно, нема да му се допадне на Том Круз, кој по поминатиот ден со атрактивната Колумбијка, покрај тркачката патека, наводно е исклучително заинтересиран и за неа.
Инсајдер изјави за „Пејџ сикс“ дека актерот (60) пројавил голем интерес за пејачката (46) бидејќи има хемија меѓу нив.
Колумбиската ѕвезда (46) се пресели на Флорида со своите две деца по горката разделба од поранешниот фудбалер на ФК „Барселона“ и на Шпанија, Жерар Пике, минатиот јуни.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Сите дадилки што Џенифер Лопез ги ангажирала за своите деца си заминале за седум дена: причината е прилично бизарна
Познатата Џенифер Лопез ги има близнаците Максимилијан и Ема со својот поранешен сопруг, пејачот Марк Ентони.
Како што еднаш и самата призна, на почетокот имала големи проблеми да најде дадилка за своите деца.
„Не можете да замислите како е да се биде мајка додека не станеш мајка. Постојано им давав совети на пријателите што имаат деца, а тие ме гледаа како да имам три глави. А потоа, кога ги добив двајцата, буквално им се извинив на сите мои пријатели“, изјавила тогаш таа, пренесува Yourtango.
Како што еднаш рекол извор близок до Лопез, првата дадилка што таа и Марк ја ангажирале дала отказ по една недела.
„Обично луѓето што заработуваат огромни суми пари и имаат многу професионални и социјални обврски ангажираат дадилка за секое дете, особено за новороденчиња. Но, како Џенифер да очекувала дека дадилката не само што треба да се грижи за близнаците туку и да работи 16 часа, седум дена во неделата“, рекол извор за „Тудеј“, пренесува споменатиот медиум.
Меѓутоа, тоа се случило и со другата дадилка.
„Тие најмија друга дадилка, која беше прекрасна со близнаците, но таа не можеше да работи толку многу часови без пауза. По отказот на дадилката, парот почна очајно да бара трета дадилка“, додал тогаш изворот.
Самата Џенифер пред неколку години истакна дека нејзината работа многу влијае на времето што го поминува со своите деца.
„Мојот син неодамна ми рече: Мамо, би сакал да имам пикник со тебе оваа недела бидејќи знам дека си работелa напорно. Беше со мене во Њујорк, но сепак ми рече: Би сакал да закажам пикник за следниот петок бидејќи ни треба повеќе квалитетно време. Јас му одговорив: Во ред, душо“, истакна таа, пренесува Yourtango.
Забава
Најпознатото бебе на интернет стана полнолетно
Сами Гринер, познат како „успешното дете“ (Success Kid), го прослави својот 18. роденден.
Неговата мајка на „Инстаграм“ покажа како денес изгледа момчето од познатото меме.
„Моето мало момче наполни 18 години. Среќен роденден, Сем“, напиша мама Лејни Гринер.
View this post on Instagram
На мемето е прикажано бебе како стиска грст песок. Фотографијата е направена во 2007 година. Семи имал само 11 месеци кога неговите родители го фотографирале додека се обидувал да јаде песок. Мајка му ја објави фотографијата на интернет за да ја видат нејзините пријатели и семејството, но таа стана интернет-сензација и меме.
Фотографијата стана толку популарна што Си-ен-ен го нарече Семи Гринер „веројатно, најпознатото бебе на интернет“. Освен за популарна употреба на социјалните мрежи, фотографијата се користи и за комерцијална употреба.
Во 2012 година, Џастин и Лејни Гринер, родителите на Семи, зборуваа на конференција поврзана со ROFLCon за предизвиците на воспитувањето на детето додека го штитат брендот. Тие беа критикувани дека го искористиле својот син, на што Лејни одговорила дека немала контрола дали мемето ќе се шири.
Во средината на 2015 година семејството Гринер ја искористи фотографијата за да ја промовира кампањата GoFundMe за да собере пари за да плати за трансплантација на бубрег на татко му. Иако Лејни првично се двоумеше дали да ја поврзе кампањата со мемето, на крајот се одлучи да го направи тоа и за неколку дена беа собрани 83.000 долари. Така настана мемето „Станав меме, па го спасив тато“.
Забава
Научниците пронајдоа сирење старо 3.600 години, било ставено околу вратот на кинеска мумија
Научниците го открија најстарото парче сирење на светот – го пронајдоа околу вратот на мумија во Кина.
Ковчегот стар 3.600 години бил отворен на гробиштата Ксиаохе во Ксинџијанг, Кина за време на ископувањето во 2003 година, каде што над вратот на мумифицираната млада жена бил поставен предмет што изгледал како накит.
И покрај тоа што изгледаше како парче накит во тоа време, научниците сега велат дека го идентификувале примерокот како најстарото парче сирење во светот, пренесува „Скај њуз“
„Обичното сирење е меко. Ова не е. Сега стана суво и тврдо“, изјави за „Ен,би,си њуз“ Киаомеи Фу, палеогенетичар од Кинеската академија на науките во Пекинг. Таа објасни дека кога бил ексхумиран ковчегот на жената, било откриено дека сирењето е добро зачувано поради сувата клима во пустината Тарим Басен.
Иако производството на сирење одамна е опишано во историјата, истражувачите во студијата објавена во списанието Cell напишале дека „историјата на ферментирани млечни производи во голема мера е изгубена во антиката“.
„Овие примероци од сирење стари 3.500 години се меѓу ретките остатоци од млечни производи кои се зачувани повеќе од 3.000 години.
Зборувајќи за „Ен-би-си њуз“, Фу рече дека таа и нејзиниот тим земале примероци од три гробници на гробиштата Ксиаохе и ја обработувале ДНК-та за да ја следат еволуцијата на бактеријата во текот на илјадници години.
Тие рекоа дека примероците покажале дека се работи за кефир направен со ферментирање на млеко со користење на зрна кефир, а има и докази за употреба на козјо и кравјо млеко.
Истражувањето покажа дека популациите од бронзеното време, како и луѓето од Ксиаохе, за кои се знаело дека се генетски нетолерантни на лактоза, консумирале млечни производи пред ерата на пастеризација и ладење.
„Овие примероци од кефирско сирење стари 3.500 години се меѓу ретките остатоци од млечни производи зачувани повеќе од 3.000 години, произведени од популацијата Ксијаохе од бронзеното време – популација со мешани животни стилови и техники“, велат научниците.
„Ен-Би-Си“ ја праша Фу дали сирењето може да се јаде и дали ќе го проба, на што таа одговори „нема шанси“.