Забава
Група британски таблоиди признаа дека незаконски собрале информации за принцот Хари
Издавачот на британскиот таблоид „Дејли мирор“ призна и се извини за незаконското собирање информации за принцот Хари во своето известување и рече дека гарантира компензација на почетокот на првото судење за хакирање телефони на принцот во средата.
Во тек е судењето по тужбата на принцот Хари против издавачот на „Мирор“ за наводно хакирање на неговиот телефон. Војводата од Сасекс е еден од неколкуте личности од висок профил, кои поведоа тужби против „Мирор груп њузпејперс“ (МГН) во рамките на седумнеделното судење во лондонскиот Висок суд.
Адвокатите тврдат дека директорите на компанијата знаеле за широко распространето хакирање телефони, но не реагирале. МГМ продолжи да негира дека хакирала телефони за да ги пресретне пораките на говорната пошта и рече дека тужителите ги изнеле своите тврдења надвор од законски пропишаното време.
„МГН безрезервно се извинува за сите такви случаи на незаконско собирање информации и ги уверува тужителите дека таквото однесување никогаш нема да се повтори“, се наведува во судските документи.
Издавачот тврди дека неговото извинување не е тактички потег за намалување на штетата, туку е направено бидејќи такво однесување никогаш не требало да се случи.
Принцот Хари се очекува да презентира докази во јуни, а сослушувањето во Високиот суд би требало да трае шест или седум недели.
За имотот на починатиот пејач Џорџ Мајкл и за актерот Рики Томлинсон исто така има поднесено тужби против МГН, а т.н. пробни случаи – вклучувајќи го и тој на Хари – беа избрани за судење од пошироката група поднесувачи на тужби.
Другите репрезентативни случаи за судење се оние на поранешната актерка Ники Сандерсон, поранешната сопруга на комичарот Пол Вајтхаус, Фиона Вајтман, и актерот Мајкл Тарнер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Победникот на Евровизија ја повика Швајцарија да воведе трет пол во официјалните документи
Победникот на Евровизија, Немо Метлер, ја повика швајцарската влада да признае трет пол во официјалните документи.
Метлер истакна дека е апсолутно неприфатливо таква можност веќе да не постои во Швајцарија, пишува „Гардијан“.
„Треба да бидеме застапени и во политиката. Многу е важно луѓето да се чувствуваат видени“, рече Метлер, кој на прашањето по победата со кого првин би сакал да разговара, без размислување, го именува швајцарскиот министер за правда, Бит Јанс.
Во средата, според неговиот портпарол, министерот му испратил СМС-порака на Метлер, во која му ја честитал победата на Евровизија и го поканил да се видат.
Пред 18 месеци швајцарската влада го отфрли токму овој предлог.
Забава
Џенифер Лопез и Бен Афлек вторпат се соочуваат со развод
Американскиот актер, режисер и продуцент Бен Афлек и пејачката и актерка Џенифер Лопез се на работ на развод вторпат, а според американскиот магазин In Touch Weekly, Афлек веќе се иселил од нивниот заеднички дом.
Обожавателите забележаа дека Бен и Џенифер поминуваат сѐ повеќе време разделени во последните неколку недели.
„Тие имаат намера да се разведат – и овој пат не е виновен Бен“, рекол изворот.
Забава
По 20 години, Аврил Лавињ проговори за теоријата на заговор дека ангажирала двојничка: „Тоа ми е многу глупаво“
Аврил Лавињ неодамна зборуваше за митот што ја следи со години, а се работи за тоа дека на врвот на кариерата решила да ангажира двојничка по име Мелиса.
Во средината на 2003 година се појавија шпекулации дека панкерката решила да ја ангажира Мелиса по албумот Let Go и од оваа гледна точка ѝ е смешно.
„Мислам, едноставно, смешно ми е. Од една страна, некои велат: „О, боже, изгледаш потполно исто. Не си остарела ни ден“, а потоа други луѓе велат дека постои теорија на заговор дека тоа не сум јас“, рече Аврил додавајќи дека тоа е глупост.
View this post on Instagram
Сепак, таа не сакаше да прави драма за ова, а на сѐ гледаше од попозитивна страна.
„Искрено, не е толку лошо. Можеше да биде и полошо, нели? Мислам дека добив добра реклама. Не го гледам како нешто негативно. Не е ништо страшно“, рече таа во поткастот Call Her Daddy.
Оваа бизарна теорија се појавила на почетокот на овој век, а причината била наведена дека Аврил била исцрпена поради славата и популарноста. Некои отидоа и чекор подалеку и мислат дека пејачката починала меѓу албумите Let Go од 2002 година и Under My Skin од 2004 година, а потоа ја замениле со Мелиса.
Теоретичарите на заговор повторно ја почнаа оваа тема пред неколку години на „Твитер“ во тоа време (сега X) и сакаа да ја поддржат оваа тема со докази засновани на промената во нејзиниот изглед со текот на годините, како и тетоважата, која изгледаше како да пишува Мелиса.