Европа
НАТО на готовс: поморски вежби за одбрана на подводната критична инфраструктура од закани
Од 24 април, 1.800 луѓе и 12 брода на НАТО, вклучувајќи ја и шпанската фрегата „Алваро де Базан“, се мобилизирани за интензивна и предизвикувачка обука на површина од 200.000 квадратни милји во северниот Атлантик, пренесува „Еурактив“.
„Шпанија е подготвена да ја брани територијата на НАТО во секое сценарио“, вели Хесус Вињас Барсиела, капетан на „Алваро де Базан“, која учествува во вежбите на НАТО за справување со заканите за критичната подводна инфраструктура, во моментот закотвена во пристаништето во Рејкјавик.
Претходно во февруари, холандското воено разузнавање ја обвини Русија дека го мапира холандскиот систем за снабдување со енергија од Северното Море за да ги утврди можните точки на кои дистрибуцијата може да биде прекината, што може негативно да влијае на ветерниците, интернет-каблите и гасоводите.
Вињас Барсиела ја истакна важноста на годишната подморничка вежба на НАТО, наречена „Динамичен мунгос“.
„Ова се еминентни антиподморнички маневри“, објасни Вињас Барсиела по две недели работа во областа од голем стратешки интерес меѓу Норвешка и Исланд.
За време на вежбите, учесниците учат како да се справат со заканите по критичната подводна инфраструктура, чиј интензитет се зголеми по руската инвазија на Украина.
„Подморниците имаат голема предност под вода бидејќи се способни да детектираат, лоцираат и да следат на долги растојанија. Првин треба да можеме да им го одвлечеме вниманието, а потоа да маневрираме за да им го свртиме вниманието кон другите бродови, а не кон нашата скапоцена единица“, вели тој.
Постојаните поморски сили на НАТО, СНМГ1, бараат постојано и видливо ажурирање на солидарноста и кохезијата.
„Настојуваме да си ги подобриме способностите на индивидуално и на колективното ниво во одбраната против подморници и оваа вежба испраќа порака дека сме подготвени да дејствуваме во секое сценарио“, рече тој.
„Капацитетите не се само материјални – тука се нашите екипажи, кои се во тек со техниките, тактиките и процедурите, кои, како и технологијата, се надградуваат многу бргу“, вели Вињас Барсиела.
На прашањето како руската агресија врз Украина влијае на улогата на Шпанија во НАТО, Вињас Барсиела истакна дека целта на алијансата секогаш била да ги спречи заканите преку одвраќање.
„Овде се обидуваме да спречиме тоа да ѝ се случи на нашата земја. И не само поради она што се случи во Украина“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.
Европа
Закани за бомби во Австрија, затворени железнички станици
Неколку железнички станици во Австрија се затворени поради повеќе закани за бомби во изминатите неколку дена, изјави денеска портпаролот на полицијата за германската новинска агенција ДПА.
„Ние го сфаќаме ова многу сериозно“, додаде портпаролот.
Синоќа, биле упатени закани до станици во Св. Поелтен, Салцбург и Клагенфурт, во вторникот до главната станица во Линц, а во понеделникот до главната станица во Грац. Сите станици беа затворени, а железничкиот сообраќај беше во прекин неколку часа.
Полицијата добивала закани преку електронска пошта, во кои се тврди дека на станиците има експлозив што може да се активира. Засега не се пронајдени опасни предмети.
Австриските разузнавачки служби истражуваат голем број закани. Австриската државна железничка компанија одби да ги коментира извештаите.