Свет
Израелците го убија лидерот на Исламскиот џихад: 25 лица, меѓу кои и жени и деца, загинале во акцијата
Водачот на Палестинскиот исламски џихад (ПИЈ) Али Гали е убиен во израелски воздушни напади во Појасот Газа, соопшти израелската армија.
И додека сирените во јужен Израел алармираа поради ракетен напад од таа палестинска енклава, Израел нападна цели поврзани со ПИЈ. Во израелската операција која трае од вторникот, загинаа 25 лица, меѓу кои и жени и деца.
Палестинските милитанти претходно истрелаа стотици ракети на израелска територија, а сирените се слушнаа во областа Тел Авив за првпат од август минатата година. Наводно, некои куќи на југот на Израел биле уништени. На пат кон прифатилиштето се повредени и неколку лица. Израелската војска објави на Твитер дека Гали е централна фигура во палестинскиот исламски џихад и одговорен за неодамнешните ракетни напади врз Израел.
Тој е командант на ракетната единица на военото крило ПИЈ. Тој е четвртиот висок командант на исламистичката група убиен во последните денови во израелските воздушни напади врз Појасот Газа. Палестински исламски џихад е милитантна група поддржана од Иран која дејствува заедно со Хамас во палестинската енклава.
Израелската армија објави дека нападнала 158 цели во Газа, додека за седум дена Палестинците истрелале 523 проектили кон Израел. Израелската воздушна одбрана пресретнала 96 отсто од истреланите ракети. Израелската армија наведува и дека повеќе од сто ракети не биле испукани правилно и дека загинале четворица Палестинци, меѓу кои и 10-годишно девојче. Исламскиот џихад тврди дека тоа не е точно.
Во вторникот, израелските воздухопловни сили убиле уште тројца високи членови на Исламскиот џихад во целни напади во Појасот Газа. По тој напад, израелскиот министер за одбрана Јоав Галант изјави дека израелската армија го збришала раководството на милитантната палестинска организација.
Во меѓувреме, Египет се обидува да посредува меѓу двете страни, но напорите за смирување на ситуацијата засега се неуспешни, изјави египетскиот министер за надворешни работи Самех Шукри. Египет беше домаќин на функционерот на ПИЈ, Мохамад ал-Хинди и уште двајца членови на исламистичката група во Каиро, како и странски дипломат за разговори за прекин на огнот.
„Не сме подготвени да ги прифатиме налудничавите барања на палестинскиот исламски џихад. Одвреме-навреме мораме да започнеме ваква акција, а токму тоа успешно го спроведоа израелските одбранбени сили (ИДФ) и разузнавачката агенција Шин Бет“, рече Јули Еделштајн, претседател на израелската парламентарна комисија за надворешни работи и одбраната. И во блокираната Газа и во блиските израелски градови, училиштата, продавниците и другите бизниси се затворени.
Израел ги освои Газа, Западниот Брег и Источен Ерусалим, област која Палестинците ја сакаат за своја посебна држава, во шестдневната војна во 1967 година против Египет, Јордан, Сирија и Ирак. Потоа беа окупирани Синај и Голанската висорамнина. Израелската армија го напушти Синај во 1882 година, Газа во 2005 година, додека Западниот Брег и Голанската висорамнина сè уште се под нејзина јурисдикција. Преговорите за палестинска држава се замрзнати од 2014 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Унгарија ќе увезува американски гас: „Ова е ново златно доба на соработка со САД“
Унгарија денес објави дека потпишала петгодишен договор за снабдување со гас со американската енергетска компанија „Шеврон“.
Новиот договор, потпишан од „Шеврон“ и унгарската јавна енергетска компанија „МВМ“, предвидува испорака на 400 милиони кубни метри течен природен гас годишно во текот на следните пет години, изјави унгарскиот министер за надворешни работи, Петер Сијарто, на заедничка прес-конференција со заменик-секретарот за енергетика на САД, Џејмс Денли.
Сијарто го поздрави новото „златно доба“ на соработка меѓу двете земји, пишуваат медиумите во регионот.
Унгарскиот премиер Виктор Орбан минатиот месец на средбата со рускиот претседател Владимир Путин вети дека ќе продолжи да увезува руски фосилни горива, и покрај планот на ЕУ да го забрани увозот на руски гас до крајот на 2027 година.
Фото: депозитфотос
Регион
ГП Евзони блокиран поради протестот на грчките земјоделци
Денеска во 18:00 часот поради протестот на грчките земјоделци, ГП Евзони е блокиран за сите видови на сообраќај за влез во Р. Грција, соопшти АМСМ.
Од таму додаваат дека граничниот премин за излез од Грција работи само за тешки моторни возила.
Свет
Mакрон најави зголемување на казните за корисниците на дрога
Претседателот на Франција, Емануел Макрон, денес во Марсеј објави дека казната за употреба на канабис или кокаин ќе се зголеми од 200 на 500 евра.
Со оваа мерка, рече тој, сака да ги погоди паричниците на оние што купуваат дрога и на тој начин ги хранат мрежите за дрога, објавува телевизијата BFM.
За време на разговорот со читателите на весникот „Прованс“, Макрон го изрази своето незадоволство од младите жртви на дрога и луѓето што одат да набават дрога „како за забава“.
Тој нагласи дека секое лице што користи дрога мора да разбере дека придонесува за уништување на градовите и населбите.
Казната за корисниците на дрога беше воведена во 2020 година за да се олесни работата на судовите и да се префрли фокусот на борбата кон криминалните мрежи.
Оваа мерка се однесува на лица со максимум 10 грама кокаин или 100 грама канабис.
Претседателот на Франција, исто така, најави адаптација на борбата против мрежите за дрога, вклучително и следење на дилерите на социјалните мрежи, кои станаа нови места за трговија.
Тој повика на промена на европските правила за да се овозможи онлајн дилерите да бидат гонети, а мрежите да бидат повикани на одговорност.
„Нема да попуштиме, мора немилосрдно да притискаме“, рече Макрон, потврдувајќи дека целта е да се нападнат „шефовите на нарко мрежите“, вклучително и оние што работат од странство.
Макрон, исто така, ги истакна новите затвори со висок степен на безбедност со „апсолутно невидени нивоа на надзор“ и призна дека дилерите ќе продолжат да реагираат и да заплашуваат како што борбата се интензивира, пренесува Танјуг.
Фото: депозитфотос

