Спорт
Тејтум избори мајсторка за Бостон против Филаделфија
Бостон Селтикс со брејк во Филаделфија изборија мајсторка против Филалделфија за пласман во финалето, во Источната конференција. Селтикс шестиот натпревар од оваа серија го добија со 95:86.
Бостон Селтикс имаа предност во втората четвртина од 16 поени, меѓутоа катастрофално го одиграа третиот период, дозволија Филалделфија да се врати во натпреварот. Во првите три четвртини, најдобриот играч на Бостон, Џејсон Тејтум погоди само еден шут од поле (1/13).
На шест минути до крајот на мечот Филаделфија имаше два поени предност, но до крајот домаќините постигнаа само три поени. На спротивната страна се разбуди Тејтум постигна четири тројки со кои Селтикс забележаа победа.
Најефикасен кај Бостон беше Маркус Смарт со 22 поени и по 7 скока и асистенции, а Џејсон Тејтум додаде 19 поени (5/21 од поле), девет скока и шест асистенции. Џејлен Браун додаде 17, а Малколм Брогдон 16 поени кај гостите од Масачусетс.
Џоел Ембиид и Тајрис Макси постигнаа по 26 поени кај домаќините. Камерунецот, актуелниот МВП на лигата, шутираше 9/20 од поле, а имаше и 10 скока, 3 блокади и 4 загубени топки. Џејмс Харден постигна скромни 13 поени, со уште поскромен учинок кога е во прашање шутот од поле – 4/16. Тој имаше и седум скока, девет.
Очигледно е дека кога станува збор за Филаделфија, клучот на серијата е Џејмс Харден. Поранешниот МВП повторно забележа бледа партија. Во трите порази во оваа серија „Брадата“ од поле шутира 9/44, а во победи е 37/61.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Спектакуларен пресврт на Брајтон против Тотенхем од -:2 до 3:2
Фудбалерите на Брајтон со спектакуларен пресврт славе победа над Тотенхем во 7.коло во Премиер лигата. „Галебите“ губеа на полувреме со 0:2, на крајот славеа победа со 3:2.
Како што покажа резултатото првиот дел апсолутно им припадна на фудбалерите на Тотенхем. Постигнаа два гола преку Џонсон во 23. и Медисон во 37.минута.
Домашните се разбудја во вториот дел и за само 18 минути направиа целосен пресврт. Резултатото го намали Минтех во 48., изедначи Рутер во 58, а целосен пресврт направи Велбек во 66.минута.
Брајтон се шести на табелата со 12 поени, Тотенхем имаат два бода помалку и се на деветтото место.
Спорт
(Видео) Ајнтрахт во 94.минута освои бод против Баерн
Фудбалерите на Ајнтрахт Франкфурт одиграа нерешено со Баерн Минхен во 6. коло од Бундес лигата.
Франкфурт и Баерн натпреварот од 6. коло го завршија со резултат 3:3, а домаќинот имаше повеќе причини да го слават нерешениот резултат.
Израмнија во 94. минута од натпреварот, кога Мармуш го постигна својот втор гол на натпреварот.
Баварците во 15. минута преку Ким дојде до предност, а само седум минути подоцна одговори Ајнтрахт. кога Мармуш го постигна својот прв гол.
Потоа Мармуш му асистираше на Етиките, кој во 35. минута погоди за водство на Ајнтрахт од 2:1. До крајот на полувремето Упамекано. израмни.
Во продолжение Баерн направи пшресврт и по вторпат поведе. Тоа се случи откако Олисе ја затресе мрежата на Ајнтрахт во 53. минута од натпреварот.
До 94. минута Баерн имаше предност и одеше на победа, а потоа на сцена стапи Мармуш кој го растажи Баерн Минхен.
Спорт
(Видео) Јуанјтед ја продолжи лошата низа, Челси избегна пораз од „шумарите“
Попладневната сесија во Премиер лигата донесе два нерешени резултати. Челси и Нотингем Форест ремисираа 1:1, а без голови заврѓи натпреварот Астон Вила-Манчестер јунајтед.
По првото полувреме немаше голови на „Стенфорд Бриџ“, по само пет минути игра во второто полувреме гостите поведиа со голот на Крис Ву.
Водството на „шумарите“ траеше само седум минути, кога израмни Мадуеке по додавањето од Палмер.
На крајот, избраниците на Нуно Еспирито Сантос беа задоволни од освоениот бод бидејќи играа со играч помалку откако Џејмс-Вард Проуз беше исклучен во 78. минута.
Ремито ја прекина серијата на Челзи од три последователни победи.
Манчестер јунајтед ја продолжи слабата серија во првенството и воопшто од почетокот на сезоната. „Црвените ѓаволи“ одиграа 0:0 во Бирмингем кај Астон Вила.
По седум одиграни натпревари, избраниците на Ерик тен Хаг имаат само осум бодови и остануваат на 14. место. На последните пет натпревари, во сите натпреварувања, Манчестер јунајтед има четири нерешени и еден пораз.