Свет
Сенатори го обвинија Пентагон дека го попречува гонењето на Русија за воени злосторства
Неколку американски сенатори го обвинија Пентагон во четвртокот дека ефективно го поткопува гонењето на Русија за воени злосторства со блокирање на споделувањето разузнавачки податоци со Меѓународниот кривичен суд во Хаг, пренесува „Ал џезира“.
Американскиот сенатор Дик Дурбин на сослушувањето во Сенатот рече дека главниот обвинител на МКС, Карим Кан, му кажал дека американскиот Стејт департмент и Министерството за правда соработуваат, но дека Министерството за одбрана, под водство на секретарот за одбрана Лојд Остин, одбива да го стори тоа.
„Зошто не сакате да ги споделите доказите што ги собравме во САД преку Министерството за одбрана со оние што сакаат да му судат на Путин за одговорност за воени злосторства“, Дурбин го праша Остин.
МКС, постојан трибунал за воени злосторства, во март издаде налог за апсење на Путин под сомневање за депортација на деца од Украина, што би било воено злосторство.
Русија не е членка на МКС и ја отфрла нејзината јурисдикција. Од таму негираат дека руските трупи извршиле злосторства за време на конфликтот со Украина, што Москва го нарекува специјална операција за демилитаризација на својот сосед.
Исто како и Русија, и САД не се потписници на Римскиот статут на Меѓународниот кривичен суд.
Остин не даде детаљна одбрана на својата позиција на сослушувањето, на кое го повикаа да го следи законот донесен минатата година, со кој се дозволува меѓународна соработка за да се повика Русија на одговорност.
Но, тој потсети на загриженоста на американската војска дека каква било соработка со судот може да го отвори патот за политизирано гонење на американските војници распоредени во странство.
„Заштитата на американскиот воен персонал секогаш ќе ми биде приоритет. Ја поддржувам иницијативата да се повикаат Русите на одговорност, но, ќе повторам, загрижен сум поради можниот реципроцитет во иднина“, рече Остин.
Сенаторот Линдзи Греам истакна дека судскиот прогон на Путин и на Русите одговорни за воени злосторства ќе биде придобивка и за националната безбедност на САД.
На сослушувањето минатиот месец Греам го пофали Министерството за правда за соработката со Украина во напорите за гонење на Русија за воени злосторства, а жестоко го критикува Министерството за одбрана за попречување на таквите напори.
Портпаролот на Стејт департментот посочи дека САД поддржуваат низа меѓународни истраги и истраги за воени злосторства во Украина, меѓу кои и оние што ги спроведува обвинителот на МКС.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шумски пожар во популарно турско одморалиште: „Продолжуваме со воздушна и копнена интервенција“
Шумски пожар избувна во неделата во областа Лара во турското летувалиште Анталија, каде што се наоѓа хотелски комплекс, соопшти градоначалникот на градот, Мухитин Бејек.
„Продолжуваме со воздушната и копнената интервенција за гаснење на пожарот што избувна во шумската област во регионот Лара“, изјави тој на социјалната мрежа Икс.
Бејек додаде дека властите се во состојба на готовност поради зголемениот ризик од шумски пожари, истакнувајќи дека моменталната температура во Анталија е 36 степени. Претходно денеска беше објавено дека големи шумски пожари ги зафатија турските провинции Чанаккале, Измир и Ајдин.
Во провинцијата Чанаккале, пожар зафати земјоделско земјиште во регионот Езине. Спасувачите морале да ги евакуираат жителите на неколку села. Шумски пожари ги зафатија областите во близина на градовите Бурса, Едрене, Баликесир, Караман и Караманмарас.
Европа
(Видео) Украинците објавија невидени снимки од преземањето на Змискиот остров
Досега невидени снимки објавени вчера од Украинската служба за безбедност (СБУ) покажува како киевските сили пред две години зазеле клучен пункт во Црното Море. Украинските сили, заедно со агентите на СБУ, „спроведоа уникатна и исклучително важна операција“ на Змискиот остров во јуни 2022 година, се вели во објавата на СБУ во Телеграм.
Московските воени авиони го гаѓаа Змискиот остров во првите часови од инвазијата, која започна на 24 февруари 2022 година. Украинските војници стационирани на островот добија култен статус кога одговорија со пцости на барањето да се предадат.
Судирите меѓу руските и украинските војници за Змискиот остров повторно се најдоа на насловните страници во јуни истата година. Украинците ја презедоа контролата на островот, додека Русите најавија дека ќе се повлечат од островот.
Звільнення о. Зміїний: унікальні кадри воїнів СБУ
У червні 2022 року спецпризначенці ЦСО «А» СБУ разом із бойовими побратимами з ГУР МОУ та ЗСУ провели унікальну та надзвичайно важливу операцію.
Пам’ятаємо Героїв України, які віддали свої життя у цій битві.
1/3 pic.twitter.com/qtDOT8nNLg
— СБ України (@ServiceSsu) June 30, 2024
„Руските вооружени сили ги завршија задачите на Змискиот остров и се повлекоа“, изјави тогаш портпаролот на руското Министерство за одбрана.
Видеото на СБУ покажува како украинските војници се приближуваат до Змискиот остров и пукаат во цели. Камерите покажуваат и војници како слетуваат на островот и се пробиваат низ срушените згради додека пукаат со оружје, пишува Њузвик.
Операцијата „се состои од неколку фази“, соопшти СБУ. Тие додадоа дека повторното заземање на Змискиот остров „било од стратешко значење, бидејќи оттогаш почнало постепеното движење на непријателот од Црното Море“.
Кирило Буданов, шеф на украинската воена разузнавачка агенција (ГУР), претходно го опиша Змискиот остров како стратешки клучен од цивилни, комерцијални и воени причини. „Кој го контролира островот може во секое време да го блокира движењето на цивилните бродови во сите правци кон јужна Украина и да ја нападне западна Украина“, рече Буданов во средината на мај 2022 година.
Островот се наоѓа во близина на Романија во северозападниот дел на Црното Море. За време на војната, Украина ја ослабе руската Црноморска флота, која делумно оперира од руската база Севастопол, на западниот раб на анектираниот полуостров Крим.
Извештаите сугерираат дека Кремљ планира нова воена база во пристаништето Очамчире во Абхазија, отцепен регион на Грузија. Ова би ги ставило руските бродови уште подалеку од украинскиот брег. Западното разузнавање процени дека Русија веќе ја ограничила својата активност во северозападниот дел на Црното Море, преместувајќи ги своите бродови уште на исток во својата база во Новоросијск.
Регион
Избран е нов патријарх на Бугарската православна црква
Бугарската православна црква го избра митрополитот Даниил за нов патријарх и митрополит софиски.
Ѕвоната во храмот на Александар Невски во центарот на Софија го најавија изборот на новиот патријарх, кој доби поддршка од 69 делегати на црковниот собор, додека митрополитот Григориј беше поддржан од 66 делегати, пренесе агенцијата БТА.
Патријархот се избира доживотно, освен ако не се повлече.
На чело на Бугарската православна црква, Даниил Видински го наследи патријархот Неофит, кој почина во март на 78-годишна возраст, откако 11 години ја водеше црквата.
Новиот бугарски патријарх се смета за проруски настроен и тој застана на страната на Московската патријаршија во спорот со Вселенскиот патријарх во врска со независноста на Украинската православна црква, пренесе АП.
Даниил го критикуваше и протерувањето минатата есен на еден Русин и двајца белоруски свештеници обвинети за шпионирање за Москва.
Патријархот Даниил (52), роден Атанас Николов, студирал теологија во Софија, а потоа се замонашил во манастирот.
Тој припаѓа на првата генерација млади Бугари кои се приклучија на црквата по падот на комунизмот.
Филипче: Силно ќе се спротивставам на оние кои сакаат да ја ослабнат СДСМ и да ја видат на колена
Новоизбраниот претседател на СДСМ, Венко Филипче, во обраќањето до сопартијците се заблагодари за дадената поддршка. „Во СДСМ победи професионализмот, емпатијата,...
Победа на екстремната десница, голем пораз за Макрон, левицата итно подготвува нов план
Екстремно десничарската партија Национален собир на Марин Ле Пен победи во првиот круг од француските парламентарни избори, покажаа излезните анкети,...
Метежот на „Табановце“ е поради зголемениот безбедносен ризик од тероризам во Србија
Министерството за внатрешни работи ги известува граѓаните дека зголемениот временски период на чекање на ГП Табановце, за влез и излез...
(Видео) Пожари беснеат кај Атина, изгорени куќи, луѓето бегаат
Пожарникарите се борат со серијата шумски пожари во близина на Атина, а властите стравуваат од многу тешко лето во Грција....
„Филипче не е нов лидер, туку чувар на фотелјата на Зоран Заев“, велат од ВМРО-ДПМНЕ
„Венко Филипче со 9 илјади гласови, колку се потребни за советник во општина стана лидер на СДС. Еден Заев се...
Известувачите од Вимблдон за Макфакс прогнозираат: Синер фаворит, Ѓоковиќ во сенка, кај жените се е отворено
Од специјалниот известувач од Вимблдон Како и минатите години, така и оваа, известувачот на Макфакс и Топ спорт од Вимблдон,...
Метеж на „Табановце” и „Богородица”, се чека најмалку половина час
Сообраќајот на државните патишта се одвива непречено, по суви коловози, извести АМСМ. Интензитетот на сообраќај на патните правци надвор од...
Венко Филипче е избран за нов лидер на СДСМ
Венко Филипче, поранешен министер за здравство во владата на Зоран Заев, го презеде раководството и стана нов претседател на СДСМ....
Аврамовска-Мадиќ: 54 отсто од регистрираните членови гласале за претседател на СДСМ
Од вкупно запишаните во избирачкиот список за избор на претседател на СДСМ до 19:45 часот, излегле 12.608 или 54 проценти...
Деспотовски искажа забелешки за одвивањето на изборите за претседател на СДСМ
Кандидатот за претседател на СДСМ Јован Деспотовски по затворањето на избирачките места на вонредните внатрепартиски избори упати благодарност до партиските...
Уште еден хеликоптер на МВР се вклучи во борбата со големиот пожар кај Сушево и Злеово
Поради сериозноста и ризикот од пожарот кај с.Сушево и с. Злеово на гаснењето се приклучи и втор хеликоптер на МВР,...
Аврамовска-Мадиќ за изборот на претседател на СДСМ: До 14 часот, излезени се 6.706 избирачи или 28,61 отсто
СДСМ денеска на вонредни внатрепартиски избори избира нов лидер на партијата. Претседателката на Централната изборна комисија за избор на претседател...
Голем пожар кај Василево, се шири кон селата Сушево и Злеово
Пожарот на отворено кој вчера попладне започна на територијата на општина Василево се уште е активен, се разгорува и се...
Филипче: Мирно и со позитивен дух се одвива процесот на гласање на внатрепартиските избори за претседател на СДСМ
Целокупниот процес на гласање на внатрепартиските избори за претседател на СДСМ според информациите насекаде низ државата се одвива мирно, има...
Вучиќ најави уште апсења во Србија по вчерашниот терористички напад
Српскиот претседател Александар Вучиќ денеска изјави дека ќе има уште апсења во Србија, дека сега се проверува поврзаноста на сите...
Левица: Животната состојба во затворите е повеќе од загрижувачка и нехумана
Во затворот Идризово се случила масовна тепачка меѓу затворениците, а повеќе лица се здобиле со тешки телесни повреди, додека едно...
За 24 часа низ државава пожарникарите гаснеа 10 пожари на отворено
Центарот за управување со кризи (ЦУК) информира дека во последното деноноќие имало вкупно десет пожари на отворено и неколку помали...
СДСМ денеска на вонредни внатрепартиски избори ќе избира нов лидер на партијата
СДСМ денеска на вонредни внатрепартиски избори ќе избира нов лидер на партијата. Гласањето ќе се одвива на 77 избирачки места...
Планинар паднал во провалија, бил извлечен со хеликоптер, но во болница лекарите констатирале смрт
Центарот за управување со кризи информира дека денеска околу 12:30 часот на бројот за итни повици 112 вознемирен планинар пријавил...
Змија касна двајца мажи од Велес, префрлени се на Инфективна клиника во Скопје
Двајца велешани биле каснати од змија додека работеле на лозје вчераутро кај селото Војница. Откако им се влошила состојбата се...
