Спорт
Поради местење Шахтјор остана без шампионската титула во Белорусија
![](https://makfax.com.mk/wp-content/uploads/2023/05/1200x628.jpg)
Фудбалерите на Шахтјор од Солигорск со одлична серија на крајот од првенството во ноември минатата година ја освоија третата последователна титула на шампионот на Белорусија, четврта во клупската историја. Но, во четвртокот се појави информација според која како резултат на незаконски дејствија на овој клуб му се одземени дури 30 бодови, што значи дека на Шахтјор му е откажан статусот шампион.
Фудбалскиот сојуз на Белорусија дозна дека челниците на Шахтјор организирале местење натпревари и нуделе незаконски финансиски „стимули“ на другите тимови во лигата.
Освен казната од 30 бода за претходната сезона, на тимот од Солигорск му беа одземени и 20 бода во новата сезона, во која Шахтјор по седум кола беше на првото место.
Сепак, Шахтјор не е единствениот тим обвинет за незаконски активности. Казни добија и Енергетик-БГУ од Минск и Белшин од Бобруиск.
Лига „Вичјаја“, елитното ниво на белорускиот фудбал, стана позната за време на почетокот на пандемијата на корона вирусот, бидејќи беше единствената европска лига во која се играше професионален фудбал за време на „заклучувањето“.
За Шахтјор настапуваат црногорскиот интернационалец Милош Дринчиќ, како и поранешниот фудбалер на Војводина и Партизан, Доминик Динга.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Хрватска го дозна противникот во полуфиналето од квалификациите за ОИ
![](https://makfax.com.mk/wp-content/uploads/2024/07/Mario-Hezonja.jpg)
Противник на хрватската кошаркарска репрезентација во полуфиналето од квалификациите за Олимписките игри ќе биде Доминиканска Република.
Ова и официјално беше потврдено откако домаќинот Грција во последниот натпревар го победи Египет со 93:71. Хрватска во сабота од 20 часот ќе игра со Доминиканската Република.
Противникот на Хрватска на овој турнир не може да смета на неколку клучни играчи.
Во споредба со ланското Светско првенство, го нема центарот Карл-Ентони Таунс, ѕвездата на Минесота Тимбервулфс, како и Анхел Делгадо, исто така центар, кој игра за Галатасарај.
Недостига и Лестер Кињонес од Голден Стејт Вориорс.
Еден од предводниците на оваа репрезентација е 26-годишниот плејмејкер Андрес Фелиз, кој од следната сезона ќе настапува за Реал Мадрид, а тука е и Крис Дуарте, шутер кој настапува за Сакраменто Кингс во НБА лигата.
Во случај на победа над Доминиканската Република, Хрватска би се пласирала во квалификациското финале кое ќе се игра веќе во недела.
Нејзин противник би бил подобриот од дуелот Словенија и Грција.
Спорт
Бојан Богдановиќ во Бруклин
![](https://makfax.com.mk/wp-content/uploads/2024/07/bojan.jpg)
Њујорк Никс направи голема работа и се договори со Бруклин Нетс.
Њујорк Никс веќе имаат шампионски тим од универзитетот Виланова, бидејќи Џејлен Брансон, Џош Харт и Донте Дивиченцо ја делат соблекувалната, а сега ќе им се придружи и Мајкл Бриџис.
Играчот беше превземен од Бруклин Нетс во Њујорк Никс и сега целата зделка ќе биде завршена.
Според Шемс Чаранија, во се е вклучен и Бојан Богдановиќ.
Никс договорија тригодишен договор вреден 9 милиони долари со Малик Милтон, кој заедно со Бојан Богдановиќ ќе оди во Бруклин Нетс, а во Њујорк доаѓа Кеита Бејтс-Диоп, како и Мајкл Бриџис, кој е централна фигура на оваа размена.
Оваа година, поради големиот број повреди, Никс го пропуштија Источното финале кога беа поразени во седмиот натпревар во Медисон Сквер Гарден од Индијана Пејсерс.
Спорт
УЕФА жестоко го казни Демирал
Турскиот стопер Мерих Демирал е суспендиран од УЕФА поради истакнување на симболот на терористичка организација.
Мерих Демирал ги постигна двата гола во победата на Турција над Австрија во осминафиналето на Европското првенство, а натпреварот заврши со резултат 2:1.
Демирал ги прослави головите покажувајќи го поздравот на „Сивите волци“, односно симбол на десничарската екстремистичка идеологија, која во некои земји се смета за терористичка порака.
Демирал на тој начин доби казна за која сигурно нема да игра во четврт-финалето кое Турција ќе го игра в сабота против Холандија, а дури и да се пласира во полуфиналето неговата селекција нема да биде во тимот.
Стоперот ќе може да им помогне на своите момци само доколку Турција се пласира во финалето на Европското првенство, одлучи УЕФА.