Европа
Населението во ЕУ се намалува, откриваат новите податоци на Евростат

Бројот на жители во Европската Унија е намален за повеќе од половина милион во однос на 2020 година, покажуваат најновите демографски статистички податоци објавени од Евростат.
Извештајот на Евростат за демографија во Европа документира разни фактори што влијаат на животите на десетици милиони луѓе. Извештајот го открива негативниот ефект на жртвите од Ковид-19 врз населението во ЕУ прекинувајќи го годишниот раст забележан до 2020 година.
И покрај тоа што во 17 земји членки на ЕУ има апсолутен пораст на населението, седум земји го следат спротивниот тренд вклучувајќи го значителното намалување во Италија, Полска, Грција и во Хрватска.
Годишната демографска статистика има цел преку голем број клучни метрики да утврди како се развива населението во регионот. Еве некои од најважните сегменти од најновиот извештај.
Бројот на жители во ЕУ на 1 јануари 2022 година бил 446,7 милиони, што е благо намалување во споредба со истиот ден во 2021 година, но во споредба 2020 година ЕУ сега има 585.000 помалку жители.
Популацијата на ЕУ растеше на годишно ниво до јануари 2020 година, а потоа почна да го зголемува негативниот тренд, кој им се припиша на жртвите предизвикани од пандемијата на Ковид-19.
Извештајот на Евростат покажува дека ЕУ забрзано старее: повеќе од една петтина од жителите на ЕУ сега се на возраст од 65 или повеќе години. Со пристап до подобри здравствени установи уделот на лицата постари од 80 или повеќе години речиси се удвои во 2022 година во споредба со 2002 година.
Од друга страна, забележано е намалување на популацијата помлада од 20 години, што значи зголемување на средната возраст на жителите на ЕУ.
Просечната возраст во ЕУ во 2022 година беше 44,4 години, што е зголемување од речиси шест години во споредба со бројките пред 20 години. Додека Италија имаше највисока средна возраст меѓу земјите членки со 48 години, Кипар остана на дното со 38,3 години.
Врз основа на најновите податоци за очекуваниот животен век, жените во ЕУ живеат подолго од мажите. Иако севкупниот животен век се намалил за 1,2 година помеѓу 2019 и 2021 година, бројките покажуваат дека жените живеат 5,7 години подолго од мажите.
Очекуваниот животен век при раѓање кај жените беше 82,9 во 2021 година во споредба со 77,2 за мажите.
Вкупниот просечен животен век се зголеми од 77,6 години во 2002 година на 80,1 во 2021 година поради факторите, како што се намалувањето на смртноста на доенчињата, зголемувањето на животниот стандард, подобрениот начин на живеење, подоброто образование и напредокот во здравството и медицината, кои ги одложуваат предвремените смртни случаи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
(Видео) Русија: Украина го нападна нашиот брег на Црното Море

Русија во петокот објави дека Украина го нападнала нивниот брег на Црното Море во близина на Сочи со ракети и беспилотни летала.
Градоначалникот на Сочи, туристичка дестинација на источниот брег на Црното Море, објави дека украинскиот напад е запрен.
Tourists in Sochi spent the night sheltering in basements and car parks as waves of unknown drones hit the area, reportedly targeting a nearby oil refinery near Adler, the southern district of Sochi close to the Abkhazian border.
The mayor claims a missile attack was repelled,… pic.twitter.com/yxdGxmAGLI
— Shaun Pinner (@olddog100ua) October 17, 2025
Жителите на градот, кој беше домаќин на Олимписките игри во 2014 година, објавуваа на социјалните мрежи за тревогите и експлозиите. Градоначалникот ги повика луѓето да ги избегнуваат плажите и крајбрежните области и да побараат засолниште.
Локалните медиуми објавија дека сообраќајот на меѓународниот аеродром во Сочи е привремено запрен. Нема непосредни извештаи за штети.
Руското Министерство за одбрана соопшти дека 32 украински дронови биле пресретнати над Кримскиот полуостров.
Burning oil depot in #Hvardiyske – view from the highway near #Simferopol 🔥🔥🔥 pic.twitter.com/X4z4t82WLK
— Aurora Borealis 🤫 (@aborealis940) October 17, 2025
Службениците изјавија дека немало штета на електраните или прекини во снабдувањето со електрична енергија.
Германската новинска агенција ДПА цитира непотврдени извештаи и видеа на социјалните мрежи дека голем објект за складирање нафта во Симферопол, Крим, бил погоден.
фото: принтскрин
Европа
(Видео) Експлозија во станбена зграда во Букурешт: две лица загинаа, 12 сповредени

Силна експлозија потресе осумкатна станбена зграда во Букурешт.
Bucharest, Romania, Now pic.twitter.com/1a4cNKXVlY
— Musat Sorin Mihai (@sorinmihaimusat) October 17, 2025
Според првичните извештаи од властите во романската престолнина, две лица загинаа, а 12 други се хоспитализирани, објави „Ројтерс“.
An explosion occurred in a residential building in Bucharest, destroying several apartments on the 5th and 6th floors.
Authorities in the Romanian capital confirmed that two people were killed, while another 12 were hospitalized, according to preliminary reports. pic.twitter.com/rxPsE1wIaM
— NEXTA (@nexta_tv) October 17, 2025
Експлозијата искрши прозорци во блиското средно училиште и уништи неколку станови на петтиот и на шестиот кат од зградата.
фото: принтскрин
Европа
Путин го свика Советот за безбедност на Русија по разговорите со Трамп

Рускиот претседател Владимир Путин свика состанок на моќниот Совет за безбедност на Русија по телефонскиот разговор со американскиот претседател Доналд Трамп, објавија денес руските новински агенции повикувајќи се на помошникот на Кремљ, Јуриј Ушаков.
Според Ушаков, Путин детаљно ги информирал членовите на Советот за безбедност за разговорот со Трамп.
Трамп и Путин се согласија в четврток да одржат уште еден самит за војната во Украина, изненадувачки потег што дојде откога најавата за нова американска воена поддршка за Киев предизвика загриженост во Москва.
Во Русија, Советот за безбедност е клучно тело за донесување одлуки за најважните прашања за националната безбедност на Русија.
фото: принтскрин