Спорт
Јунајтед ќе бркаат топ 4 без Рашфорд?

Менаџерот на Манчестер јунајтед, Ерик Тен Хаг потврди дека Рафаел Варан ќе се врати во составот за мечот против Вулверхемптон во сабота, но признава дека е можно Маркус Рашфорд да отсуствува во последните четири меча од сезоната, клучни за пласман во топ 4 и во Лигата на шампиони.
„Рафа Варан се враќа, но Рашфорд е неизвесен. Тој има проблем, повреда на ногата. Имаме играчи кои можат да постигнат голови и сега ќе имаат шанса да го направат тоа“, вели Тен Хаг.
Манчестер јунајтед имаат најмалку постигнати голови во топ 7 екипите во Премиерлигата, Рашфорд е најдобар стрелец со 29 гола во сите натпреварувања. Други опции на Тен Хаг во нападот се Антони Марсијал и Вут Вегхорст.
По поразите од Брајтон и Вест хем, Јунајтед се четврти со само поен предност пред Ливерпул, но имат меч повеќе. Ливерпул, од друга страна, имаат шест победи во низа.
„Имавме недела пауза да се опоравиме, да ја вратиме енергијата која ни недостасуваше во последните два меча. Ситуацијата е во наши раце и секогаш е добро да не зависиш од другите“, додава Тен Хаг.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Вест Хем го потпишаа Матеус Фернандес

Вест Хем официјално го потврди можеби најскапото засилување во историјата на клубот.
Бразилскиот играч од средниот ред Матеус Фернандес пристигна од Саутемптон за фиксна сума од 44.000.000 евра. Но, со бонуси, трансферот би можел да порасне на 51.000.000 евра, што би бил нов клупски рекорд.
Најскапиот трансфер на Вест Хем досега беше Себастијан Але од Ајнтрахт за 50.000.000 евра.
Тој одигра 46 натпревари, постигна четири гола и забележа седум асистенции за Саутемптон во последните две сезони.
Foto/ West Ham
Спорт
Фенербахче му врачи отказ на Жозе Мурињо

Жозе Мурињо повеќе не е тренер на Фенербахче, потврди клубот. Одлуката е донесена откако турскиот гигант не успеа да се пробие во Лигата на шампионите, по што соработката беше прекината. Фенер се збогува со португалскиот стручњак на социјалните мрежи и му се заблагодари за соработката.
Мурињо пристигна во Фенербахче во јули минатата година и го водеше клубот во вкупно 62 натпревари со сооднос од 37 победи, 14 нерешени и 11 порази. Тој не успеа да освои трофеј со Фенер, заврши на второто место во турското првенство, а беше елиминиран во четвртфиналето на домашниот Куп. Минатата сезона стигна до осминафиналето во Лигата на Европа, каде во два драматични натпревари по изведувањето пенали доживеа елиминација од Глазгов Ренџерс.
Бидејќи доби отказ, значи не е постигнат споодбен раскин на договорот, Фенербахче на Мурињо ќе мора да му исплати оштета од 15 милиони евра.
Мурињо се споменува во англиските медиуми како иден тренер на Нотингем Форест. Португалскиот стручњак освои три титули во англиското првенство во два мандата на клупата на Челзи. Тој ги освои Лига купот и Лигата на Европа со Манчестер Јунајтед, а потоа помина низ тежок период во Тотенхем.
Заминувањето на тренерот Нун Еспирито Санто (51) од Форест се споменува сè повеќе откако тој призна дека има нарушен однос со сопственикот Евангелос Маринакис.
Foto/ EPA/RODRIGO ANTUNES
Спорт
Симонс го чекаа во Челси, тој потпиша за Тотенхем

Тотенхем му го направи на Челзи она што го доживеа на своја кожа од Арсенал, кога соседите им го украдоа Ечебери Езе. Чави Симонс, кој неколку недели се поврзуваше со Челзи и се чинеше дека работата е завршена кариерата ќе ја продолжи во Тотенхем.
„Чави Симонс, холандскиот офанзивен играч од средниот ред, ги помина медицинските прегледи пред да потпише за Тотенхем. Англискиот клуб ќе му плати 60 милиони евра на Лајпциг за 22-годишникот“, објави Дејвид Орнштајн, новинар на „Атлетик“.
Симонс некогаш чудо од дете од школата на Барселона, во кариерата играше за ПСЖ и ПСВ пред да пристигне во германскиот клуб за кој постигна 22 гола и забележа 24 асистенции во 78 натпревари.
Симонс треба да ја пополни дупката во офанзивниот дел на Тотенхем, која настана со заминувањето на капитенот Сон и тешката повреда на најкреативниот играч во тимот, Џејмс Медисон.
Foto/ EPA/Filip Singer