Спорт
Алонсо: Можеме да забележиме една или две победи
![](https://makfax.com.mk/wp-content/uploads/2023/05/1247786001.0.jpg)
Возачот на Астон Мартин, Фернандо Алонсо, верува дека може да победи на една Формула 1 трка оваа сезона и ја истакна трката за Големата награда на Монако како најдобра можност.
Двократниот светски шампион одлично влезе во сезоната, на првите пет трки, четири пати го освои третото место, а Астон Мартин втор во конструкторскиот поредок зад шампионите Ред Бул.
Подиумот на Алонсо се слави речиси како победа, а по серијата добри резултати, 41. годишниот возач размислува за победа.
Запрашан дали може да забележи „една или две победи“ оваа сезона, Алонсо за „Скај спорт“ рече: „Мислам дека можам, да“.
На дополнителното прашање на која патека би можел да триумфира, Алонсо рече дека не знае.
„Изгледа дека имаме болид кој можеби не е најбрз на правците. Мора да го поправиме тоа, но ние сме многу добри во свиоците. Така, би рекол најбавните патеки во шампионатот, да речеме Монако, Будимпешта, Сингапур. Мислам дека на таков тип на патека во овој момент имаме најголеми шанси“, рече тој.
Алонсо е далеку пред тимскиот колега Ленс Строл, но не може сериозно да се натпреварува со возачите на Ред Бул, Макс Ферстапен и Серхио Перез. Холанѓанецот победи на три, а Мексиканецот пна две трки оваа сезона.
„Мислам дека на почетокот на годината подиумот беше неверојатен. Сега по четири подиуми, сакаме повеќе, барем второ место. Но, знаете, двата Ред Була се секогаш нескротливи и секогаш се супер-брзи. Ред Бул е посилен, побрз и секогаш бил извонредно сигурен, а двете возила ја завршуваат секоја трка“, рече Алонсо, кој досега има 32 победи во Формула 1.
Формула 1 шампионатот продолжува викендов, а трката за Големата награда на Емилија Ромања во Имола се вози во недела од 15 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Импресивната техника на рекордерот Нојер
На тимот на Џулијан Нагелсман пред почетокот на групната фаза, не му беше доделена улогата на фаворит.
Тие со својата игра покажаа дека тоа е неоправдано.
Спојот на младост и искуство, како и огромниот квалитет, како на теренот, така и на клупата, беа доволни за да се продолжи од првото место – иако Швајцарија се закани во последниот меч на турнирот.
Меѓутоа, секогаш кога нешто ќе тргне наопаку во добро наместената „машина“ на Нагелсман, постои „осигурувач“ за да спречи колапс на целиот систем.
Мануел Нојер, и покрај доцните играчки години, дури и за голман, покажа дека сè уште е еден од најдобрите голмани во Европа. А тимот може да се потпре на него кога ќе пропадне последната линија.
Дополнително, импресивната техника на Нојер е од големо значење за Германците кои инсистираат на игра на додавање, но и притискање на ривалите.
Конечно, не треба да се заборави дека Германија е домаќин на Европското првенство и ќе има феноменална поддршка и поголем број навивачи од било која репрезентација на секој меч до крајот на турнирот.
Не е ни чудо, ако Германците одат во финалето на ова големо првенство.
Спорт
Не ми веруваа кој сум !?
![](https://makfax.com.mk/wp-content/uploads/2024/06/jonatan.jpg)
Помошникот на селекторот на Словачка и легенда на Наполи, Марек Хамшик, раскажа анегдота во пресрет на осминафиналето на Европското првенство против Англија в недела во 18 часот.
„Има моменти кога луѓето не ме препознаваат. Се шетав пред некој ден и група македонски фанови сакаа да се фотографираат, но сакаа фотографијата да им ја направам јас.
Го сторив тоа и им кажав дека го познавам (поранешен) капитен на Македонската фудбалска репрезентација Горан Пандев.
Не ми веруваа, но потоа проверија на „Гугл“… После тоа ме препознаа, па заедно се фотографиравме“, раскажува 36-годишниот Хамшик, сега без препознатливиот „хирокан“ познат по своите играчки денови.
Спорт
Генерална проба пред Вимблдон
![](https://makfax.com.mk/wp-content/uploads/2024/06/JOKOVITS.jpg)
Во последниот меч пред почетокот на третиот Грен слем сезонава, најдобриот српски тенисер Новак Ѓоковиќ го победи Русинот Данило Медведев со 6:3, 6:4.
Ѓоковиќ беше многу подобар на мечот против Медведев отколку на мечот против Јаник Синер, каде се пожали дека не може да погоди ниту една дијагонала.
Еден брејк му беше доволен на Србинот за првиот сет.
Новак беше сигурен на својот сервис, доминантен и во долгите и во кратките поени.
Вториот сет беше забележително понеизвесен. Медведев со брејк го отвори сетот, но Новак одговори и израмни на 4:4.
Во следниот гем Ѓоковиќ имаше три врзани брејк топки, а третата успеа да ја претвори во брејк и да дојде до решавачка предност, која ја материјализираше во следниот гем и со тоа го доби овој меч.
Новак во првото коло на Вимблдон ќе игра против Чехот Вито Коприва