Европа
ЕУ се откажа од забраната за увоз на руски гас преку гасоводите
Новиот пакет-санкции што Европската Унија ги намени за Русија не предвидува забрана за испораката на руски гас преку гасоводи во Европа бидејќи на тоа се спротивставуваат земјите што се зависни од рускиот гас, пишува „Политико“.
„Според она што го слушнав, многу е малку веројатно дека ќе биде усвоен“, вели неименуван европски дипломат од земја во која минатата година беа прекинати испораките на гас од Русија.
Според него, на забраната за увоз силно се спротивставуваат земјите кои и понатаму остануваат зависни од испораките на гас од Русија. Изворот додава дека работата на новиот пакет-санкции на ЕУ е речиси завршена и дека оваа забрана, најверојатно, нема да биде вклучена во него.
Меѓу другите санкции во енергетскиот сектор за кои разговараше Западот, според пишувањата на „Фајненшл тајмс“ и „Обсервер“, е и забраната за испорака на нафта преку нафтоводот „Дружба“ од Русија до Германија и до Полска.
Дополнително, ЕУ смета дека е можно да им биде забранет пристапот до европските пристаништа на танкерите што превезуваат руска нафта и покрај санкциите.
Според „Ројтерс“, Западот ќе објави нови санкции против Русија на самитот на Г7, кој ќе се одржи од 19 до 21 мај во Јапонија.
Како што најави шефицата на Европската комисија, Урсула фон дер Лаен, новиот пакет-санкции може да опфати забрана за транзит на стоки од Европа преку Русија до трети земји и забрана за извоз на стоки во земји, кои може да ѝ испорачуваат на Русија производи што се под санкции.
Фон дер Лаен изјави во март дека ЕУ успеала да ја надмине зависноста од руските енергетски извори. Според нејзините податоци, Москва во период од осум месеци од 2022 година ја намалила испораката на гас во Европа за 80 отсто, но ЕУ можела да го компензира тоа.
Рускиот претседател Владимир Путин претходно истакна дека санкциите на западните земји воведени кон Русија се нелегитимни посочувајќи дека иако се обиделе, тие не успеале да ја уништат руската економија.
Коментирајќи го фактот дека Европа престана да купува руска нафта и гас, руските власти изјавија дека Русија ќе ги пренасочи испораките.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.
Европа
(Видео) Новиот шеф на НАТО ненадејно дојде во Киев, разговараше со Зеленски за планот за победа
Новиот генерален секретар на НАТО, Марк Руте, беше во ненајавена посета на главниот град на Украина, Киев.
Информациите за пристигнувањето на Руте во Киев ја објави портпаролката на НАТО, Фара Дахлалах, на социјалната мрежа „Икс“, каде што сподели линк од неговата прес-конференција со украинскиот претседател Володимир Зеленски.
Mark Rutte’s first visit as NATO Secretary General @SecGenNATO is to Ukraine, and this is truly significant. It immediately and clearly outlines the priorities, highlighting where the shared values of the entire Euro-Atlantic region are being defended right now. It also… pic.twitter.com/cknjtn7SsY
— Volodymyr Zelenskyy / Володимир Зеленський (@ZelenskyyUa) October 3, 2024
Дополнителни детали за посетата на Руте не беа веднаш објавени. Зеленски на „Икс“ напиша дека разговарале за неговиот план за победа.
Руте, поранешен холандски премиер, во вторникот ја презеде функцијата нов генерален секретар на НАТО на местото на Норвежанецот Јенс Столтенберг, кој ја предводеше алијансата во изминатата деценија.
Европа
(Видео) Се запали моторот на авионот на „Рајанер“ во Италија, патниците евакуирани
Патници се евакуирани од авионот на „Рајанер“, чиј мотор се запалил на летот Бриндизи – Торино во Италија.
Локалните медиуми јавија дека избувнал пожар на моторот на летот на „Рајанер“ со број 8826, кој требало да полета од градот Бриндизи на југот на Италија кон Торино на север. Од авионот се евакуирани 184 лица.
Ryanair Boeing 737-8AS aircraft (9H-QCB) engine caught fire at Brindisi Airport, Italy, nearly 200 passengers evacuated through emergency evacuation slides .
Flight FR8826 was preparing for take-off at Brindisi Airport in Italy when flames appeared from the Right engine.
The… pic.twitter.com/UBziP9pKf0
— FL360aero (@fl360aero) October 3, 2024
Италијанската противпожарна служба соопшти дека нема повредени. Исто така, беше наведено дека сите летови на аеродромот во Бриндизи се суспендирани.