Свет
Опозицијата во Турција ги оспорува изборните резултати
Турската опозиција поднесе жалби за наводни нерегуларности на илјадници избирачки места во Турција по изборите во неделата, на кои актуелниот претседател Реџеп Таип Ердоган оствари подобар резултат од очекуваното, пренесува „Ројтерс“.
Мухарем Екрек, висок функционер на опозициската Републиканска народна партија (ЦХП), изјави дека се забележани разни неправилности, од само еден лошо преброен глас до стотици такви гласови.
Тој рече дека ЦХП поднела приговори на 2.269 избирачки места за претседателските избори и на 4.825 избирачки места за парламентарните избори, кои исто така се одржаа во неделата.
Сепак, од опозициската партија се свесни дека приговорите веројатно нема да го променат резултатот од претседателските избори, во чиј втор круг на 28 мај силите ќе си ги измерат Ердоган и неговиот главен ривал Кемал Киличдароглу.
„Го следиме секој глас, дури и ако тоа не го менува конечниот резултат. На изборите во Турција имаше вкупно 201.807 избирачки места“, рече Екрек и додаде дека приговорите се поднесени во законскиот рок.
Претставниците на ЦХП ги повикаа младите гласачи да го поддржат нивниот кандидат во вториот круг тврдејќи дека првиот круг покажа дека Ердоган ја изгубил довербата што ја барал.
Партијата АКП на Ердоган и нејзините сојузници ги изненадија анкетарите и постигнаа стабилно мнозинство на парламентарните избори. На претседателските избори Ердоган освои 49,39 отсто од гласовите, а Киличдароглу 44,9 отсто, пренесе „Анадолија“.
Победата на Ердоган, веројатно, ќе му оди во прилог на официјален Кремљ, но ќе ја вознемири администрацијата на Бајден, како и многу лидери на европските и блискоисточните земји, кои имаа проблематични односи со него.
Анкетите во Турција традиционално се познати по тоа што не се премногу веродостојни, изјави неодамна истражувачот и соработник на Институтот за европски студии, Србољуб Пеовиќ, за „РТ Балкан“.
„Се очекуваше дека Ердоган ќе добие повеќе гласови бидејќи анкетите во Турција се доста несигурни. Тие имаат тенденција да изоставуваат одредени групи население, како што се дијаспората, бирократите и националистите, кои немаат доверба во анкетите. Добра лекција за тоа беа изборите во 2018 година кога анкетите промашија во речиси сите прогнози“, рече тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Израел ги напаѓа јужните предградија на Бејрут
Израелски воздушни напади ги погодија јужните предградија на Бејрут, при што е извршено најинтензивното бомбардирање на либанската престолнина откако Израел ја засили својата воена кампања против поддржаното од Иран – либанско шиитско движење Хезболах.
Во текот на ноќта силни експлозии одекнуваа низ различни делови на Бејрут, а небото беше осветлено со црвени и бели светла, како молњи, кои се гледаа од неколку километри.
Израелската армија соопшти дека нејзините воздушни сили извршиле „серија прецизни удари врз складишта за оружје и терористичка инфраструктура на Хезболах во реонот на Бејрут.“
Либанските власти сè уште не соопштија кои објекти биле погодени и какви штети предизвикале ракетите.
Регион
Дете најдено живо по два дена од поплавите во Јабланица под урнатините на семејната куќа
Продолжува борбата на голем број спасувачи за пронаоѓање на живите исчезнати лица по катастрофалната поплава што пред два дена се случи во Јабланица и во околните населени места.
Според официјалните информации, досега животот го загубиле 18 лица, а по голем број се уште се трага.
Сепак се појави и една добра вест, спасувачите пронашле дете под урнатините на неговата семејна куќа. Успеале да го извлечат и итно бил пренесен во болница.
Момчето било пронајдено под плочата тешка два тона која се срушила одозгора.
Европа
Поради планирање на терористички напад обвиненија добија трoјца тинејџери во Германија
Суд во германската провинција Северна Рајна-Вестфалија поднесе обвиненија против тројца тинејџери за планирање на терористички напад, пренесува ДПА.
Осомничените, на возраст од 15 и 16 години, беа уапсени во април за време на велигденските празници. Тие планирале напад во согласност со целите на терористичката група „Исламска држава“.
Обвинителството тврди дека тинејџерите ги разменувале плановите преку апликацијата „Телеграм“ и разговарале за напади во цркви и полициски станици.