Свет
(Видео) Ајкула нападна маж во кајак, на забавеното видео се гледа неверојатниот начин на кој се спасил
Рибарот Скот Харагучи бил нападнат од ајкула додека бил во својот кајак на Хаваи.
Харагучи, кој тогаш брзо реагирал, успеал да ја исплаши ајкулата со нога, објави „Скај њуз“.
„Ајкула! Ме нападна ајкула!“, се слуша како Харагучи вика по нападот.
На каналот Јутјуб напиша дека сè се случило толку брзо што не сфатил што точно се случило додека не го погледнал видеото дома.
– Не сфатив дека ја извадив левата нога од вода за да се заштитам од ударот и всушност со неа ја турнав главата на ајкулата – рекол тој.
Харагучи истакна дека ако од него се побара да го направи тоа повторно, дури и без ајкулата, тој не мисли дека би имал флексибилност.
– Имав многу лоша среќа што ме нападна, но многу среќа затоа што го снимив – изјави тој за локалната телевизија КИТВ.
Според Одделот за водни ресурси на Хаваи (ДАР), имало четири напади на ајкули во 2023 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Насилство на пропалестинските демонстрации во Берлин, полицијата употреби солзавец
На пропалестинските демонстрации во Берлин минатиот викенд, насилство избувна кога демонстрантите почнаа да ја гаѓаат полицијата со камења и шишиња, а полицијата одговори со солзавец.
По повод годишнината од смртоносниот напад на Хамас во Израел, полицијата распореди околу 2.000 свои членови поради најавените протести, пренесува „Берлингер Моргенпост“.
Во саботата пропалестинските демонстранти маршираа од Темпелхоф до Бранденбуршката порта, а во неделата беа одржани демонстрации во Кројцберг и Нојколн, пишува порталот ТРТ Ворлд.
Регион
Два земјотреси во Грција: Првиот удар 4,6 степени, а вториот 4,9
Два силни земјотреси утрово ја погодија Грција. Првиот беше со јачина од 4,6 степени според Рихтеровата скала, а вториот 4,9. Како што соопшти Европскиот медитерански сеизмолошки институт (EMSC), епицентарот бил островот Крит.
Првиот земјотрес се случил на длабочина од 10 километри, додава EMSC, а епицентарот бил на 40 километри југоисточно од градот Сити, кој има околу 9.000 жители.
Засега нема информации за жртви и материјална штета.
Регион
„Заедно до крај“: Сопружници беа пронајдени прегрнати под урнатините во Јабланица
Босна и Херцеговина на 4 октомври беше погодена од катастрофални поплави, кои однесоа човечки животи.
Тешка е ситуацијата во неколку градови во БиХ, но убедливо најтешка е во Јабланица.
Во екот на разорните поплави што ја погодија БиХ, особено е потресна приказната за брачната двојка Ирмела и Јасмин Чилиќ, чии тела прегрнати ги пронашле спасувачите под урнатините во Јабланица.
Тие останале еден со друг до крај, но за жал не можеле да се извлечат. Биле познати во нивната заедница како топли и грижливи луѓе, а нивната љубов и поврзаност послужија како инспирација за многу луѓе.