Македонија
Нема замрзнување плати, за Бесими – прифатлив е предлогот просечната плата да биде основица за пресметки
Предлогот на синдикалните организации просечната плата да се искористи како основица за пресметки со новата методологија за плати во јавниот сектор е прифатлив предлог за министерот за финансии, Фатмир Бесими. За примена на новото решение, министерот Бесими вели дека никогаш не кажал дека ќе се применува од следната година и вели дека се залага тоа што побргу да се донесе. Тој ги демантира шпекулациите за замрзнување на платите.
„Прочитав во некои портали замрзнување плати. Во никој случај такво нешто не е спомнато, напротив, ние во последните три-четири години постојано во целиот јавен сектор правиме движење на платите. Во образованието, во здравството, во безбедносните структури, во инспекторатите, во судството, во обвинителствата, значи секаде каде што е констатирана потреба, секоја година имало коригирање на платите нагоре и сега се гледа едно системско решение, кое ќе важи за сите. Тоа ќе го решиме сега со една методологија, која ќе важи за целиот јавен сектор, ќе има општ колективен договор и потоа по области, во зависност од комплексноста на работењето, ќе се одредат спецификите. И наш интерес е тоа решение што побргу да се постигне за да може во рамките на еден прифатлив период, во рамките на можностите, тоа конечно да се реши“, рече министерот Бесими и нагласи дека заедно со синдикатите разгледуваат три сценарија за платите во јавниот сектор.
Целта и на Министерството и на синдикатите, како што вели министерот, е да најдат решение со кое нема да има потреба на секои шест месеци да се преговара со синдикатите за покачување на платите, туку тоа да се решава во рамките на законот и колективниот договор на ист принцип како што се покачуваат минималната плата и пензиите.
Новото решение треба да понуди достоинствени плати за државната администрација и да не дозволи да се случи одливот на кадар што му се случил на Министерството за финансии, каде што платите интервентно биле зголемени за да се задржат вработените.
„За жал, во изминатите четири години 20 %, или над 170 вработени, го напуштиле Министерството за финансии. Тоа е сериозна бројка, на која ние мора да внимаваме. Буџетот и трезорот треба да имаат сервисирање, но, за жал, квалитетните си заминуваат. Платите во приватниот сектор за делот за финансии се со позначителна разлика. Затоа е најдено сегашното решение, кое како пракса го има и во други земји“, рече министерот Бесими.
Министерството за финансии нема да биде исклучено од новото системско решение. Министерот Бесими вели дека ќе важи и за нив еднакво како и за сите други ресори.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силниот ветер направи хаос во Скопје: паднати дрвја, оштетени возила, откачени лимови, искинати кабли од бандери
На Единствениот повикувачки број за итни случаи 112 во ЦУК добиени се повеќе пријави за штети и информации за опасности за граѓаните и околината, настанати од невремето во Скопје, што зафати дел од градот.
Настани поврзани со временската непогода која го зафати скопскиот регион:
Булевар Свети Климент Охридски, 66, Скопје (Пријава за паднато дрво врз жена на улицата, во близина на пекара Пастел);
Улица Скупи,бр.22, Скопје (Жици од висок напон, фрлаат искри поради невремето);
Улица Орце Николов, 132, Скопје (паднато дрво во близина на Вардар мебел кај Министерство за одбрана, оневозможен е сообраќајот);
Улица Партениј Зографски, 49, Скопје (паднато дрво врз бандера која паднала во двор);
Улица 51, 41B, Скопје (Добиена информација за паднати кабли од струја кои запалиле нискостеблеста шума трева и грмушки на улица 51 во место викано стопански двор(поег кон Галафарм);
Улица Орце Николов, 143, Скопје (откачен лим од зграда кој е ризичен да падне секој момент);
Улица Кеј Димитар Влахов, 19, Скопје (лимот на стара Комерцијална Банка е откачен и ќе удри или падне на ризично место сред улица);
Улица Борис Трајковски 18, Скопје (падната бандера се држи на кабли);
Булевар Мајка Тереза, Скопје (Паднато дрво кај кардиологија, нема материјални штети или повредени);
Улица Мајка Тереза, Скопје (паднато дрво врз „Форд Фокус“, поради невремето);
Улица Христо Татарчев 14, Skopje (паднато голево дрво од непознат вид врз бадера со кабли од струја ои искрат во моментот во населба Сопиште. Нема материјални штети во моментот.Нема повредени лица;
Булевар Јане Сандански, 52, Скопје (четири паднати дрвја поради невремето, локација Воен базен на патот према касарната);
Улица Јуриј Гагарин 4, Скопје, Козле (откачен лим од приватна куќа, постои опасност да падне и да повреди);
Булевар Видое Смилевски Бато, 30, Скопје (паднато дрво врз две возила и предизвикана материјална штета);
Булевар АСНОМ, 72, Скопје (Постои опасност да падне дрво од силниот ветер, се откорнува од земја);
Улица 12-та Македонска Бригада, Скопје (паднато дрво на улицата по која движат возила);
Булевар Видое Смилевски – Бато, Скопје (паднато дрво врз патничко моторно возило марка сузуки);
Улица 171, 2, Скопје (паднат кабел од невремето во уличката кај влез на паркинг на УКИМ.);
Улица Горноврановска, Скопје ( дрво закачено на бандера со кабли од струја и за кое постои опасност да падне врз гаража во близина. Во моментот нема регистрирани материјални штети или повредени лица);
Улица Душан Тасковиќ 42 Скопје (дрво липа е скршено и паднато врз друго дрво орев);
Локација: Амбуланта Колонија, Скопје (Пријава за скината жица од бандера која е падната во три двора на куќи);
Улица 4, 78, Ново Село, Скопје (падната гранка од дрво врз кабли од ЕВН);
Улица Мајка Тереза, 9, Скопје (паднат електричен кабел сред улица каде и е блокирано движењето во сообраќајот, локација после семафорите према Клиничкиот центар Мајка Тереза);
Улица Душан Тасковиќ, Скопје (паднато дрво, настанот е веќе пријавен);
Улица Жил Верн, Скопје (разлабавени три покрива на фабриката Славија);
Улица Горно Лисиче, 150, Скопје (бандера од ЕВН која е многу навалена и се плашат да не падне.);
Улица Париска, Скопје (паднато дрво каде е блокиран и третоарот, локација пред О.У Георги Димитров- ГУЦ);
Улица 1, 32, Скопје, Шуто Оризари ( прекин на електрична енергија);
Улица Тодор Чангов 52, 21, Скопје ( искрење на паднати кабли од бандера);
Улица Петре Георгиев, 69, Скопје ( Можност за пад на дрва); Булевар АСНОМ 2, Скопје (паднато дрво врз ограда);
Улица Васил Ѓоргов, 29A, Скопје (паднати дрвја и повлечени кабли од бандери на улицата) ;
Улица 3-та Македонска Бригада, Скопје (паднато дрво врз возило)
Улица 2 бр.68 а, Зелениково (скинати жици од ЕВН и поради тоа се без електрична енергија)
Улица Михаил и Ефтихиј, Скопје (можност за пад на дрво)
Улица Партениј Зографски, 46, Скопје (паднато дрво од приватен имот од дворот на пријавителот врз електричнит жици)
Булевар АСНОМ 8, Скопје (наведнато дрво (бор) со висина од 30 метри).
Улица 50-та Дивизија, 26, Скопје (паднато дрво врз друго дрво каде постои опасност да паднат во патеката каде се движат пешаци.)
Улица Анастас Коцарев, Скопје, Ѓорче Петров ( паднато дрво, орев, го попречува приодот на минувачите и возилата.)
Улица Јајце, 60, Скопје (бандера навалена во двор)
Од 112 добиена е пријава и за искинати кабли кои искрат од бандери кои се навалени кај ниските објекти во близина на бензинската станица на Макпетрол, извести ЦУК.
„Се наведува дека истите висат на околу 3 метри од земјата и преставуваат опасност по сообраќајот. Се наведува дека бандерите кои се во моментот навалени постои опасност да паднат со што дополнително се опасност по сите учесници во сообраќајот. Искинатите кабли се на улицата Црноризец Храбар, 34, во Скопје“, соопшти ЦУК.
Македонија
Пожар на потегот „Вардариште“ кон „Кванташки“
По пријава за пожар што се ширеше на потег „Вардариште“ кон „Кванташки пазар“, Скопје, близу мост „Близнак“, имаше опасност и по околните објекти поради брзината со којашто се ширеше и заради силината на ветерот, извести Центарот за управување со кризи.
„Тоа и се случи. На 112 беше добиена, за кратко врме и пријава за пожарот дека огнот ги зафатил и куќите на улицата „Димче Милошевски бр. 109, Скопје“, додаваат од ЦУК.
Македонија
Претседателот Гаши оствари средба со амбасадорката на Романија
Претседателот на Собранието на Република Северна Македонија, Африм Гаши, се сретна со амбасадорката на Романија, Моника Аксинте, со која заклучија дека двете земји во континуитет градат добри меѓусебни односи, кои се очекува да се надградуваат и во следниот период.
Претседателот Гаши истакна дека двете земји во годините наназад имаат многу заеднички точки. Тој посочи дека Северна Македонија може да искористи многу искуства од Романија, со оглед тоа што, како што рече, оваа држава го помина патот низ кој сега оди Северна Македонија во остварување на своите стратешки цели.
Заблагодарувајќи се за поддршката од Романија, како за веќе стекнатото членство на земјава во НАТО, така и за процесот на интеграција во ЕУ, претседателот Гаши нагласи дека за земјите кои претендираат на полноправно членство во Унијата е уште поважно во процесот на интеграција да ги усвојат европските вредности кои значат економски развој, почитување на човековите права, владеење на правото…
Амбасадорката Аксинте оцени дека Северна Македонија и Романија негуваат многу добри меѓусебни односи, без отворени прашања и дека соработката ќе продолжи во тој дух, како и поддршката за ЕУ-перспективите на земјава. Таа го поздрави и придонесот на нашата земја во рамки на НАТО, како и помошта за Украина наспроти руската агресија.
Соговорниците се согласија нашата земја успешно го заврши билатералниот скрининг во ЕУ. Исто така, заклучија дека двете држави добро соработуваат и на мултилатерален план, за што како пример ги посочија Меѓународната организација на франкофонијата и Процесот за соработка во Југоисточна Европа.