Регион
Истражување во Црна Гора: Милатовиќ е најпопуларен политичар
![](https://makfax.com.mk/wp-content/uploads/2023/05/Јаков-Милатовиќ.jpg)
Кога во Црна Гора би се одржале парламентарни избори следната недела, за движењето Европа сега (ПЕС) би гласале 29,1 отсто од граѓаните, покажува најновото истражување на Центарот за демократија и човекови права (ЦЕДЕМ), кое денеска беше претставено во Подгорица.
Истражувањето е спроведено од 1 до 14 мај на примерок од 1.003 испитаници.
За Демократската партија на социјалистите би гласале 24,1 отсто, за Демократскиот фронт 13,2 отсто, за Демократите 11,1 отсто, за Бошњачката партија 5,1 отсто и за Граѓанското движење 4,4 отсто. Претставничката на ЦЕДЕМ, Милена Бешиќ, вели дека ПЕС има најголем тренд на раст, а рејтингот на ДПС продолжува да паѓа.
Според резултатите од истражувањето, новоизбраниот претседател на Црна Гора и еден од лидерите на ПЕС, Јаков Милатовиќ, е најпопуларниот политичар во Црна Гора со просечна оценка од 2,78.
Втор најпопуларен политичар е лидерот на ПЕС, Милојко Спаиќ, со оценка 2,47, а трет е претседателот на Демократска Црна Гора, Алекса Бечиќ – 2,46.
На четврто место се актуелниот претседател на Црна Гора, Мило Ѓукановиќ, и премиерот на Црна Гора и лидер на Граѓанското движење УРА, Дритан Абазовиќ, со оценка 2,36.
Лидерот на Демократската народна партија (ДНП), Милан Кнежевиќ, е петти со просечна оценка 2,21, а на шестото место е Даниел Живковиќ, в.д. претседателот на Демократската партија на социјалистите (ДПС), со оценка 2,17.
Минималната оценка што може да се даде е еден, а максималната – пет.
Кога денес во Црна Гора би се одржал попис, мнозинството граѓани би се изјасниле како Црногорци (42,8 %), 32,8 % би се изјасниле како Срби, 8,7 % би се изјасниле како Бошњаци, а 4,9 % како Албанци, покажаа резултатите од истражувањето.
Според истото истражување, 46,7 отсто од граѓаните зборуваат српски, 36,4 отсто црногорски, 5,3 отсто босански/бошњачки и 4,2 отсто албански.
Премиерот на црногорската влада во технички мандат, Дритан Абазовиќ, денеска изјави дека не верува во истражувањата на јавното мислење, особено, како што рече, на она што денеска го презентира ЦЕДЕМ, според кое речиси третина од граѓаните (29,8 %) сметаат дека Црна Гора оди по погрешен пат.
Абазовиќ смета оти резултатите од истражувањето презентирани денеска, како што рече, имаат своја цел.
„Само да разјаснам една работа: мнозинството црногорски граѓани мислат дека земјата е на вистинскиот пат. Ниту нарачани истражувања на јавното мислење не може да го оспорат тоа“, рече Абазовиќ на состанокот на владата на Црна Гора.
Тој смета дека е неточна и констатацијата за доверба во владата.
„Имаме констатација за која мислам дека е неточна бидејќи гледав нешто друго, кое не е објавено. Но, објавеното кажува и дека речиси половина од населението ги поддржува напорите на владата на Црна Гора“, посочи Абазовиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
Земјотрес го погоди Крит
![](https://makfax.com.mk/wp-content/uploads/2023/08/zemjotres2.jpg)
Земјотрес со јачина од 3,8 степени според Рихтеровата скала го погоди Крит.
Земјотресот бил на длабочина од пет километри, а епицентарот на 73 километри од Ираклион.
Засега нема информации за жртви и материјална штета.
Регион
13-годишно девојче загина од гром на плажа на Халкидики
![](https://makfax.com.mk/wp-content/uploads/2020/07/Grcija-1.jpg)
Трагичен настан се случи денеска на Халкидики кога 13-годишно девојче го загуби животот откако го удри гром.
Трагичниот инцидент се случил околу 16:30 часот кога девојчето било на плажата Посеиди, на песокот, а според првите информации полесно е повредена и нејзината мајка.
Времето на Халкидики денеска е лошо со обилни врнежи од дожд, пренесуваат локални медиуми.
Полициската управа Касандра води прелиминарна истрага за инцидентот, пишуваат грчките медиуми.
Регион
Додик: Има ли некој што може да ги тргне бошњачките политичари од погрешен воз
![](https://makfax.com.mk/wp-content/uploads/2024/04/dodik-1.jpg)
Претседателот на Република Српска, Милорад Додик денеска изјави дека кога ќе се качите во погрешен воз сите постојки се погрешни и праша дали има кој да ги извади бошњачките политичари од тој воз.
„Има ли некој што може да им објасни дека Боно Вокс и „U2“ никогаш повеќе нема да свират бесплатно во Сараево, а CNN ќе го емитува концертот? Дека веста за резолуцијата за Сребреница не е објавена во ниту еден светски медиум. Дека Босна и Херцеговина никому не му е важна, освен луѓето што живеат во неа“, напиша Додик на социјалната мрежа Икс.
Дваесет години, посочува, се обидува да им објасни, а тоа ќе го покаже на претстојната средба во Мостар.