Спорт
Ф4 во Каунас: Олимпијакос – Монако и кошаркарското ел класико
Вечерва во престолнината на Литванија, каунас, започнува завршниот турнир на кошаркарската Евролига. За титулата, која до 21 мај ќе биде во сопственост на Анадолу Ефес, ќе се борат Олимпијакос, Реал Мадрид, Барселона и Монако. Монако е дебитант на завршните турнири, останатите три екипи играа и лани на завршниот турнир.
Завршниот турнир ќе го отворат од 17 часот Олимпијакос и Монако. Кошаркарите на Олимпијакос беа први на табелата, сезонава тие имаат четири победи против Барселона и Реал Мадрид, но ги загубија двата натпревари од Монако.
Второто полуфинале, исто како и лани е „Ел Класико“. Барселона, како и Монако, имаат скор од 3-3 со Ф4 тимовите во сезоната, додека Реал е единствен со негатива 2-4.
Олимпијакос 12. пат учествува на завршниот турнир, осум од нив изборија во изминатите 12 години, што доволно зборува за константноста на грчкиот великан.
Тие се само една од петте екипи кои ја одбранија титулата во новата ера на европската кошарка, тоа го направија во 2012 и 2013 година. Претходно тоа им успеа на Олимпија Милано во 1987 и 1988 година, Макаби во 2004 и 2005 година и Анадолу Ефес во претходните две сезони беше шампион во Евролигата.
Олимпијакос има осум победи и три порази во полуфиналето на Евролигата, а подобар од нив е само Макаби со учинок 10-2, а од играчите кои ја одбранија титулата во Евролигата во 2013 година останаа само Слукас и Папаниколау.
Противник во овогодинешното полуфинале е дебитантот Монако.Тимот на Саша Обрадовиќ во пет луди натпревари го елиминираа Макаби.
Монако е 29. тим што дошол на Фајнл-форот откако се игра во овој формат од 1988 година и тие се само третиот француски тим во историјата што дошол на завршниот турнир: Лимож со Божо Маљковиќ го освои трофејот во 1993 година, а Асвел во 1997 година, со Грегор Буњо на клупата не успеа да влезе во финалето.
Единствениот играч на Монако кој претходно играл на фајналфор е Мајк Џејмс и тоа во 2016 година како член на Басконија.
Второ полуфинале е реприза на ланското, кога во Белград играа Барселона и Реал.
Барселона без проблеми го победи Жалгирис, тимот во чија Арена ќе се одржи Фајнл-фор турнирот во 2023 година, додека по трилер од пет натпревари, Реал го совлада Партизан.
Барселона ја сака третата шампионска титула, во 2003 ја освои првата, во 2010 втората. Каталонците имаат шест порази во финалните натпревари.
Шарунас Јасикевичиус има шанса да стане само четвртиот човек со титулата во Евролигата и како играч и како тренер и да им се приклучи на Арменак Алачачан, Лоло Саинц и Светислав Пешиќ.
Ако го направи тоа, Шарас ќе стане единствениот човек што ја освоил Евролигата со три различни тима, бидејќи ја освоил како играч со Макаби и Панатинаикос.
Реал Мадрид е најтрофејниот тим во Евролигата и единствениот тим кој има повеќе титули во ова натпреварување од тренерот на Партизан, Жељко Обрадовиќ, откако десет пати ја освојуваше Евролигата.
Верувале или не, од тие десет освоиле само три во последните 35 години, во 1995, 2015 и 2018 година во Белград. Ова им е 12. настап на завршниот турнир, а претходно играа во 1993, 1995, 1996, 2011, 2013, 2014, 2015, 2017, 2018, 2019 и 2022 година.
Ако ја победат Барселона по 20. пат, ќе се борат за титулата, а ако победат таму, ќе го освојат 17. континентален трофеј бидејќи имаат 10 титули во Евролигата, четири пехари Сапорта, Купот Кораќ и Купот на УЛЕБ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Крај на сезоната за Едерсон – Херојот Ортега ќе брани во последното коло
Голманот на Манчестер сити, Едерсон, нема да може да им помогне на соиграчите во наредниот период поради мала фрактура што ја заработи на натпреварот со Тотенхем.
Бразилецот беше заменет по судир со стоперот на противничката екипа Кристијан Ромеро.
Во моментот кога беше заменер, Едерсон го искажа своето незадоволство од одлуката на тренерот Пеп Гвардиола.
Едерсон ја напушти играта во 69. минута, му го препушти местото Стефан Ортега, кој блескаше во преостанатиот дел од натпреварот и имаше голем придонес за победата на Сити.
Избраниците на Пеп Гвардиола го зазедоа првото место на табелата откако го совладаа Тотенхем со 2:0. Ортега, два пати го запре Дејан Кулушевски, а во 84.минута веројатно ја имаше одбраната на сезоната кога го запре ударот на Хјунг-Мин Сон во ситуација еден на еден при резултат 0:1.
Сити во последното коло ќе влезе со два бода повеќе од Арсенал. Во недела Сити ќе го пречека Вест Хем, а Арсенал ќе игра против Евертон.
Спорт
ФИФА најави ВАР-револуција
Џани Инфантино, претседателот на ФИФА најави големи промени на конгресот на светската фудбалска федерација во Бангкок.
„Ќе го развиеме и подобриме ВАР. Тој систем го користат 65 национални асоцијации, но сега ќе го подобриме. Создадовме базна технологија со помалку камери и без судии да одлучуваат, така што ќе биде достапен за секого и полесен ќе се имплементира. Тој систем веќе се тестира.
Ќе функционира така што тренерот на секоја екипа ќе има право двапати по натпревар да бара помош од ВАР. Доколку првичната одлука на судијата се смени по таквата барана проверка, тимот што ја побарал проверката повотрно ќе има право на две проверки. Доколку, пак, по ваквата барана проверка, ВАР ја потврди одлуката на судијата на теренот, тогаш екипата која ја побарала го губи правото на една проверка“.
Спорт
„Тајната шопинг-листа“ на Баерн вредна 323 милиони евра
Германскиот великан, Баерн Минхен за прв пат по 12 години заврши сезона без освоен трофеј. Баер Леверкузен стави крај на 11-годишната доминација на Баварците во германскиот шампионат. Во осминафиналето на Купот на Германија, Баерн, шокантно беше елиминиран од третолигашот Сарбрикен, додека Реал Мадрид го исфрли во полуфиналето на Лигата на шампионите.
Челниците на клубот од Минхен преговараат за останување на Томас Тухел, кој требаше да си замине на крајот од сезоната, но стана прва опција откако Чаби Алонсо, ЈулијанНагелсман и Ралф Рангник одбија да го преземат клубот.
Баерн според угледот што го има не смее да си дозволи уште една лоша сезона. „Билд“ пишува дека клубот ќе се обиде во летниот преоден рок да донсе седум фудбалери.
Списокот на играчи кои Баерн ги сака во летниот преоден рок, според „Билд“, и нивните вредности на „Трансфермаркт“:
1. Стопер: Џонатан Тах (28), Баер Леверкузен, 30 милиони евра
2. Лев бек: Тео Ернандез (26), Милан, 60 милиони евра
3. Централен играч за врска Френки де Јонг (27), Барселона, 70 милиони евра
4. Централен играч за врска Асан Уедраого (18), Шалке, 8 милиони евра
5. Централен играч за врска Амаду Онана (22), Евертон, 50 милиони евра
6. Крило: Крис Фирих (26), Штутгарт, 25 милиони евра
7. Офанзивен играч за врска Чави Симонс (21), ПСЖ, 80 милиони евра
„Трансфермаркт“, веб-страница специјализирана за проценка на вредноста на фудбалерите, проценува дека споменатата листа на играчи вреди вкупно 323 милиони евра. Секако, тоа не значи дека Баерн треба да плати токму толку за нив, туку зависи од преговори, клаузули и многу други работи.
Спортските директори на Баварците, Макс Еберл и Кристоф Фројнд, наводно ја составиле оваа листа, а „Билд“ исто така истакнува дека тоа не значи дека сите ќе дојдат бидејќи желбите зависат од тренерот, но и од евентуална продажба на сопствените играчи.