Свет
Ужас во Британија: Куче усмрти човек, па полицијата го застрела
![](https://makfax.com.mk/wp-content/uploads/2023/05/armed-police-shot-dead-dangerous-818787484.jpg)
Британската полиција застрела куче откако тоа нападнало човек и го усмртило.
Животното кое било опасно и надвор од контрола, жестоко нападнало маж во областа на Манчестер во Велика Британија, пренесува „Мирор“.
Полицијата го пронашла 37-годишниот човек со страшни повреди на главата и вратот и итно бил пренесен во болница. Мажот починал во раните утрински часови, потврди полицијата.
Полицијата на Манчестер соопшти дека вооружени полицајци биле распоредени за да се обидат да го контролираат кучето и ги користеле „сите достапни тактики за да го совладаат“ животното пред да биде застрелано, бидејќи тоа претставувало „значителен ризик“ за јавноста.
Дваесет и четиригодишен маж е уапсен под сомнение дека управува со опасно куче, кое излегло од контрола и нанело повреди кои резултирале со смрт.
„Прво, би сакал да изразам сочувство до најблиските на жртвата на овој напад. Нашите полицајци и нашите партнери моментално ги поддржуваат најблиските на жртвата во овој неверојатно тежок момент. Ние признаваме дека овој инцидент со право ќе предизвика загриженост во локалната заедница и би сакале да ја увериме јавноста дека ги истраживме сите можни начини за заштита на локалната заедница и животните” рече детективот Констабл Сајмон Херст.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Регион
11-годишно момче со велосипед падна од три метри висина на Калемегдан во Белград
![](https://makfax.com.mk/wp-content/uploads/2021/02/velosiped.jpg)
Единаесетгодишното момче вчера вечерта паднало од тврдината Калемегдан во Белград и се здобило со тешки телесни повреди. Како што пренесуваат српските медиуми, момчето возело велосипед во паркот Калемегдан и паднало од висина од три метри.
Белградската Итна помош соопшти дека со повреди момчето било пренесено во Ургентниот центар каде е задржано на лекување.
Европа
Без пратеници Роми остана Европскиот парламент
![](https://makfax.com.mk/wp-content/uploads/2022/04/evropski-parlament.jpg)
Со приближно 10 до 12 милиони жители во Европа, од кои околу шест милиони живеат во ЕУ, Ромите се едно од најбројните европски етнички малцинства. Сепак, во новиот состав на Европскиот парламент, избран минатата недела, првпат по 2004 година нема ниту еден европратеник припадник на ромската заедница.
Еден од најгласните застапници за правата на Ромите во Европскиот парламент досега беше Интергрупата за антирасизам и различности (АРДИ), чии цели се промовирање на расната еднаквост и информирање за проблемите со кои се соочуваат малцинствата. Без претставници на Ромите во ова тело, постои стравување од потенцијално поместување на приоритетите, како и намалување на сфаќањето на вистинските предизвици со кои се соочува ромската заедница.
Вклучувањето на претставниците на Ромите во процесот на одлучување би овозможил посеопфатно разбирање за потребите на заедницата, која има тешка историја низ целиот европски континент. Припадниците на ромската заедница се соочуваат со дискриминација низ цела Европа – 68 отсто од Ромите предвремено го напуштаат образовниот систем, а 80 проценти од нив живеат под прагот на сиромаштија.
Ваквите предизвици се вкоренети во стотиците години систематски предрасуди и социјална исклученост, кои продолжуваат да се одржуваат дури и до денес.
Една од земјите со процентуално најголема застапеност на Ромите во ЕУ е Романија. Според официјалните статистичките податоци 2,99 проценти од жителите на Романија се Роми, но според ромските организации реалната стапка на припадници на ромската заедница во земјата надминува осум отсто од вкупното население. Но, меѓу кандидатите за европратеници од Романија немаше ниту еден Ром, што е уште еден доказ за маргинализација на ромската заедница во земјата.
За споредба, унгарското малцинство кое сочинува 5,25 отсто од населението, освои два од вкупно 33-цата романски европратеници.
Отсуството на ромски кандидати за европратеници може да се припише на предизвиците со кои се соочуваат Ромите во политичкото мобилизирање, како поради систематското угнетување кое го одржува циклусот на сиромаштија во заедницата, така и поради бројните стереотипи кои ги спречуваат гласачите да се одлучат за ромските партии.
Свет
„Мамо, не те оставам“: oсумгодишно дете од Минесота убиено додека ја бранело мајка си од насилниот сопруг
![](https://makfax.com.mk/wp-content/uploads/2024/06/Minesota.jpg)
Осумгодишно дете од Минесота било убиено додека ја бранело мајка си од сопругот насилник, минатата недела, соопшти семејството на детето, пренесува Law and Crime.
Амир Демарион Харден починал на 9 јуни од компликации откако бил застрелан во главата и вратот на 6 јуни, се вели во соопштението издадено од Канцеларијата на медицинскиот преглед на округот Хенепин.
Според медиумот, на денот на пукањето, таткото на момчето, Денер Харден, бил ослободен од затвор откако платил кауција по обвиненијата за семејно насилство. Тој се вратил во семејниот стан бесен и се обидел да ја убие сопругата.
„Неговиот татко се обиде да ме убие, но мојот син беше застрелан поради мене. Амир се обиде да му го одземе пиштолот од рацете на татко му. Му викав да оди кај соседите. Тој одби и рече – мамо, не те оставам!“, напиша Чериш Едвардс“, ожалостената мајка на Амир.
Кога видел дека го застрелал синот, таткото си пукал во глава, велејќи пред тоа дека „случајно пукал“ во детето, изјави Едвардс. Мајката на момчето додаде дека четирите браќа и сестри на Амир биле сведоци на шокантното насилство.