Македонија
Инклузивна трка во Градски парк за поддршка на семејствата со лица со попреченост

Здружението Куќа на среќата и MAMA’S, во соработка со Сојузот на спотови на Град Скопје и Хуманитарната организација „Свети Спас“, денеска со почеток во 11 часот, на Школка во Градскиот парк, организираат хуманитарна штафетна трка „Заедно до целта“.
Организаторите информираат дека паричните средства што ќе бидат собрани ќе бидат наменети за подигнување на инклузивната свест и помош и поддршка за семејствата кои имаат лице со попреченост.
Во програмата ќе има инклузивна трка, инклузивен базар, скара, музички дел со пеачи од нашата естрада, забавен дел со многу награди и изненадувања и разни друштвени игри.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Непречен сообраќај по влажни коловози низ државата

Сообраќајот на државните патишта се одвивa непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Променливо облачно со повремени врнежи од дожд

Времето денеска променливо облачно со повремени врнежи од дожд, пообилни во источните делови (над 15 l/m2). Ќе дува слаб до умерен ветер од северен правец.
Минималната температура ќе биде во интервал од 4 до 10, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 16 степени.
Во сабота времето ќе биде променливо облачно со сончеви периоди и со услови за локална појава на нестабилност со пороен дожд, грмежи и засилен ветер.
Во недела ќе има брз продор на студена воздушна маса од север и врнежи од дожд, на планините и на повисоките места од снег.
Ќе дува засилен северен ветер, температурите значително ќе опаднат и врнежи од снег се очекуваат и во некои од пониските места.
Во понеделник наместа ќе провејува слаб снег, а утринските температури на повеќе места ќе бидат негативни.