Спорт
Дуро: Да го однесеме и вториот пехар во Струга
Новиот шампион Струга Трим Лум стигна до историски успех во првенството, но има можност и да ја удвои радоста со освојување на двојна круна. Тимот на Шпетим Дуро се наоѓа во финалето на Купот и денеска (17 часот) на комплексот на ФФМ ќе ги одмери силите со Македонија ЃП.
Тренерот на стружани очекува неговиот тим да ја искористи шансата да дојде и до вториот пехар оваа сезона.
„Чест и задоволство е да се игра, да се биде учесник, да се биде тренер во едно големо куп финале за една земја. И двете екипи според она што го покажаа досега во ова натпреварување и тоа како заслужија. Кога ќе се пласираш во едно финале значи имаш квалитет, тука нема никакви дилеми. Струга Трим Лум стана шампион, тоа за нас е голема работа, го донесовме пехарот во градот Струга. Ова за нас беше историски момент. Сега ни се дава шанса да дојдеме до двојната круна и ќе се обидеме да ја искористиме оваа шанса. Очекувам добар меч, добро финале, секако очекувам триумф на нашиот тим, на Струга Трим Лум“, изјави Шпетим Дуро.
Буњамин Шабани е еден од главните актери во тимот на Струга ТЛ, од него се очекува можеби да го реши и денешното финале. Тој верува дека неговиот тим може да го освои трофејот.
„Кога се игра еден ваков натпревар не ти треба дополнителна мотивација, значењето на самиот меч е доволно да те мотивира. Јас сум дел од најголемите успеси на Струга Трим Лум и затоа сум горд што пред некој ден станавме шампиони во првенството, сега на ред е двојната круна. Тимот од Ѓорче заслужува голем респект. Во првенството одигравме три меча и сите завршија без победник, веројатно тоа гарантира едно неизвесно финале. Сепак, ние сме шампиони и секако дека посакувам уште еден трофеј“.
Јубилејното 30. финале во Купот на Македонија ќе се одигра денеска, со почеток во 17 часот, на комплексот на ФФМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Јуве се уште нема победа во ЛШ, рутински победи на Тотенхем и Атлети, Олимпијакос се самоуништи против ПСВ
Одиграни се првите натпревари од четвртото коло во Лигата на шампионите. Ги обележаа дерби пресметките во Ливерпул и Париз. Ливерпул го победи Реал со 1:0, а ПСЖ загуби од Баерн со 1:2.
Јувентус и по четири рунди нема победа во Лигата на шампионите. „Старата дама“ одигра 1:1 со Спортинг во Торино и г забележа третиот нерешен резултат.
Јувентус губеше против Спортинг во Торино, Душан Влаховиќ израмни во 34-тата минута, но Старата Дама немаше сила за целосен пресврт.
Олимпијакос водеше против ПСВ се до 93-та минута, но холандскиот шампион успеа да избегне пораз со голот на американскиот интернационалец Рикардо Пепи.
Најубедливата победа на вечерта ја забележа Тотенхем против дански Копенхаген, иако во 55-та минута при резултат 2:0, стрелецот на водечкиот гол, Велшанецот Бренан Џонсон, доби директен црвен картон. Тотенхем и со играч помалку постигнаа уште два гола и Ришарлисон промаши пенал.
Во Мадрид, Атлетико беше подобар од белгискиот шампион Унион Сен Жилоа. „Јорганџиите“ со малку повеќе трд славеа над шампионот на Белгија, Хулијан Алварез погоди во првиот дел, потоа Галагаер ја зголеми предноста во 72-та минута. Но драма внесе Сајкс со голот во 80-та минута. Во 93-та минута Расмусен имаше голема шанса за 2:2, не ја искористи, а во следниот напад Љоренте ги постави конечните 3:1.
Значајна победа во Норвешка оствари Монако. Францускиот тим славеше минимално со голот на балагун во 43-та минута.
Спорт
(Видео) Непобедливиот Баерн го надигра ПСЖ
Баерн Минхен забележа победа на теренот на европскиот првак ПСЖ (2:1). Баварците ја продолжиа перфектната низа, победија на сите 16 натпревари од почетокот на сезоната.
Вистински ролеркостер е триумфот на Баварците на „Паркот на принцовите“.
Одиграа прво полувреме од сништата, во режија на Луис Дијас. Колумбиецот погоди во четвртата и 32-та минута кога ја искористи големата грешка на Маркињос. ПСЖ при 1:0 постигна гол, но ВАР го поништи бидејќи во офсајд беше Дембеле. Набргу поради повреда Дембеле ја напушти играта.
Во 45-та минута повторно Дијаз беше во глава улога. Ужасен старт врз Хакими, играчот на ПСЖ во солзи го напушти теренот, а Колумбиецот доби црвен картон, но дури откако судијата Маријани ја прегледа целата ситуација.
Очекувано, во втроиот дел, со играч повеќе, ПСЖ доминираше на теренот, но само успеа да го ублажи поразот со глот на Жоао Невеш.
Foto/ EPA
Спорт
(Видео) Мекалистер го реши дербито со Реал
Фудбалерите на Ливерпул го победија Реал Мадрид со 1:0 во четвртото коло од Лигата на шампионите.
„Црвените“ aпсолутно ја заслужија победата, создадоа поголем број шанси, но поголемиот дел од натпреварот немаа решение за Тибо Куртоа, кој беше неверојатен меѓу стативите.
Во првото полувреме, тој со одлични одбрани во два наврати ги запре обидите на Собослај и спречи водство на Ливерпул.
Домашниот тим бараше пенал кога топката го погоди Чуамени во раката во средината на првото полувреме, на крајот одлуката на Иштван Ковач ќе се прераскажува. Првично досуди слободен удар, а кога од ВАР собаа го повикаа да ја прегледа ситуацијата, бидејќи играчот на Реал беше во шеснаесетникот, ја повлече одлуката и му ја додели топката на Реал.
Ливерпул продолжи да напаѓа во второто полувреме, а голот на гостите постојано висеше во воздух. Куртоа имаше две одлични реакции кога момците на Арне Слот изведуваа корнери, прво се обиде Ван Дајк, потоа Екитике, но без успех.
МекАлистер го пронајде клучот за бравата на Реал. Собослај уфрли одлична топка, а нискиот Аргентинец се најде на вистинското место и успеа да ја испрати топката зад грбот на Куртоа.
What a finish from Alexis Mac Allister.
Been one of the best players on the pitch tonight, just like he was last season. Liverpool have deserved this goal.
— CounterPressers (@CounterPressers) November 4, 2025
Играчот од средниот ред го прослави голот во стилот на Александар-Арнолд, неговиот неодамнешен соиграч кој ова лето отиде во Мадрид.
„Кралскиот клуб“ можеше да израмни кога Винисиус остави повратна топка до Мбапе, но Французинот шутираше крај стативата.
Ливерпул ја пропушти шансата да ја зголеми предноста во финишот. Прво, Куртоа го одбрани ударот со глава на Гакпо, а во продолжението од акцијата, и Салах се закани, но Милитао спречи гол.

