Свет
„Волстрит журнал“: Џефри Епштајн го уценувал Бил Гејтс
Озлогласениот педофил Џефри Епштајн своевремено го уценувал коосновачот на Мајкрософт, Бил Гејтс, заканувајќи му се дека ќе ја обелодени нeговата вонбрачна врска со помлада жена, објави во неделата „Волстрит журнал“.
Епштајн открил дека Гејтс имал вонбраќна врска со руски играч на бриџ и платил за образованието на девојката пред да побара надомест од Гејтс во замена за неговото молчење.
Гејтс ја запознал Мила Антонова околу 2010 година, кога имал околу 55 години, а таа имала 20 и некоја година. Епштајн ја запознал Антонова три години подоцна и ѝ платил да посетува училиште за софтверско кодирање, а потоа во електронска порака до Гејтс во 2017 година му побарал да ги поткие трошоците за нејзината школарина, тврди весникот, цитирајќи луѓе запознати со проблематиката.
Трошоците за часовите за кодирање на Антонова биле неважни и за двајцата, а Гејтс не ги платил, велат изворите на „Волстрит журнал“ кои ја опишале пораката на Епштајн како алатка да му каже на Гејтс дека „знае за неверството и може да го обелодени“.
Во периодот кога ја испратил електронската порака, Епштајн неуспешно се обидувал да го убеди Гејтс да инвестира во добротворен фонд „тежок“ повеќе милијарди долари со ЈП Морган Чејс, пишува весникот, објаснувајќи дека „пораката имплицирала оти Епштајн ќе го обелодени неверството на Гејтс ако тој не ги одржува контактите меѓу двајцата мажи“.
Портпаролката на Гејтс ја потврди комуникацијата, наведувајќи дека Епштајн неуспешно се обидел да ја искористи врската од минатото на Гејтс за да му се закани.
Поврзаноста на Гејтс со Епштајн на крајот доведе до крај на неговиот 27-годишен брак со Мелинда Френч Гејтс во 2021 година. Една година по разводот од софтверскиот магнат, Мелинда изјави за Си-би-ес њуз дека врската на нејзиниот поранешен сопруг со Епштајн била една од многуте работи“што довеле до разделбата.
Епштајн и Гејтс се запознале во 2011 година, откако Епштајн веќе бил осуден за подведување дете за проституција. Според една статија на „Њујорк тајмс“ од 2019 година, тие двајцата се сретнале во повеќе пригоди, а Гејтс им кажувал на колегите дека го смета начинот на живот на Епштајн многу различен и интригантен, иако тоа не би функционирало за него.
Гејтс сега ја опиша својата врска со Епштајн како „грешка“ и изјави за Си-би-ес њуз дека требало да го послуша советот на својата поранешна сопруга и побрзо да ги прекине врските со злоставувачот.
Џефри Епштајн беше уапсен во 2019 година и обвинет за сексуална трговија со десетици малолетни девојчиња, но беше пронајден мртов во неговата затворска ќелија на Менхетен пред да биде изведен пред судење.
Неговата смрт беше прогласена за самоубиство, иако ова официјално објаснување беше дочекано со масовен скептицизам поради неговите блиски врски со богати и моќни личности, меѓу кои и поранешниот американски претседател, Бил Клинтон, актуелниот директор на ЦИА, Вилијам Барнс, и со британскиот принц Ендрју.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Се активираа сирените во Ерусалим по „лансирање од Либан“
Сирените за воздушен напад се огласија на периферијата на Ерусалим и окупираниот Западен Брег, според израелските апликации за предупредување.
Израелската војска соопшти дека тие биле предизвикани од „лансирање од Либан кон израелска територија“.
🚨Sirens sounded in the area of Jerusalem following a launch from Lebanon into Israeli territory🚨 pic.twitter.com/z7IALlaPRN
— Israel Defense Forces (@IDF) September 28, 2024
Видеа веќе се појавија на социјалните мрежи и на нив се слушаат звуци од сирените, а се гледа и чад.
BREAKING: Rockets fired from Lebanon hit the colonial Israeli settlement of Ma'ale Adumim, east of occupied Jerusalem. pic.twitter.com/wb0z3H939v
— Quds News Network (@QudsNen) September 28, 2024
BREAKING | Explosions heard in the vicinity of occupied Jerusalem. pic.twitter.com/6MS1HY6zbS
— The Cradle (@TheCradleMedia) September 28, 2024
Scenes from the Ma'ale Adumim settlement near Occupied Jerusalem pic.twitter.com/zwF50FrQGC
— Suribelle (@Syribelle) September 28, 2024
Според израелските медиуми, околу Ерусалим има целосно затемнување како резултат на ракетниот напад на Хезболах.
Повеќе детали очекуваме наскоро.
Свет
Нетанјаху: Насралах беше главниот мотор на иранската оска на злото
Бенјамин Нетанјаху даде изјава по убиството на лидерот на Хезболах Хасан Насралах.
Израелскиот премиер рече: „Државата Израел вчера го уби главниот убиец Хасан Насралах. Се пресметавме со одговорните за убиството на безброј Израелци и многу граѓани на други земји, вклучително и стотици Американци и десетици Французи. Насралах повеќе не беше терорист, тој беше терорист. Тој беше оската на оската, централниот мотор на иранската оска на злото“.
Регион
(Видео) Невремето во Србија направи хаос: се излеа Дунав, ветерот корне дрвја
Реката Дунав денеска се излеа во Бачка Паланка, во природниот парк „Тиквара“, додека на северот од Србија е забележан значителен пад на температурата и се предвидува невреме пропратено со врнежи и грмежи.
Имено, како што може да се види на видеата на социјалните мрежи, водата достигна такво ниво што од водата штрчат само чадори и улични светилки.
Како што соопшти денеска Републичкиот хидрометеоролошки завод на Србија (РХМЗ), облачност со врнежи од дожд, пад на температурата и умерен и засилен северозападен ветер најпрвин ја зафати Бачка Паланка, но потоа ќе се прошири и во остатокот од Војводина.
Студениот бран преку северот на земјата пристигна во Србија, каде во некои градови температурата беше околу 15 степени.
На граѓаните им се препорачува да ги преземат сите мерки за заштита на имотот, но и себеси поради предвиденото невреме.
Значителна промена на времето утре ќе има и во Македонија, најави Управа за хидрометеоролошки работи (УХМР).
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.