Спорт
Легендарниот Душебаев им се налути на противниците од Висла: Ако кажам сè ќе ме избркаат од државата
Кјелце успеа 12. пат по ред, а 20-ти во историјата да стане шампион на Полска во ракомет, откако во последното коло го совлада најголемиот ривал Висла од Плок со 27:24 (15:11).
Двата тима завршија со 75 поени, но Кјелце има подобра голразлика и подобар меѓусебен скор.
Играчите на Висла не им го честитаа трофејот на ривалите, а по натпреварот Талант Душебаев беше многу лут поради тоа.
„Тука сум десет години и навикнат сум да победувам, но кога лани го загубивме Купот на Полска, стоевме и им аплаудиравме на противниците од Висла. Тие денес едноставно си заминаа. Сабате (тренерот на Висла) Вишњевски, претседателот, сите… Имам молба, бидете спортисти до крај. Знам дека боли, но спортистите не се однесуваат така“, рече еден од најдобрите тренери на денешницата и истакна: „Доколку ја кажам целата вистина мислам дека утре би ме депортирале во Шпанија. Извинете за овие зборови, но така се чувствувам“, изјави легендарниот Душебаев.
Ова беше 181. победа во низа за Кјелце на домашен терен во првенството и доколку би останале непоразени и следната година, би можеле да стигнат до 200 победи во низа на домашен терен.
Досега за тоа време 25 пати ја победија Висла, а последен пат на домашен терен беа поразени во мај 2011 година, токму од Висла.
На крајот од натпреварот поради неспортскиот однос, играчите на Кјелце ги провоцираа ривалите со зборовите: „Побрзајте за да го избегнете сообраќајниот метеж“.
Hej @SPRWisla. 👋👀
Mamy nadzieję, że chociaż udało się korków uniknąć.— Barlinek Industria Kielce (@kielcehandball) May 21, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Познато е каде ќе се игра финалето на Евро 2028
Европското првенство во фудбал, кое ќе го организираат Англија, Шкотска, Велс и Ирска во 2028 година, ќе започне со натпревар во Кардиф, додека финалето ќе се одржи на Вембли, според британските медиуми.
Северна Ирска требаше да биде домаќин на следното ЕП, но се откажа од организацијата поради недостаток на финансиски средства. За разлика од претходните европски првенства, следното ќе биде посебно бидејќи сите домаќини ќе мора да се квалификуваат за него. Доколку успеат директно во ова, ќе имаат привилегија да ги играат сите натпревари од групната фаза на своите домашни стадиони.
Исто така е познато дека четвртфиналните натпревари ќе се играат во Кардиф, Даблин, Глазгов и на Вембли во Лондон, а легендарниот лондонски стадион ќе биде домаќин на и полуфиналните натпревари.
Шампионатот сепак ќе се одржи на стадионите на Манчестер Сити, Тотенхем, Астон Вила, Евертон и Њукасл.
Ждрепката за квалификациите ќе се одржи во Белфаст на 6 декември следната година, а бранител на титулата е Шпанија, која ја победи Англија во финалето на последното првенство во Германија. Европското првенство во 2032 година ќе го организираат заеднички Италија и Турција.
Спорт
Симеоне ќе остане во Атлетико до 2023 година
Џулијано Симеоне, заслужи и доби нов договор од Атлетико Мадрид. 22-годишникот и понатаму ќе соработува со својот татко Диего Чоло Сименоне, кој од декември 2013 година ги предводи „јорганџиите“.
Првата задача што новиот спортски директор на Атлетико Мадрид, Матеу Алемани, сакаше да ја заврши веднаш по преземањето на функцијата беше иднината на Џулијано Симеоне.
Младиот аргентински напаѓач и клубот веќе некое време преговараат за продолжување на соработката, а за време на репрезентативната пауза, договорот е финализиран.
Според информациите на „Марка“,Симеоне доби подолг договор, поголема плата и значително повисока откупна клаузула.
Наместо неговиот сегашен договор да истекува во 2028 година, Џулијано сега ќе биде врзан до летото 2030 година, што значи продолжување за уште две сезони.
Финансиски, новиот договор вклучува зголемување на платата и зголемување на клаузулата од 50 на 100 милиони евра, што е јасен сигнал дека клубот има намера цврсто да го задржи својот млад крилен напаѓач и да спречи секаков обид тој да замине од „Метрополитано“.
Овој потег совршено се вклопува во желбите на тренерот Диего Симеоне, таткото на Џулијано, кој постојано нагласува колку му значи напредокот и професионалниот став на неговиот син кон играта.
По натпреварот од Лигата на шампионите против Унион Сен Жилоа, популарниот Чоло рече.
„Џулијано се снаоѓа одлично. Тој сака повеќе. За да стигне таму каде што сака, мора да ја задржи својата скромност и желба за напредок.“
Џулијано Симеоне има 3 гола и 5 асистенции на 16 официјални натпревари оваа сезона, а на само 22 години стана сериозна опција во офанзивниот систем на Атлетико.
Спорт
Барселона има нов тренер
Шпанецот Чави Пасквал е новиот тренер на Барселона, ексклузивно објавува „Мундо депортиво“.
Пасквал се враќа во „Блауграна“, со која ја освои Евролигата во 2010 година и на чија клупа го помина периодот од 2008 до 2016 година како главен тренер, а претходно беше дел од тренерскиот штаб.
По Барселона, 53-годишниот Пасквал ги тренираше Панатинаикос и рускиот Зенит во последните пет години.
Пасквал го наследи Жоан Пењароха на клупата на Барселона и ќе потпише тригодишен договор, ќе го преземе тимот следниот понеделник, а претходно Каталонците ќе го играат натпреварот од 11-то коло од Евролигата против Виртус во петок и натпреварот од шпанската АЦБ лига против Басконија во недела.

