Регион
Продолжи наставата во „Владислав Рибникар“, родителите бараат да заврши учебната година
Републичката просветна инспекција започнува вонреден увид во работата на училиштето „Владислав Рибникар“ во Белград, соопшти Министерството за образование.
Наставата продолжува денеска со скратени часови и без оценување. Во училиштето во секоја смена ќе бидат присутни по шест полицајци.
Дел од родителите бараат да заврши учебната година за „Рибникар“ и бараат одговор на многу прашања кои се уште не се одговорени. Децата кои не сакаат или не можат да продолжат да присуствуваат ќе можат да останат дома, со писмо од родителите и нема да имаат неоправдани отсуства.
Вчера во училиштето се одржа состанок на родителската група на VII-2, одделението каде се случи трагедијата на 3 мај, со повеќе министри и претставник од кабинетот на премиерот.
Тие дојдоа во училиштето со одговори на барањата на родителите, но одложено е соопштувањето за следната седница. Родителите го повторија барањето наставата да биде прекината и учебната година да заврши на 3 мај.
На состанокот, кој траеше нешто повеќе од два часа, присуствуваа министерката за правда Маја Поповиќ, министерката за семејна грижа Дарија Кисиќ, советникот на премиерот Младен Башиќ, државниот секретар во МУП Жељко Бркиќ, државен секретар на Министерството за здравство Мирсад Ѓерлек.
Над 200 родители на деца од „Рибникар“ се приклучија на иницијативата за итно прекинување на наставата во постојниот објект на тоа училиште и завршување на работната учебна година на 3 мај, кога ученик од седмо одделение уби девет ученици и чуварот на тоа училиште.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Загинаа две лица, а пет се водат како исчезнати по судар на чамец и крузер во Дунав кај Будимпешта
Две лица го загубија животот доцна синоќа, а пет се водат за исчезнати во судар на мал моторен чамец и крузер на реката Дунав северно од Будимпешта, соопшти денеска унгарската полиција.
Телата на возрасен маж и жена се пронајдени северно од главниот град, а властите се уште трагаат по пет исчезнати лица.
Сома Чечи, портпарол на полицијата во Будимпешта, на прес-конференција рече дека, според досегашните сознанија, во чамецот имало вкупно осум возрасни лица и потврди дека две лица загинале, а пет се водат како исчезнати. Тројца мажи и две жени моментално се бараат со глисери и дронови, јавуваат унгарските медиуми.
Полицијата соопшти и дека во градот Комаром бил запрен поголем брод, а од увидот било откриено дека му е оштетен страничниот дел. Се врши увид и во тек е истрага за опасноста по водениот пат и смртта на неколку лица.
Регион
По обидот за атентат словачкиот премиер Фицо е надвор од животна опасност
Словачкиот премиер Роберт Фицо е надвор од животна опасност по обидот за атентат, изјави денеска министерот за одбрана и вицепремиер Роберт Калинак за словачката новинска агенција ТАСР.
Состојбата на Фицо се подобрува, а лекарската комисија утре треба да одлучи дали тој ќе биде префрлен. Фицо моментално се опоравува во универзитетската болница во Банска Бистрица.
Фицо беше тешко повреден на 15 мај, по седницата на Владата во градот Хандлова, кога 71-годишниот писател Јурај Цинтула, од непосредна близина неколку пати пукаше со пиштол во него. Специјалниот кривичен суд во словачкиот град Пезинок, со силно полициско обезбедување вчера му одреди притвор на Цинтула.
Регион
Под сомнение за планирање терористички напад уапсено е малолетно девојче од Црна Гора
Во Австрија е уапсено четиринаесетгодишно девојче од Црна Гора, кое, според австриските медиуми планирало терористички напад на Јакоминиплац во Грац, а истражителите од Државната служба за државна безбедност и борба против екстремизмот во Штаерска успеале да спречат тоа.
При претресот на куќата, како што пишува истиот медиум истражителите заплениле секира и нож.
Информациите за планираниот напад дојдоа од Европска безбедносна управа. На овој начин, локалните истражители од Државниот завод за државна безбедност и борба против екстремизмот (ЛСЕ) на Штаерска им влегле во трага на првично непознатите лица.