Спорт
Француски новинар: Тудор ќе добие отказ
Тренерот на Марсеј, Игор Тудор ќе добие отказ по завршувањето на сезоната, тврди францускиот новинар Бруно Бланзат, кој работи за Франс Блу Прованс. На две кола пред крајот на Лига 1, Марсеј е на третото место со 73 бодови и доколку остане на таа позиција ќе игра квалификации за пласман во Лигата на шампионите. Вториот Ленс му бега пет бода, додека лидер е ПСЖ со 84 поени.
Бланзат истакна, дека на Тудор му пресудил конфликото што го имал со клупската легенда Димитри Паје и Нуно Тавареш. Овие двајца не играа против Лил, овој натпревар Марсеј го загуби со 2:1. Тудор ги остави во Марсеј Паје и Тавареш поради недоволно залагање на тренинзите. Д
а потсетиме, Тудор беше елиминиран во групната фаза од Лигата на шампионите и во Купот на Франција од нисколигашот Анеси, откако сензационално го исфрли ПСЖ.
Во првенството долго време водеше борба со ПСЖ за шампионската титула, но во финишот неговиот тим падна во формата, доживеа два порази во последните пет кола и второто место кое носи директно место во Лигата на шампионите му го препушти на Ленс.
Француските медиуми се сомневаат во точноста на изјавата на Бланзат, меѓу другото затоа што претседателот Пабло Лонгорија претходно јавно го поддржа хрватскиот тренер. Тудор го презеде тимот во летото 2022 година, неговиот договор истекува во 2024 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Иванишвили ќе ги „части“ Грузијците
Биџина Иванишвили поранешниот премиер на Грузија, вети дека ќе и даде 30 милиони лари (близу 10 милиони евра) на фудбалската репрезентација доколку ја победат Шпанија по антологискиот пласман во осминафиналето на ЕП.
Грузиската репрезентација предводена од поранешниот француски репрезентативец Вили Сањол ја совлада Португалија со 2:0 и се пласираше во осминафиналето каде ќе се сретне со Шпанија.
Биџина е основач на владејачката политичка партија Грузиски сон и поранешен премиер на земјата од октомври 2012 до ноември 2013 година.
За него победата против Португалија е „историски триумф од соништата“.
Грузија, која првпат настапува на ЕП в недела од 21.00 часот во Келн игра против Шпанија.
Спорт
(ВИДЕО) Партизан пред големо засилување, пристигнува замена за Пантер
Кошаркарскиот клуб Партизан пред потпис со Стерлинг Браун.
Неофицијално двете страни веќе извесно време се во преговори кои одат во добра насока.
Доколку остане така, дефанзивецот кој ја мина дебитантската сезона во Евролигата во Алба Берлин ќе ги засили црно-белите и на тој начин ќе ја пополни дупката на надворешните позиции создадена со заминувањето на Кевин Пантер.
Браун на 29 натпревари имаше просек од 11,2 поени, 3,3 скока и 2,4 асистенции. Најдобриот меч го одигра против Олимпија од Милано каде постигна 18 поени.
На два меча против Партизан постигна осум, односно 14 поени.
Пред Алба, Браун играше во НБА каде што стартуваше во Милвоки, а потоа патувањето го однесе низ Хјустон, Далас и Лос Анџелес Лејкерс.
Спорт
Најголемо разочарување на ЕУРО 2024
Според Руските медиуми Србија е најголем „неуспех“ на шампионатот.
Оставија најлош впечаток од сите репрезентации, постигнаа само еден гол и генерално одиграа под стандардот што го бара модерниот фудбал.
Па така на Србија и ја „закачија“ најнепопуларната „етикета“.
„Третото коло беше одлична можност Србија да остане на ЕУРО, но ја пропуштија затоа што играа просечно.
Да, противникот не беше најлесниот – Данците можат да бидат опасни, но она што го сервираше тимот на Стојковиќ беше под просек.
Еден шут во првото полувреме, уште неколку на крајот од второто и без креативна одбрана.
Србите ќе останат запаметени како најнеефикасниот тим на ЕУРО“, пишува рускиот портал „ Спорт-експрес“
Во истиот текст, Грузија е прогласена за најдобра репрезентација во првата фаза, а голманот за најдобар поединец.
Додека за најдобар натпревар е издвоен дуелот меѓу Австрија и Холандија (3:2 ).