Спорт
(Видео) „Хаварија“ на Јувентус кај Емполи
![](https://makfax.com.mk/wp-content/uploads/2023/05/FwwcFgYXgAMv54p.jpg)
Лошата вечер за Јувентус и навивачите на „бјанконерите“ заврши уште полошо, откако на гостувањето кај Емполи во последниот меч од 36. коло во Серија А претрпеа катастрофален 4:1 пораз на гости кај Емполи.
Италијанската фудбалска федерација (ФИГЦ) неколку минути пред стартот на мечот, објави дека им одзема 10 поени на Јувентус по скандалот со вештачко зголемување на вредноста на трансферите, со што Јуве падна од 2. на 7. место на табелата. Сепак, и со оваа казна, надежите за пласман во Лигата на шампионите не е згаснати за Јувентус, иако стануваат многу потешки по поразот кај Емполи. Да потсетиме, овој пораз доаѓа откако минатата недела, Јувентус драматично го загуби и полуфиналето во Лига Европа од Севилја.
Ветеранот Франческо Капуто ги донесе домаќините во водство во 18. минута со гол од пенал, за само две минути подоцна, Себастијано Луперто да зголеми на 2:0. Влегувањето во игра на Федерико Киеза и Леандро Паредес на полувремето не успеаја да донесе пресврт за Јувентус, откако веќе во 47. минута, Капуто повторно стрелаше и зголеми на 3:0. Киеза во 85. минута само успеа да го намали поразот на својот клуб, за Роберто Пиколи во 93. минута да ја комплетира „хаваријата“.
Во последните две кола, Јувентус прво го игра дербито со Милан во текот на викендот, за на 4 јуни да му гостува на Удинезе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Тенисерка од БиХ суспендирана на шест години поради наместени натпревари
![](https://makfax.com.mk/wp-content/uploads/2024/07/Screenshot-2024-07-06-165408.jpg)
Поранешната тенисерка од Босна и Херцеговина, Јасмина Тињиќ, е суспендирана од тенисот на шест години бидејќи признала дека местела натпревари, соопшти Меѓународната агенција за тениски интегритет.
Јасмина Тињиќ (33), која во 2013 година беше 236. на ВТА листата, призна дека местела натпревари во 2017 и 2018 година.
Обвиненијата против неа вклучуваа „поправање на исходот од натпреварите, олеснување на обложувањето, примање пари во замена да не го дава најдоброто од себе на натпреварите и не пријавил контакт во врска со корупција“.
За потсетување, таа веќе доби забрана за играње тенис на четири и пол години во Шведска, поради истрагата за наместени натпревари таму.
Нејзината суспензија треба да истече на 17 мај 2028 година.
Спорт
Жоао Феликс се враќа во Лисабон и останува таму?
![](https://makfax.com.mk/wp-content/uploads/2024/07/Screenshot-2024-07-06-143731.jpg)
Жоао Феликс е трагичарот на Португалија.
Фудбалерот на Барселона до неодамна промаши пенал во третата серија, а денеска беше означен како еден од виновниците поради елиминација од ЕП.
Но, интересно е што медиумите откриваат дека Феликс по враќањето во Лисабон би можел да остане во главниот град на Португалија, бидејќи Бенфика има сериозна намера да го врати во своите редови.
Барселона нема намера да го купи од Атлетико Мадрид, додека Бенфика нуди опција да откупи 50% од неговиот договор.
Бенфика прво понуди 20 милиони евра, Атлетико го одби, а сега понудата е зголемена на 32,5 милиони евра.
Каталонците се уште молчат, за нив прва опција и приоритет е Нико Вилијамс, а потоа и Дани Олмо, па Феликс најверојатно нема да биде ниту на потенцијално нова позајмица.
Моментално Феликс има само опција за враќање во Бенфика, а што ќе одлучи Атлетико Мадрид останува да се види.
Спорт
По Крос, уште една легенда се прости од германската репрезентација
![](https://makfax.com.mk/wp-content/uploads/2024/07/Screenshot-2024-07-06-121143.jpg)
Германскиот фудбалер Тони Крос вчера и официјално ја заврши кариерата на 35-годишна возраст. Одличниот германски играч за врска најави дека ќе се пензионира по Европското првенство, а со тоа што Шпанците ги нокаутираа неговите Германци, тоа пензионирање стана и официјално. После тоа од Германија стигна вест дека Томас Милер (34) ќе стави крај на репрезентативната кариера.
„Да, прилично е сигурно дека ова беше мојот последен натпревар за Германија“, изјави напаѓачот на Баерн за Скај. Милер за Германија дебитираше во 2010 година, а оттогаш забележа 131 настап и постигна 45 голови. Во 2014 година со репрезентацијата беше светски шампион во Бразил. Во кариерата настапуваше само за Баерн, чиј член е од 2000 година. За баварскиот клуб има 707 настапи и 242 гола.