Спорт
(ВИДЕО) Денвер со „метла“ за ЛА Лејкерс стигна до финалето, нов трипл – дабл за Јокиќ
![](https://makfax.com.mk/wp-content/uploads/2023/05/jokic-so-lejkers-1.jpg)
Денвер Нагетс на импресивен начин стигна до големото финале на НБА лигата, откако успеа да го победи ЛА Лејкерс и четврти пат по ред, овојпат на гостински терен со 111:113. Со тоа им приреди „метла“ на Леброн Џејмс и друштвото, славејќи во финалната серија од Западот со 4-0 во победи.
Почетокот и не навестуваше ваков епилог, со оглед дека ЛА Лејкерс на полувреме обезбедија предност од 73:58.
Сепак, Денвер одигра неверојатна трета четвртина која ја доби со 36:16, го презеде водството и стигна до историското финале во НБА лигата.
Никола Јокиќ повторно имаше партија за паметење. Тој стигна до осмиот трипл-дабл во плеј-офот и го предводеше Денвер до големиот успех. Српскиот центар постигна постигна 30 поени, а имаше и 14 асистенции и 13 скокови. По натпреварот му беше доделен трофејот „Меџик Џонсон“ за најкорисен играч на Западната конференција. Одличен беше и Џамал Мареј кој постигна 25 поени со пет асистенции, како и Арон Гордон кој запиша 22 поени.
Леброн Џејмс беше најефикасен на натпреварот со 40 поени, а му недостасуваше само еден скок за трипл-дабл ефект.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Диого Коста португалски херој, ја елиминира Словенија
![](https://makfax.com.mk/wp-content/uploads/2024/07/PORTUGAL.jpg)
Еден од најдобрите фудбалери на денешницата беше мотивиран да постигне гол од самиот старт на натпреварот, но одбраната на Словенија одлично се снајде. На крајот од судиското продолжение Кристијано Роналдо имаше шанса да и донесе водство на Португалија од пенал, но не успеа.
Драма, следуваше пенал завршница.
Искуството си го направи своето, Португалија оди понатаму.
Тие ја совладаа Словенија на пенали и со тоа се пласираа во четврт-финалето на ЕП. Регуларниот дел од натпреварот заврши со резултат 0:0, како и дополнителни половина час игра.
Во четврт-финалето Португалија ќе игра против Франција која со 1:0 ја победи Белгија.
Португалскиот голман Диого Коста, кој ги одбрани сите три удари на Словенците е херој на мечот.
Од почетокот на играта Словенците беа поставени во карактеристична формација 4-4-2. Кристијано Роналдо имаше многу проблеми, неговиот најдобар напор во првото полувреме беше неговиот слободен удар во 34. минута.
Тој шутираше од околу 20 метри, а топката отиде само над стативата.
Португалија најблиску дојде до гол во втората минута од судиското надополнување во првото полувреме, кога Палиња силно повлече од работ на шеснаесетникот.
Топката мина покрај десната статива од голот на Облак.
Во првото полувреме Словенците напаѓаа само неколку пати, но не успеаја да создадат голема шанса.
Португалија ја мина групната фаза како првопласирана во групата Ф пред Турција, Грузија и Чешка.
Словенија беше трета во групата Ц пред Србија и зад Данска и Англија.
Спорт
Еден од најдобрите шутери во историјата на кошарката
![](https://makfax.com.mk/wp-content/uploads/2024/07/klej.jpg)
Клеј Томпсон (34) наскоро ќе стане нов играч на Далас Маверикс, каде ќе создаде нов супер тим со Лука Дончиќ и Кајри Ирвинг.
Веста сè уште не е официјална, но врвниот НБА инсајдер Адријан Војнаровски објави дека зделката е завршена.
Томпсон треба да потпише договор на три години, за вкупно 50 милиони долари, за тимот кој минатата сезона играше во финалето на НБА.
Голден Стејт Вориорс не сакаа да му понудат на Клеј Томпсон повеќе од 20 милиони годишно поради хаотичната ситуација со преголемите договори, кои тој ги сметаше за навредливи и реши да бара нов клуб.
Така и официјално заврши ерата на династиите на браќата Сплеш, беше разбиен најдобриот шутерски тандем на сите времиња.
Томпсон е четирикратен шампион во НБА со Вориорс. Пет пати беше на Ол-стар натпреварот, двапати беше избран за трет најдобар тим во лигата и еднаш за најдобар одбранбен тим.
Минатата сезона, по големите проблеми со повредите, тој имаше просек од 18 поени, 3,3 скока и 2,3 асистенции
Спорт
Специјален гостин на тренингот на Српската кошаркарска репрезентација
![](https://makfax.com.mk/wp-content/uploads/2024/07/treningg.jpg)
Кошаркарскиот великан Владе Дивац беше специјален гостин на затворениот тренинг на кошаркарската репрезентација на Србија на подготовките во Стара Пазова соседна Србија.
Кошаркарската репрезентација на Србија е во почетна фаза од подготовките за Олимписките игри во Париз 2024.
Како што се наведува во соопштението на КСС, Дивац на кошаркарите им посакал добро здравје како предуслов за успех.
„Анегдотата што Владе ја раскажа за тренингот со тренерот Пешиќ ќе остане меѓу ѕидовите на тренинг салата“?!
Дивац го освои светското злато со тренерот Пешиќ во 2002 година во Индијанаполис.
Што се однесува до Олимписките игри, тој освои сребро во Сеул во 1988 година и во Атланта во 1996 година.