Спорт
Под Везув сметаат дека Луис Енрике е вистинскиот тренер за наследник на Спалети
Лучијано Спалети заминува од Неапол по освојувањето на шампионската титула. Не се договори со Де Лаурентис и ќе си замине од Наполи, а италијанскиот шампион веќе е во потрага по нов тренер. Едно од имињата кои се појавија е Марсело Галјардо, кој освои сѐ со Ривер Плата, но оваа шпекулација е присутна секогаш кога се зборува за клупата на поголем европски клуб.
Се зборува и за Виченцо Италијано, тренерот на Фиорентина кој беше варијанта пред доаѓањето на Спалети и кого Де Лаурентис навистина го цени. Но, тој ја одведе Фиорентина до финалето на Конференциската лига на УЕФА, и до финалето во Купот на Италија, па „виолетовите“ не сакаат да го загубат одличниот стратег.
Според извори блиски до Наполи, прва опција е Луис Енрике.
Поранешниот селектор на Шпанија и тренер на Барселона е без работа, ја чека вистинската понуда, беше во конкуренција за менаџер на Челси, имаше понуда од Полска за селекторската позиција, но сѐ уште не одлучил да се врати на работата.
Понудата од Наполи менува сѐ, Де Лаурентис подготви 10 милиони по сезона за шпанскиот тренер. Работеше во Рома по што се врати во Барселона и ги покори Шпанија и Европа. Извесен период остана без работа поради семејна трагедија.
„Лучо“ како што го нарекуваат најблиските, е поранешен фудбалер на Барселона, пред тој на Реал Мадрид и ма Спортинг Хихон, каде ја започна својата кариера. Астуриецот ја започна својата тренерска кариера како наследник на Пеп во вториот тим на Барселона. Ја форсира формацијата 4-3-3, а под Везув веруваат дека тој е вистинскиот човек да го продолжи она што го започна Спалети.
Клубот наводно не сака да ги продаде најдобрите играчи Осимен и Кварацкелија, како и стоперот Ким, но се шпекулира дека Спалети си заминува бидејќи не се согласува со трансферната политика на клубот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
„Ферстапен е најдобриот возач во историјата на Формула 1“
Герхард Бергер, поранешниот возач на Ферари во Формула 1, нема дилема кој е најдобриот на сите времиња.
Австриецот во преден план го стави актуелниот светски шампион Макс Ферстапен.
„Тој ја има таа неверојатна способност да го избере вистинскиот момент за претекнување. Тоа го немаа ниту Сена, ниту Шумахер, ниту Хамилтон“, изјави Бергер.
На пофалбите за Холанѓанецот им немаше крај.
„Макс е секогаш на вистинското место во вистинско време. На стартот, во првиот свиок, во дуел. Никој не го прави тоа подобро од него. Затоа мислам дека тој е најдобриот кој некогаш ја возел формулата“, вели Бергер.
Ферстапен досега има остварено 61 победа во кариерата и има три светски шампионски титули со добри шанси да освои четврта. Сепак, тој е се уште далеку од Хамилтон и Шумахер по бројот на вкупни победи и титули, кои освоија по седум пехари наменети за најдобриот во генералниот пласман.
Спорт
„Ѓоковиќ гоат? Лудо е да се дискутира за тоа“
Руската тенисерка Дарија Касаткина проговори за „големата тениска тројка“ во која се Новак Ѓоковиќ, Роџер Федерер и Рафаел Надал.
Таа истакна дека тројцата немаат конкуренција, прво рече дека не можат да ги споредуваат Рафаел Надал и Карлос Алкарас, но дека единственото нешто што им е заедничко е тоа што двајцата се од Шпанија, а потоа беше прашана за „големата тројка“.
„Тие тројца се недостижни“, рече Касаткина, по што брзо беше прашана дали Новак е чекор понапред.
„Знаете, кога некој има идол, го сака без разлика на резултатите и дали се споредливи и во мојот случај, бидејќи почнав од детството“, рече Русинката чиј идол е Рафаел Надал и продолжи:
„Објективно, гледајќи ги резултатите, Новак Ѓоковиќ е најдобар на сите времиња, лудо е да се дискутира за тоа. Се друго е прашање на вкус“.
Спорт
Интересно ветување на Паоло Фонсека за новинарите
Паоло Фонсека денеска одржа прес-конференција пред првиот натпревар во Лигата на шампионите во кој Милан во вторник ќе се соочи со Ливерпул.
Тренерот на Милан им даде интересно ветување на новинарите пред натпреварите со Ливерпул во Лигата на шампионите и Интер во Серија А.
Фонсека изјави дека иако има два меча за краток период, на двата натпревари можат да играат исти играчи, но дека дефинитивно ќе размисли за ротација.
„Имаме три натпревари оваа недела и треба да размислиме за се. Утрешниот е најважен, но не можам да заборавам дека овој викенд играме дерби во Серија А“, изјави Фонсека.
А потоа дојде ветувањето на новинарите:
„Ако ги победиме двата натпревари, ветувам дека ќе ви донесам „пастел де ната“ на прес-конференцијата“, рече Фонсека со насмевка.