Забава
Судот одлучи: сцената од филмот „Ромео и Јулија“ не е детска порнографија
Судот во Калифорнија ја отфрли тужбата на главните актери во филмската адаптација „Ромео и Јулија“ од 1968 година против „Парамаунт пикчрс“ поради сцена во која нивните ликови се будат голи во кревет заедно, пренесува „Њујорк тајмс“.
Актерите Оливија Хуси и Леонард Вајтинг во тужба поднесена минатата година тврдеа дека режисерот на филмот, Франко Зефирели, ги уверил дека ќе носат долна облека во месо боја за сцената во спалната соба. Во тоа време и двајцата биле малолетни. Но, утрото на снимањето, тврдат во тужбата, тој сепак им рекол дека „мора да бидат голи или филмот ќе пропадне“.
Тие исто така тврдеа дека „Парамаунт“, дистрибутерот на филмот, знаел или требало да знае дека снимката од нивните голи тела е незаконски добиена. Во судските документи адвокатите на актерите навеле дека сцената се квалификува како детска порнографија. Хаси имала 16 години кога се снимал филмот, а Вајтинг 17.
Актерите, кои сега се во своите 70-ти, планираат да се обратат до повисок суд.
Адвокатот на „Парамаунт“ го оспори тврдењето на актерите. Тој тврдеше дека сцената не била ласцивна и инсистира на тоа дека поминало премногу време од настанот.
„Филмот не е детска порнографија. Тоа го докажува фактот дека е исклучително познат, дека е во дистрибуција веќе 55 години и дека го гледале или поседувале милиони Американци, без никакво претходно тврдење од органите на прогонот, обвинителите или нивните родители дека тоа е детска порнографија,“ заклучи адвокатот на „Парамаунт“, Ричард Кендал.
Судијката во округот Лос Анџелес, Алисон Мекензи, рече дека ќе ја отфрли тужбата на актерите со образложение дека нивниот приказ во филмот не може да се смета за детска порнографија и дека тие ја поднеле тужбата предоцна.
Инаку, филмот за кој станува збор е награден со два „Оскара“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Трето издание на Охридскиот вински фестивал
Оваа година фестивалот Охридскиот вински фестивал ќе се одржи на 27, 28 и 29-ти јуни на улица „Кеј Македонија“ пред хотелот Палас во Охрид, а посетителите ќе имаат можност да дегустираат од најубавите македонски вина, вкусна храна и одлична културно – музичка програма со македонски музички артисти.
На брегот на Охридското езеро посетителите ќе имаат можност да уживаат во музиката на Влатко Лозановски, Ареа, Куку Леле, Миле Кузмановски, Некст Тајм и многу други, а оваа манифестација го најавува и летниот културен бран на нашата најзначајна туристичка и културна дестинација.
На фестивалот ќе учествуваат голем број од најпознатите македонски винарии, како и мали семејни винарии, а целата понуда ќе биде збогатена со гурмански деликатеси.
Забава
Манипулаторки во Зодијакот: на секој маж му полудува умот
Манипулаторите во Зодијакот секогаш го добиваат она што го сакаат, а токму така е и кога се во прашање мажите. Дали сте меѓу овие знаци?
Жените кои успешно манипулираат се многу интелигентни и едноставно уживаат во игрите на умот без да размислуваат за последиците…за другата страна. Тие се следбеници на теоријата дека е лесно да се победи некоја личност ако му влезете во главата и доминирате со нивното размислување. И тие се секако експерти за тоа.
Кои се манипулаторите на зодијачкиот круг?
Шкорпија
Умот на Шкорпијата е многу сложен, понекогаш мрачен. Ова е многу интелигентен хороскопски знак со страшен инстинкт и склоност кон тајни и загатки. Едноставно сака да доминира во нејзините врски и првото нешто кон што ќе цели е да „улови“ маж. И откако умот ќе и припадне, телото на мажот ќе се предаде безусловно. Играњето игри со умот со овој знак никогаш не е лесно и мажот мора да биде вешт играч за да ја заинтригира. Ако мажот не може да го направи тоа, таа нема ни да го забележи.
Близнаци
Ако зборуваме за интелигенција, Близнаците секако се еден од првите знаци што ни паѓаат на ум. Тие можат да бидат доста критични, но вистината е дека имаат ум „жилет“ кој може да извршува неколку задачи истовремено, без да можете со ништо да им го одвлечете вниманието. Таа, исто така, сака да игра игри со умот, многу интригантна и снаодлива. Сепак, прашање е колку мажот за кој таа е заинтересирана може да го издржи тоа.
Овен
А за жените Овен се е предизвик. Конкуренцијата и дава дополнителна сила и ја исполнува со енергија и ентузијазам. Нејзините умствени игри ја одржуваат заинтересирана и ја мотивираат да смислува сè повеќе трикови за да го освои оној што го сака. Најважно е да не им е досадно. Ќе ги полуди со своите умствени игри и верувајте ни, тешко дека ќе успеете да натерате маж да се справи со неа. Оваа дама не знае да губи и често игра многу валкано за да победи.
Водолија
Водолијата е рангирана меѓу најинтелигентните и највештите жени во Зодијакот затоа што е личност која многу размислува, а нејзиниот ум е со километри напред. Умствените игри и се многу лесни, дури би се рекло дека и се скриен кец во ракавот. Ваквите игри и го изоструваат умот, а ако најде маж кој ќе си игра со неа и ќе успее, тогаш ќе остане со него. Многу е лесно да се влезе во таква игра, но мажите често немаат среќа да го направат тоа добро.
Забава
Северина пееше на драг-шоу во Загреб: „Ова покажува дека има поинаква Хрватска“
Северина настапи како гостин изненадување на драг-забавата што се одржа во клубот „Бугалоу“ во Загреб. Кога пејачката се појави на сцената, публиката ја поздрави со вресоци и громогласни песни.
Настапот почна со песната „Бред Пит“.
„Покрај тоа што си најголемата хрватска ѕвезда, ти си и најголемиот човек. Сите го препознаваат тоа, сите го чувствуваат. И затоа сите те сакаат. Ти благодарам што секогаш се бориш за правата на обесправените“, напиша една од обожавателите на Северина на нејзиниот „Инстаграм“.
Во еден момент пејачката им се обрати на присутните.
„Само вистинска држава ги признава сите малцинства. А да беа големи, како што не се, ќе го признаеа. Секогаш кога излегувам на сцената, ме фаќа нервоза, но жал ми е што вие морате да чувствувате трема секојпат кога ќе излезете надвор меѓу луѓето“, рече Северина.
„Ова е забава за луѓето и за оние што се чувствуваат така. Ова покажува дека постои поинаква Хрватска“, додаде таа и доби громогласен аплауз од публиката.