Неверојатна случајност – трио на веројатно најголемите имиња на денешнината, во нивните спортови денес претрпеа елиминации.

Кристијано Роналдо и неговиот Ал-Наср стигнаа до полуфиналето на Азиската Лига на шампиони, беа поразени од Кавасаки Фронтејл со 2:3, Леброн Џејмс и Лејкерси претрпеа уште еден пораз против Минесота во плејоф серијата и ја завршија сезоната, а Лео Меси доживеа слична судбина како неговиот вечен опонент од Португалија.

Интер Мајами беше поразен од Ванкувер со 3:1 и со вкупен резултат од 5:1 беше елиминиран од елитното натпреварување на зоната КОНКАКАФ, Лигата на шампионите.

Така, за само 24 часа, три суперѕвезди ја завршија приказната во најважните натпреварувања.

Дури ни добриот почеток на натпреварот против Ванкувер и водството што го донесе Џорди Алба во деветтата минута не му помогнаа на Мајами. Тоа беше единствениот гол во првото полувреме, по што следеше фуриозно второ полувреме на гостите од Ванкувер.

Меси беше без конкретен учинок во двата натпревари.

На денешен ден пред 31 година на трката за Големата награда на Сан Марино во Формула 1, животот го загуби легендарниот Аиртон Сена.

Сена, еден од најдобрите возачи во историјата на Формула 1, ако не и најдобар, почина на 34. годишна возраст откако ја изгуби контролата над својот болид и со брзина од 305 км/ч удри во ѕидот на свиокот Тамбурело на патеката „Енцо и Дино Ферари“ во Имола.

Легендарниот Бразилец победи на 41 трка во кариерата, освои три шампионски титули и остана запаметен како крал на квалификациите и најдобар возач на дожд на сите времиња.

На погребот на Сена присуствуваа повеќе од милион луѓе, а многу повеќе излегоа на улиците да му оддадат почит на Бразилецот.

„Господ долго време ја држеше рака над Формула 1. Овој викенд ја тргна“, коментираше легендарниот Ники Лауда во моментот на смртта на Сена.

За време на квалификациите за истата трка, само еден ден претходно, почина младиот австриски возач Роланд Расцрбергер, што беше прва смрт во Ф1 по речиси 12 години.

Сена не ја прифати добро смртта на Австриецот, на која потсети лекарскиот делегат Сид Воткинс, кој му рекол на Бразилецот да не се натпреварува на Имола.

„Аиртон полуде. Пред тоа немаше видено смрт на патеките. Во претходните 12 години имаше многу инциденти, многу повреди, но никој не загина“, рекол Воткинс, откривајќи што му рекол Сена кога го молел да не се трка и да замината на риболов“.

„Има одредени работи кои не можеме да ги контролираме. Не смеам да се откажам, морам да продолжам“.

Сена ја започна трката во пол-позицијата, а трката започна со безбедносно возило откако Педро Лами удри во болидот на Џеј Џеј Лехто.

Веќе во вториот круг по рестартот на трката, Сена со својот Вилијамс во кривината Тамбурело удри во бетонскиот ѕид.

Бразилецот беше пренесен во болница, а трката продолжи 37 минути по судирот и победи Михаел Шумахер.

Два и пол часа подоцна беше објавено дека Сена починал.

Тоа беше само трета трка на Сена во Вилијамс откако го напушти Мекларен, и многу се пишуваше за тоа неделно попладне, но само едно е сигурно.

Смртта на Сена целосно ја промени Формула 1: беа воведени многу поригорозни безбедносни проверки и се промени историјата на овој спорт.

Кошаркарите на Минесота се пласираа во полуфиналето на Западната конференција на НБА лигата, откако во петтиот натпревар од првото коло од плејофот ги совладаа Лејкерс во ос Анџелес со 103:96 на гостински терен.

Тимбервулвс ја добија серијата со вкупен резултат од 4:1.

Најефикасен во тимот на Минесота беше Руди Гобер со 27 поени, заедно со 24 скока (девет офанзивни). Џулиус Рендал додаде 23 поени, Ентони Едвардс имаше 15 поени, 11 скока, осум асистенции и три украдени топки, додека Никел Александар-Вокер постигна 10 поени.

Во тимот на Лејкерси, словенечкиот плејмејкер Лука Дончиќ беше најефикасен со 28 поени, на кои придодаде девет асистенции и седум скока.

Руи Хачимура додаде 23 поени, Леброн Џејмс запиша 22 поени, седум скока и шест асистенции.

Во полуфиналето на Западната конференција, Минесота ќе игра против победникот од серијата од првото коло помеѓу Хјустон и Голден Стејт, во која Рокетс вечерва намалија на 2:3, откако победија со 131:116 на домашен терен.