Свет
(Видео) Зеленска објави снимка од Киев: „Деца врескаат и трчаат во засолништа од звуци на експлозии
Сопругата на украинскиот претседател Олена Зеленска на Твитер сподели видео од Киев на кое се гледаат деца кои трчаат во засолништа поради руски воздушен напад. Низ главниот град на Украина синоќа, но и утринава одекнаа експлозии.
„Киев. Утрото по непроспиената ноќ под оган. Повторно вознемиреност. Децата кои врескаат и трчаат во засолништа од звуците на експлозии се нашата реалност. Но, тоа не мора да биде така – каде било, некогаш. Стравот не може да се исклучи – но не застануваме, туку дејствуваме. Украина ја продолжува борбата“, изјави украинската прва дама, пренесува Index.hr.
Повеќе од 41.000 граѓани под земја за време на нападот
Градоначалникот Виталиј Кличко објави дека украинската воздушна одбрана соборила руска ракета за време на ноќниот напад на Киев.
Утринава следеше нов напад кога експлозии се слушнаа и во центарот на градот, а Кличко ги повика граѓаните да останат во засолништа додека не заврши алармот.
Градската управа на Киев на Телеграм објави дека „за време на денешното гранатирање на главниот град, повеќе од 41.000 луѓе биле под земја“ и дека „повеќе од 9.000 граѓани се засолниле во станиците на подземната железница, меѓу кои 1.120 деца“.
Тие ги потсетија жителите дека „за време на вонредна состојба можат да добијат столици и вода за пиење на станиците“. Потсетуваат дека на станиците е прилично студено, па ги повикаа граѓаните да понесат со себе топла облека.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во нападот врз Бејрут најмалку 12 лица загинале, а 66 се повредени
Либанското Министерство за здравство соопшти дека најмалку 12 лица загинале а 66 се повредени, од кои девет се во критична состојба, во денешниот изралески напад врз Бејрут.
Вчерашниот израелски напад врз Бејрут следеше откако Хезболах истрела ракети на северот на Израел и во време кога се очекува одмазда во тој регион, бидејќи лидерот на таа шиитска организација Хасан Насрала се закани за овонеделните експлозии на илјадници пејџери и токи-воки.
Јужните предградија на Бејрут биле нападнати за време на сообраќајниот метеж, кога вработените се враќале од работа, а учениците од училиште.
Свет
Бројот на бегалци во Германија годинава достигна нов врв
Бројот на бегалци кои живеат во Германија годинава достигна нов врв, покажуваат денешните владини податоци, пренесува Дојче веле.
Околу 3,48 милиони бегалци со различни видови дозволи за престој живееле во Германија на крајот на јуни 2024 година, што е за приближно 60.000 повеќе отколку на крајот на 2023 година.
Една третина од овие бегалци дошле од Украина.
Бројката вклучува и некои поединци кои се обврзани да ја напуштат Германија, но остануваат во земјата под политика на толеранција која опфаќа низа ситуации, како што се болест, недостаток на документи за идентификација или луѓе чии деца имаат дозвола за престој.
Статистиката беше дадена како одговор на барањето на партијата Социјалистичка левица во парламентот и првпат беше објавена од Ној Оснабрикер Цајтунг.
Свет
Лавров: Русија не сака ескалација, но западните политичари се однесуваат како деца
Рускиот министер за надворешни работи Сергеј Лавров денеска изјави дека Русија не сака да ги ескалира тензиите со западните земји, но дека, како што наведе, „политичарите на овие земји се однесуваат како деца“.
„Не сакаме ескалација. Се чини дека западните политичари навистина имаат менталитет на дете, иако како возрасни заземаат одговорни позиции: министри, премиери, канцелари, претседатели“, рече Лавров.
Лавров нагласи дека неколку месеци во светот се разговара за тоа како Русија наводно само се заканува и зборува за „црвени линии“.