Регион
Вучиќ се сретна со амбасадорите на квинтата: „Се надевам дека ќе успеете да го вразумите Курти да ги повлече своите сили“

Претседателот на Република Србија, Александар Вучиќ, се сретна со амбасадорите на земјите од квинтата – Соединетите Американски Држави, Велика Британија, Франција, Италија и Германија, како и со шефот на делегацијата на Европската Унија, а единствената тема на разговор беше последната ескалација на насилствата во Косово.
Вучиќ изрази големо незадоволство и силна загриженост поради фактот што дел од меѓународната заедница продолжува да ги толерира унилатералните потези на Приштина, кои водат до насилство врз српската заедница, што резултира со намалување на бројот на опции што би можеле да доведат до постојан мир и стабилност во регионот, се наведува во соопштението од кабинетот на претседателот.
Тој ги запозна соговорниците со вистинската хронологија на настаните во текот на вчерашниот ден, во кои беа повредени голем број припадници на српската заедница, кои се собраа да го изразат своето незадоволство.
„Претседателот потсети дека навремено и упорно предупредуваше за ваквиот развој на ситуацијата, како и за последиците што може да доведат до неказнивост на институциите во Приштина, кои не само што не ги исполнуваат своите обврски туку редовно преземаат еднострани насилни дејства против српската заедница во Косово со многубројни и чести инциденти, кои резултираат со повреди, тепања, малтретирање и отворена дискриминација на Србите“, се наведува во соопштението.
Вучиќ рече дека е крајно време дел од меѓународната заедница, конечно, да реагира остро, јасно и недвосмислено на политиката на приштинските институции и да ги заштити Србите од сè посилните притисоци и бруталното насилство што се врши пред очите на сите механизми, чија улога, меѓу другото, е да ја заштитат заедницата.
Претседателот изрази жалење за повредените војници на КФОР, но посочи дека се повредени многу поголем број Срби, дека против нив било употребено огнено оружје и голема физичка сила.
Тој додаде дека во сегашната ситуација од клучно значење е зачувувањето на мирот, но и дека најважна е безбедноста на српската заедница на Косово, како и дека во оваа смисла ги очекува земјите од вкинтата, кои имаат најголемо влијание врз Приштина, итно да донесат и спроведат одредени мерки, кои би ја гарантирале безбедноста на Србите во Косово, што е предуслов за каква било понатамошна дискусија со претставниците на привремените институции во Приштина.
Претседателот Вучиќ истакна дека Албин Курти мора да ги повлече специјалните единици бидејќи Србите никогаш нема да ја прифатат неговата окупација.
„Се надевам дека ќе можете да го вразумите Курти да ги повлече своите сили и личните градоначалници од северот“, рече претседателот Вучиќ. Тој нагласи дека Србија ќе ја продолжи комуникацијата со претставниците на НАТО/КФОР со најдобра верба за зачувување на мирот и стабилноста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Црна Гора се бори со пожари

Седми ден по ред пожарите во Црна Гора не стивнуваат, а најкритично е во Подгорица, каде што и покрај тоа што ситуацијата е под контрола.
Началникот на Дирекцијата за цивилна заштита и намалување на ризици од катастрофи, Љубан Тмушиќ, соопшти дека најзагрозени области се Пипери и Кучки Корита. – Во овие подрачја се ангажирани сите расположливи ресурси – 12 возила и 42 пожарникари, рече Тмушиќ.
Посебна закана претставуваат и таканаречените „подземни пожари“ кои се активираат со пораст на температурите.
Во гаснењето се вклучени и армијата, како и помош од странство – Србија испрати хеликоптер, а вчера пристигна и швајцарски тим со 26 пожарникари и четири специјализирани возила. Поддршка дава и хеликоптер од Чешка.
Регион
Еди Рама вети бесплатни нови куќи за оние кои во пожарите ги загубија своите домови

По катастрофалните пожари кои деновиве зафатија делови од Албанија, уништувајќи домови и имоти, премиерот Еди Рама излезе со силно и директно ветување до сите настрадани граѓани. Во објава на социјалните мрежи, тој најави дека државата целосно ќе ги обесштети сите што претрпеле штета, вклучително и бесплатна обнова на секој уништен дом.
„Кој и да го изгубил својот дом, ќе го обновиме бесплатно, кој и да изгубил добиток, ќе го рефинансираме еден по еден“, напиша Рама на социјалните мрежи.
Оваа мерка, како што појасни министерот за одбрана Пиро Венгу, ќе се спроведува преку општините. Ќе се формираат посебни комисии за проценка на штетите на куќи, инфраструктура, бизниси и земјоделски култури, по што ќе следува обештетување од општинските фондови за цивилна заштита, поддржани од државниот буџет.
Регион
Шестмина припадници на полицијата се повредени за време на синоќешните протести во Србија

Министерот за внатрешни работи на Србија, Ивица Дачиќ изјави дека за време на синоќешните протести имало драстично нарушување на јавниот ред и мир и брутален напад врз полицијата, и дека, според досегашните податоци, повредени се шестмина припадници на полицијата.
„Шест полицајци се повредени, според информациите што ги имаме во моментов, а 38 лица се приведени. Секој можеше да види во преносот во живо дека имало брутален напад врз полицијата, дека демонстрантите дошле со намера да ги нападнат полицајците, да ги повредат“, рече Дачиќ.
Тој изјави дека вечерта немало поддржувачи на Српската напредна партија, што, како што рече, не ги спречило демонстрантите да ги нападнат просториите на таа партија низ цела Србија, и додаде дека на некои места биле нападнати и просториите на Социјалистичката партија на Србија.